Lucas 8:45 - Tü Nüchikimaajatkat Jesucristo

⁴⁵ —¿Jarat epettaka tashe'in? —nümakalaka joo Jesús. Otta tü wayuukolüirua süpüshua, ko'utüsü ne'e nuulia. Nümakalaka joo Pedro: —Senyotkalee, ¿jamüshikai pia? Wainma wayuu chentaawain pümaa.

Lucas 8:45 ပူးပေါင်းရင်းမြစ်များ

Lucas 19:43

Je süka nnojoliipü'üin jünoujain tanain, sünain aluwataaushin taya nütüma Maleiwa, anteena na jü'ünüükana jünainmüin so'uweena wane ka'i süpüla atkawaa jümaa. Noukaajeena achiki jia suulia ojuittaa sulu'ujee tü pueulokat. Je nekerolapa jünainmüin, o'utüneena aa'in jia sümaa jüchonnii je ojunnajinneerü tü jipiakat”.

Lucas 5:5

Nüsouktakalaka Simón: —Ekirajüikalee, olojüshii waya waneepia sa'waipa. Masitsalii waya sünain jime. Otta saa'u piaichipain müin tamüin, wajuteerü tü wakusüinkat süchikua —nümakalaka Simón.

Lucas 8:44

Sülü'ülaakalaka tü wayuukot nüchiirua Jesús shii'iree shipetteein sot nüshe'in. Je shipettapa shia, anaitpa, nnojolüitpa amülain isha sümüin.

Lucas 9:13

—Jaapa jiakana neküin —nümakalaka Jesús namüin. Nasouktakalaka nümüin: —Ja'raisü pan je piamasü ne'e jime asijuushi eekat wama'ana. Ja'itakaje ne'e wo'unüin wayalajaain shiküin, isasia ne'e wachiki. Watta ma'i saalii tü wayuukolüirua —müshii naya.