Lucas 3:36 - Tü Nüchikimaajatkat Jesucristo

³⁶ Sala, nüchon Cainán. Cainán, nüchon Arfaxad. Arfaxad, nüchon Sem. Sem, nüchon Noé. Noé, nüchon Lamec.

Lucas 3:36 ပူးပေါင်းရင်းမြစ်များ

Lucas 3:35

Nacor, nüchon Serug. Serug, nüchon Ragau. Ragau, nüchon Peleg. Peleg, nüchon Heber. Heber, nüchon Sala.

Lucas 3:37

Lamec, nüchon Matusalén. Matusalén, nüchon Enoc. Enoc, nüchon Jared. Jared, nüchon Mahalaleel. Mahalaleel, nüchon Cainán.

Hebreokana 11:7

Otta Noé paala sümaiwa, süka shiimüin nünoula nünain Maleiwa, oonooshi sümaa tü naapirakat achiki nia soo'opünaa tü kasa alateetkat, tü nnojotkat sütüjaain aa'u wayuu. Süka noonooin sümaa nünüiki, nükumajakalaka wane anua kalu'uinjatkat tü nüpüshikalüirua süpüla su'tte'ennüinjatüin. Tü kasa anasü naa'inrakat Noé sünainjee tü nünoulakat, suturaajaain tü kasa mojusü saa'inrakat tü wayuukolüirua süpüshua. Je Noé, süka nünoujain nünain Maleiwa sünain naa'inrüin tü nüchekakat nüpüleerua, anajiraaichipa nia nümaa süpüla ka'ikat süpüshua.

1 Pedro 3:20

Naya na ayouktakana paala sümaiwa nünüiki Maleiwa wanaa sümaa sükumajünüin tü anuakat nütüma Noé. Mayaainje na'atapajüin Maleiwa kaka'iya shii'iree nanoujeein, o'tte'ennüshii palit ne'e süka tü anuakat, eeshii maa aka mekiisatshii wayuu ne'e. Wüinsitkalaka süpüshua tü apütaasükat süpa'apünaa tü mmakat süpüshua.

2 Pedro 2:5

Maa'aya aka nukuaippa Maleiwa sümaiwa paala sünain nnojoliin naawalüin na wayuu mojutkana atüma nia. Nü'itirüin wane juya naa'u miyo'ushaata ma'i süpüla ouktajanain naya sütüma. Achiajaanüshiiyaaje naya nütüma Noé, chi wayuu aa'inrakai kasa anasü nu'upala Maleiwa, suulia süsalajüin naya tü naainjalakat nütüma Maleiwa. Niakalaka ne'e o'tte'ennüin namaa akaratshishii na kepiakana nümaa suulia wüinsirüin naya.