Lucas 1:30 - Tü Nüchikimaajatkat Jesucristo

³⁰ Ayatshi chi aapieekai aashajaain sümüin: —María, Nnojo mmolüin pia neema Maleiwa, süka nüneeküin pia süpüla wane kasa anasü.

Lucas 1:30 ပူးပေါင်းရင်းမြစ်များ

Mateo 14:27

Nüsouktamaatakalaka Jesús namüin: —Nnojo mmolüin jia, jüchechera jaa'in. Taya tayakalin —nümakalaka namüin.

Mateo 28:5

Je nantapa na jieyuukana, nümakalaka chi aapieekai namüin: —Nnojo jainkuuin aa'in. Tatüjaa aa'ut sünain jüchajaain nüchiki Jesús chi akachennakai paala süpüla ouktaa.

Lucas 1:13

Nümakalaka joo chi aapieekai nümüin: —Zacarías, nnojo mmolüin pia teema. Naapüinjatü chi Maleiwakai joolu'u pümüin tü kasa püchuntakat nümüin. Kachonweerü pümüin tü pu'wayuusekat wane jo'uu toolo. Anakaja pi'itaale nünülia Juain.

Lucas 12:32

“Jiakana aa'inmajuushikana tatüma, mmolujayaa jia sheema ayüülajünaa tatüma. Soto jaa'in sünain nücheküin chi Jüshikai Maleiwa süpüleerua juluwataainjanain wanaa nümaa so'uweena wane ka'i.

Aluwataaushikana 27:24

Müshi nia tamüin: “Pabloo, nnojo mmolüin pia. Nnojoleechi pia nuu'ulaain Maleiwakai ouktüin süka püntajachi'inya ma'i nümülatu'umüin César, chi laülaashikai, süpüla püsouktüinjachin paa'ujiraa. Otta pünainjee, nnojoleerü nuu'ulaain Maleiwakai ouktüin tü wayuukalüirua yaakat pümaa sulu'u tü anuakat”.

Roma 8:31

¿Jamüinjatü wanüiki shi'ipajee tü pütchi anasükat? Ja'itairü wainmain tü wa'ünüükalüirua saaliijee tü wanoulakat nünain Cristo, shiimüin wayamüleerüin shia, sükajee niain Maleiwa akaaliijüin waya.

Hebreokana 13:6

Je joolu'u saa'ujee eein chi Maleiwakai waneepia wamaa, anasü müleka wachecherüle waa'in nünain süpüla müinjatüin wanüiki sümüin wayuu: “Nia teenakaka chi Maleiwakai süpüla nükaalinjain taya. Nnojoleechi taya mmolüin seema tü saa'inreetkat tü ta'ünüükolüirua”.