Juan 6:28 - Tü Nüchikimaajatkat Jesucristo

²⁸ Nasakirakalaka Jesús: —¿Kasa waa'inrüinjatka süpüla wekeraajüinjatüin tü nüchekakat Maleiwa wapüleerua? —namakalaka.

Juan 6:28 ပူးပေါင်းရင်းမြစ်များ

Mateo 19:16

Nürütkaakalaka nünainmüin Jesús wane wayuu jima'ai sünain nüsakirüin nia: —Ekirajüikalee, ¿jarat anasü taa'inrüinjatka süpüla eeinjachin taya nümaa Maleiwa waneepia?

Lucas 10:25

Je so'u wane ka'i, antüshi wane wayuu no'utku na karalouktamaajanakana nünainmüin Jesús süpüla asakirayawaa nia shii'iree naapülijüinjachin nia nüsouktapa: —Ekirajüikalee, ¿kasa taa'inrüinjatka süpüla eeinjachin taya nümaa Maleiwa waneepia süchikijee ouktaa? —nümakalaka nümüin Jesús.

Juan 6:27

Nnojo kachiiruain jaa'in tü eküülü atüjakat aja'lajawaa, shia kachiirua jaa'in tü eküülü katüinjatkat atüma jo'u waneepia nümaa Maleiwa. Shia tü eküülü taapeekat jümüin tayakai chi Shipayakai Wayuu, süka laülaain taya süpüla tia nütüma chi Tashikai Maleiwa —nümakalaka Jesús namüin na wayuukana.

Juan 6:29

Asouktüshi Jesús ne'ipajee: —Tü nüchekakat Maleiwa jüpüleerua, shia jünoujainjanain tanain tayakai chi nüjünalakai —nümakalaka namüin.

Aluwataaushikana 16:30

Niyu'tkalaka naya anooipa'amüin sünain nüsakirüin naya: —Wayuuinnuaa, ¿kasa anaka süpüla taa'inrüin süpüla to'ttaainjachin? —müshi.

Aluwataaushikana 2:37

Shiasa'a naapapa süpüshua'a tü nümakat Pedro, na wayuu eejanakana jutkatüin, amojulaasü ma'i naa'in sütüma. Nasakitkalaka nia otta na waneeinnua Aluwataaushikana, müshii namüin: —Wa'lemüinyuwaa, ¿kasa anaka süpüla waa'inrüinjatüin joolu'u?

Aluwataaushikana 9:6

Pütamawaata pikeroloiwa sulu'umüin tü pueulokat. Je yala aküjüneerü pümüin tü anakat süpüla paa'inrüin.