Juan 18:27 - Tü Nüchikimaajatkat Jesucristo

²⁷ Naattajaakalaka Pedro nüchikua. Shiasa wanaa ma'i sümaa nüsouktüin Pedro, akootole'erajaashi wane kaliina.

Juan 18:27 ပူးပေါင်းရင်းမြစ်များ

Mateo 26:34

Nümakalaka Jesús nümüin: —Shiimüin tü tamakat pümüin: Süpülapünaa ni'yalajüin wane kaliina so'u aikat tüü, apünüintueechi taya punujulajüin achiki sünain pi'raajüin taya —nümakalaka nümüin.

Marcos 14:30

Nümakalaka Jesús nümüin: —Shiimüin tü tamakat pümüin: Süpülapünaa ni'yalajüin wane kaliina piantua so'u aikat tüü, apünüintueechi taya punujulajüin achiki sünain pi'raajüin taya —nümakalaka nümüin.

Marcos 14:68

Otta Pedro, nunujulajakalaka sünain nümüin sümüin: —Nnojoishi te'raajüin chi pümakai tamüin, nnojotsü tatüjaain aa'u tü paashajaakat achiki —nümakalaka sümüin sünain nüsünülaain eemüin tü so'ukot paatia. Akootole'erajaa müshia wane kaliina.

Lucas 22:34

—Pedro, tamüshi paala pia: So'ule'eya aikat tüü, süpülapünaa ni'yalajüin wane kaliina, aattajiraweechi pia paa'u apünüintua sünain pi'raajüin taya —nümakalaka Jesús nümüin.

Lucas 22:57

Otta müshia Pedro, naattajaakalaka suulia tü wayuukot: —Nii waa'iraa, nnojoishi te'raajüin chi pümakai tamüin —nümakalaka sümüin.

Juan 13:38

Nüsouktakalaka Jesús nümüin: —¿Shiimüin ma'i tü pümakat tamüin sünain yapain pia süpüla ouktaa tanainjee? Taküjüin paala pümüin tü shiimüinkat: Süpülapünaa nükootale'erajüin wane kaliina so'u aikat tüü, aattajaweechi pia paa'u apünüintua sünain pi'raajüin taya —nümakalaka Jesús nümüin.