Juan 18:22 - Tü Nüchikimaajatkat Jesucristo

²² Je nümapa Jesús tüü, nüshe'ejaanakalaka nuwalapa'anain nütüma wane nuwaariase chi sacerdotekai sha'watüshikai nü'ütpa'a sünain nümüin emetut nümüin Jesús: —E'rüikaiche pia wayumüin sümaa pünüiki nümüin chi laülaashikai napüleerua na sacerdotekana.

Juan 18:22 ပူးပေါင်းရင်းမြစ်များ

Marcos 14:65

Je joolu'u waneeirua na'aka, nejenaakalaka nu'uutajee Jesús. Nako'oyojooin tü no'ukot süka kuluulu sümaa nashe'etüin nia sünain namüin nümüin: —Müleka pialeje chi Cristo Nüneekajalakai Maleiwa, püshantaja saa'u jaralin ashe'etüin pia —namakalaka nümüin sünain neme'erainpalain nia. Nayasa'a na susurulaatsekana tü a'waajüleekat, na'yaatayaa namüshi nia.

Juan 18:21

¿Jamakalaka püsakiraka'a taya joolu'u? Shia anaka püsakirüle na wayuu aapajapü'ükana tanüiki. Shiimüin sünain nayain atüjaain saa'u tü tamapü'ükat —nümataalakalaka Jesús nümüin Anás.

Juan 18:3

Nüntakalaka joo Judas eemüin Jesús sümaa wane surulaalüirua je wane suwaariase tü a'waajüleekat Maleiwa ajütünakana natüma na fariseokana je natüma na laülaashiikana na'akajee na sacerdote judíokana. Kajapulu'uyaa müshii chajaruuta oo'ulaka kasimo'uyaa müshii süpüla nanaküin tü wopukot.

Juan 19:3

Narütkajaakalaka naya sümaa neme'erainpalain nia wainmatua sünain maa nümüin: —Pia Aluwataashikai saa'u tü wayuu judíokolüirua —müshii naya nümüin. Je nashe'ejakalaka nia sünain nu'upünaa.