Zacarias 9:3 - Tupàn zeꞌeg

³ Teko Xir tawhu pe har uzapo tàpuz aiha katu ma'e tàtà ma'e wà, uzepyro pà wàmàtyry'ymar wanuwi wà. Omono'og itaxig parat tetea'u ywy ku'i kwer ài wà. Omono'og itazu or tetea'u to'om ài wà no.

Zacarias 9:3 ပူးပေါင်းရင်းမြစ်များ

2 Samuel 24:7

A'e re oho kwarahy hemaw awyze har rehe har kutyr wà, Xir tawhu pe wà. Heta pàrirogaw aiha katu ma'e Xiro izywyr. A'e wi oho tawhu Ewe izuapyapyr waneko haw nànàn wà, Kànàà izuapyapyr waneko haw nànàn wà no. Iahykaw rehe oho tawhu Merexewa her ma'e Zuta ywy rehe har pe wà. Kwarahy hemaw awyze har rehe har kutyr tuz. Upapar teko paw a'e ywy nànàn a'e tawhu nànàn wà.

1 Reis 10:21

Awakwer umuapu'a or kanek tetea'u iapo pà wà. Xàrumàw nui'u kwaw kanek or 'ym ma'e pupe. Ma'e ipupyaikaw pyrer uhua'u ma'e ka'a Irimano rehe har her ma'e pe har paw or umuapu'a iapo pà wà no. Numuapu'a itaxig parat her ma'e a'e ma'e iapo mehe wà, ta'e Xàrumàw hekuwe mehe nahekuzar kwaw parat a'e xe.

1 Reis 10:27

Zeruzarez tawhu pe Xàrumàw tuwihawete romo heko mehe heta tetea'u itaxig parat. Nuzawy kwaw wyzài ita tuweharupi har a'e. Heta tetea'u ywyràkàxigyw a'e pe wà no. Waneta haw uzuawygatu ma'ywa pi 'yw her ma'e rehe wà.

Jó 22:24

Aze or ikatu wera'u ma'e na'ikatu kwaw newe nehe, aze nuzawy kwaw ywy imuku'i pyrer newe nehe, Aze nuzawy kwaw ita'i yrykaw izywyr har newe nehe,

Jó 27:16

Iaiw ma'e upuner parat tetea'u imono'ogaw rehe nehe. Upuner putar kamir tetea'u ipyhykaw wà nehe. Upuner putar ma'e tetea'u imono'ogaw rehe uzeupe azeharomoete nehe.

Jó 3:15

Aiko mo tuwihaw wanehe we. A'e tuwihaw umynehem wàpuz or pupe wà, parat pupe wà no.

Isaías 23:11

Tupàn Tuweharupi Wiko Ma'e upir opo yryhu rehe uzepyk pà: weityk tuwihawete upuner ma'e wà. — Pemumaw tawhu upuner ma'e Peni ywy rehe har pe wà nehe, i'i amo wanupe.

Isaías 23:8

A'e tawhu a'e, ikàg a'e. Ima'eme'egar wiko tuwihawete ta'yr ài wà. Ima'eme'egaw wazar uzemuawate kar teko ywy nànànar wanupe wà no. Mo umume'u ko iaiw paw Xir tawhu pe iapo pyràm.

Ezequiel 26:12

Neàmàtyry'ymar imunar putar neremetarer rehe wà nehe, nema'e rehe wà nehe no. Weityk putar nepàrirogawtàtà wà nehe. Umumew putar tàpuzuhu hekuzar katu ma'e nepupe har wà nehe no. Weityk putar nema'e yryhu pupe wà nehe: Itahu, ywyra, ywytàtà tàpuz pupe har imuku'iku'i pyrer.

Ezequiel 27:27

Ma'e neremime'eg ràm hekuzar katu ma'e paw, nereruata har yryhu rehe wata ma'e paw wà, ywyra pinar kanuhu pupe har paw wà, ma'eme'egar kanuhu pupe har paw wà, zauxiapekwer kanuhu pupe har paw wà, paw rupi ukàzym yryhu pupe wà, kanuhu izeapypyk mehe wà.

Ezequiel 27:33

Nema'e yryhu nànàn heraha mehe, eremono ma'e teko tetea'u wamurywete kar pà. Nema'e hekuzar katu ma'e imono mehe eremuigo kar tuwihawete ywy rehe har hemetarer katu ma'e romo ne wà.

Ezequiel 27:34

Ko 'ar rehe ereiko yryhu iwype kury. Erezeapypyk eho yryhu ohoete ma'e pupe. Nema'e paw rupi, newe uma'ereko ma'e paw rupi wà no, ukàzym yryhu pupe nerehe we wà.

Ezequiel 28:1

Tupàn Tuweharupi Wiko Ma'e uze'eg ihewe:

Amós 1:9

Uze'eg Tupàn Tuweharupi Wiko Ma'e kury. — Teko Xir tawhu pe har uzapo ikatu 'ym ma'e tetea'u wà. A'e rupi azepyk putar wanehe nehe. Amo 'ar mehe uzapokatu mua'u uze'egaw amo Izaew ywy pehegwer rehe har wanehe we wà. A'e re weraha a'e teko paw Enom ywy rehe har wanupe wame'eg pà uma'ereko e ma'e romo wà.

Josué 19:29

Na'e ywyzaw oho Hama kutyr Xir tawhu pe uhem pà. Heta pàrirogawtàtà a'e tawhu izywyr. Na'e ywyzaw uwak Oza kutyr Mezitehàn yryhu pe oho pà upaw pà. Heta amo tawhu Azer waiwy rehe wà: Maraw, Akaziw,