Zacarias 13:9 - Tupàn zeꞌeg

⁹ Amuata kar putar a'e umàno 'ym ma'e kwer tata pupe ihe wà nehe. Amukatu putar ihe wà nehe. Teko umukatu itaxig parat tata pupe wà. Umupyràn itazu or tata pupe wà no. Nezewegatete amukatu putar a'e wikuwe wiwi ma'e ihe wà nehe. Na'e uze'eg putar ihewe wà nehe. Aenu putar waze'eg nehe. — Peiko heremiaihu romo, a'e putar wanupe nehe. — Tupàn Tuweharupi Wiko Ma'e wiko urezar romo a'e, i'i putar ihewe wà nehe.

Zacarias 13:9 ပူးပေါင်းရင်းမြစ်များ

2 Samuel 7:24

O Tupàn Tuweharupi Wiko Ma'e. Eremuigo kar Izaew ne wà, neremiaihu romo ne wà. Wiko putar neremiaihu romo awyzeharupi wà nehe. Ereiko putar wazar romo tuweharupi nehe no.

Jó 23:10

Nezewe rehe we Tupàn ukwaw heata haw pitàitàigatu a'e. Aze heragaw nehe, — Heko haw nuzawy kwaw or ikatuahy ma'e, i'i putar ihewe nehe.

Jó 28:1

Teko uhàwykàz amo ywy rehe parat henuhem pà wà. Teko umupyràn itazu or ikatu 'ymaw henuhem pà izuwi wà.

Salmos 144:15

Hurywete teko amo ywy rehe har wà, aze wereko a'e ma'e paw wà. Hurywete amo teko wà, aze wereko Tuweharupi Wiko Ma'e uzar romo wà.

Salmos 43:4

A'e mehe, o Tupàn, aha putar ma'ea'yr hapy haw nerenataromo har pe nehe, Ta'e hemurywete kar pe tuwe ne xe. Amupu putar hewioràwiràn nehe. Amuzàg putar nekatu haw rehe zegar haw nehe no, o Tupàn hezar.

Salmos 50:15

Aze herenoz pe ma'erahy ipuraraw paw 'ar mehe nehe, Apupyro putar ihe nehe. A'e mehe pemume'u putar hekatu haw nehe, i'i Tupàn wemiaihu wanupe.

Salmos 91:15

Herenoz putar wà nehe. Awazar putar waze'eg wanupe nehe. Aiko putar wanehe we ma'erahy ipuraraw mehe nehe. Apyro putar ihe wà nehe. Amuawate kar putar amogwer teko wanupe ihe wà nehe no.

Provérbios 17:3

Ximukatu itazu or tata pupe. Ximukatu itaxig parat tata pupe no. Tupàn Tuweharupi Wiko Ma'e a'e ae wexak kar putar teko waneko haw azeharomoete har a'e nehe.

Cânticos dos Cânticos 2:16

Aiko heremiamutar izar romo ihe. Wiko hezar romo a'e no. Weraha weimaw àràpuhàràn hawitu ma'e ma'eputyr iri her ma'e wainuinuromo a'e wà. U'u kar ka'api'i wanupe a'e,

Isaías 43:2

'Y typy ma'e hahaw mehe nehe, aiko putar nerehe we nehe. Nerezeapypyk kwaw nehe. Tata myteromo neho mehe nehe, nanerapy kwaw nehe.

Isaías 48:10

Apuraraw kar ma'erahy peme, ta'e hepurumukatu wer penehe ihe xe. Teko umukatu itaxig parat tatahu pupe. Nezewegatete apumukatu ma'erahy pupe.

Isaías 58:9

Ihewe penehapukaz mehe pepytywà àwàm henoz mehe nehe, apuenu putar nehe. — Urepytywà pe nehe, peze putar ihewe nehe. — Aiko aiko xe ihe, a'e putar peme nehe. — Aze pepytu'u tuwe pemunar ire wà nehe, aze pepytu'u ikatu 'ym ma'e amo wanupe imume'u re nehe, aze pepytu'u peze'eg urywahyahy re pe nehe,

Jeremias 24:5

Ihe Tupàn Tuweharupi Wiko Ma'e Izaew wazar ihe, amume'u ko ma'e newe ihe kury. Izaew izuapyapyr Mawiron pe heraha pyrer nuzawy kwaw pi i'a kwer ikatu ma'e wà. Apuhareko putar ihe wà nehe.

Jeremias 31:33

A'e 'ar ihem mehe azapokatu putar ko heze'egaw teko Izaew izuapyapyr wanehe we ihe nehe. Na'aw heze'eg: Amono putar heze'eg wama'enukwaw paw pupe ihe nehe, wapy'a pupe ihe nehe no. Aiko putar wazar romo nehe. Wiko putar heremiaihu romo wà nehe no. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 32:38

Wiko putar heremiaihu romo wà nehe. Aiko putar wazar romo ihe nehe no.

Jeremias 9:6

Upuraraw kar ma'erahy tetea'u amo wanupe wà. Imunar teko tetea'u wama'e rehe wà no. — 'Aw teko naheputar kwaw wà, i'i Tupàn.

Ezequiel 11:20

Nezewe mehe uzapo putar ma'e heze'eg rupi katete wà nehe. Weruzar katuahy putar heremiapo karer wà nehe no. Wiko putar heremiaihu romo wà nehe. Aiko putar wazar romo ihe nehe no.

Ezequiel 14:11

Azapo putar a'e ma'e ihe nehe. Nezewe mehe Izaew nahereityk kwaw wà nehe. Nuzemuaiw kwaw wemiapo kwer ikatu 'ym ma'e pupe wà nehe. Wiko putar heremiaihu romo wà nehe. Aiko putar wazar romo ihe nehe no. Ihe Tupàn Tuweharupi Wiko Ma'e aze'eg kwez kury.

Ezequiel 20:38

Anuhem putar hereruzar 'ymar pemyter wi ihe wà nehe. Anuhem putar ikatu 'ym ma'e iapo har ihe wà nehe no. Wiko amo ywy wanehe ko 'ar rehe wà. Anuhem putar wanuwi ihe wà nehe. Nezewe rehe we namuzewyr kar kwaw Izaew ywy rehe wà nehe. Nezewe mehe ukwaw putar Tupàn Tuweharupi Wiko Ma'e romo herekuwe haw a'e wà nehe.

Ezequiel 36:28

A'e mehe peiko putar ywy peipy wanupe heremimono kwer rehe nehe. Peiko putar heremiaihu romo nehe. Aiko putar pezar romo nehe no.

Ezequiel 37:27

Aiko putar a'e pe wainuinuromo ihe nehe. Aiko putar wazar romo nehe. Wiko putar heremiaihu romo wà nehe no.

Daniel 11:35

Uzuka putar amo purumu'e ma'e ma'e kwaw katu har wà nehe. Nezewe izeapo haw umukatu putar Tupàn hemiaihu wà nehe. Ikatu wera'u putar henataromo wà nehe. Agwer ma'e uzeapo putar oho iko te iahykaw rehe nehe. Tupàn wexaexak iahykaw 'ar a'e.

Daniel 12:10

Teko tetea'u upuraraw putar ma'erahy wà nehe. Nezewe mehe ikatu putar wà nehe, ikatu wera'u putar Tupàn henataromo wà nehe. Ikatu 'ym ma'e uzapo wiwi ikatu 'ym ma'e oho waiko wà nehe. Ni amo nukwaw kwaw uzeapo ma'e wà nehe. Xo ma'e kwaw katu har ukwaw putar wà nehe.

Joel 2:32

— Hepytywà pe nehe, aze amo i'i wà nehe, Tupàn upyro putar a'e teko a'e wà nehe. Ta'e Tupàn Tuweharupi Wiko Ma'e umume'uahy ko ma'e a'e xe. — Teko izuka pyràm 'ym paw wiko putar ywytyr Xiàw rehe wà nehe. Apyro putar heremixamixak kwer ihe wà nehe, i'i Tupàn.

Levítico 26:12

Aiko putar peinuinuromo tuweharupi nehe. Aiko putar pezar romo nehe no.

Zacarias 10:6

Uze'eg wi Tupàn Tuweharupi Wiko Ma'e. — Amono putar hekàgaw teko Zuta ywy rehe har wanupe nehe. Apyro putar teko Izaew ywy rehe har wà nehe. Apuhareko katu ihe wà. Arur wi putar wamunehew pawer wi ihe wà nehe. Wiko putar heremityk pixik 'ym kwer ài wà nehe. Ta'e aiko Tupàn Tuweharupi Wiko Ma'e romo wazar romo ihe xe. Aenu ihewe waze'eg mehe ihe wà.

Zacarias 12:10

A'e 'ar mehe amono kar putar herekwe Tawi izuapyapyr wanupe ihe wà nehe, amogwer Zeruzarez pe har wanupe ihe wà nehe no. A'e rupi ikatuahy putar uzeupeupe wà nehe. Ize'eg wer putar ihewe tuweharupi wà nehe no. Ume'e putar wemikutuk kwer rehe wà nehe. Uzai'o putar imàno awer rehe wà nehe. Aze heta xo pitài ta'yr zo amo awa pe, aze umàno, uzai'o tuwe a'e awa. Nezewegatete a'e teko uzai'o putar wemizuka kwer imàno awer rehe wà nehe no. Uzai'oahy putar wà nehe, awa wa'yripy imàno awer rehe uzai'o ma'e ài wà nehe.

Zacarias 8:8

Amuzewyr kar putar wamuwà Zeruzarez pe ihe wà nehe kury. Wikuwe putar a'e pe wà nehe. Wiko putar heremiaihu romo wà nehe. Aiko putar wazar romo ihe nehe. Aruze'egatu putar ihe wà nehe, wanuwi waneityk 'ym pà ihe wà nehe.

Atos 2:21

Aze uze'eg ihewe wà nehe, — Hepyro pe, hezar, Aze i'i ihewe wà nehe, Apyro putar wyzài teko a'e 'ar mehe ihe wà nehe, i'i Tupàn a'e, uze'eg imuapyk kar pà pape rehe a'e, Zuew pe a'e.

Hebreus 8:10

— Amume'u wi putar amo ae heze'eg Izaew izuapyapyr wanupe ihe nehe kury, 'ar uhem ma'e ràm rehe ihe nehe kury. Akwaw kar putar heze'eg wanupe nehe. Aze teko umuapyk ze'eg pape rehe nehe, nukàzym kwaw nehe. Nezewegatete amuapyk putar heze'eg wapy'a pe nehe. Ipureruzar wer hehe wà nehe. Naheharaz kwaw izuwi wà nehe. Aiko putar wazar romo ihe nehe no. Wiko putar heremiruze'eg romo wà nehe no.

Tiago 1:12

Teko uzapo ikatu 'ym ma'e uzeruzar ma'e wanupe wà. Uzeruzar ma'e upuraraw ma'erahy wà no. Aze nupytu'u kwaw uzeruzar ire wà nehe, ma'erahy ipuraraw mehe wà nehe, ikatu 'ym ma'e ipuraraw mehe wà nehe, hurywete putar wà nehe. Aze uzeruzar wiwi oho waiko te iahykaw rehe wà nehe, wiko putar Tupàn pyr tuweharupi wà nehe, tatahu pe oho 'ym pà wà nehe. Ta'e nezewe i'i tuwe Tupàn purupe a'e xe. — Heamutar katu har a'e wà nehe, wiko putar tuweharupi hepyr a'e wà nehe, i'i purupe a'e xe.

1 Pedro 4:12

Hemyrypar heremiamutar wà. Pepuraraw ma'erahy peiko. Pepytuhegatu zo ipuraraw mehe nehe. Ta'e tuweharupi uzeapo agwer ma'e xe.

Apocalipse 21:7

— Aze teko nupytu'u kwaw herehe uzeruzar ire wà nehe, aze weruzar heze'eg upytu'u 'ym pà iahykaw rehe wà nehe, a'e mehe aiko putar wazar romo ihe nehe. Wiko putar hera'yr romo herazyr romo a'e wà nehe no, i'i ihewe.

Apocalipse 8:10

Na'e amo Tupàn heko haw pe har upy uxi'àm a'e kury. Zahytata uhua'u ma'e ukaz ma'e u'ar kwaw pà ywak wi a'e kury, yrykaw pupe a'e kury, ytyzuzàmaw pupe a'e no.

Apocalipse 8:11

(Iroahy haw a'e zahytata her romo a'e.) Na'e yrykaw iaikwer iroahy kury. Teko tetea'u umàno i'u re a'e wà, ta'e iroahy tuwe a'e xe.

Apocalipse 8:12

Na'e amo Tupàn heko haw pe har upy uxi'àm a'e kury. Amo upei'àg kwarahy kury, ipehegwer i'ok pà izuwi kury. Upei'àg zahy pehegwer no. Umumaw zahytata tetea'u a'e wà no. A'e rupi nuhyape katu kwaw ma'e izypy mehe arer ài a'e wà. Ni 'aromo nuhyape katu kwaw. Ni pyhaw nuhyape katu kwaw.

Apocalipse 8:7

Tupàn heko haw pe har ipy upy uxi'àm kury. Àmàn tàtà ma'e a'e, tata a'e no, u'ar kwaw pà ywy rehe ma'eruwy kwer inuromo a'e. Amo ywy pehegwer ukaz paw kury. Ywyra tetea'u ukaz a'e no. Ka'api'i tetea'u ukaz a'e no. (Heta we ukaz 'ym ma'e no.)

Apocalipse 8:8

Na'e amo Tupàn heko haw pe har upy uxi'àm a'e kury. Na'e ywy pehegwer uhua'u ma'e ywytyr zàwenugar ukaz ma'e a'e kury, u'ar kwaw pà yryhu pupe a'e kury. Yryhu iaikwer uzeapo ma'e huwykwer romo kury.

Apocalipse 8:9

Ipira yryhu pe har tetea'u umàno a'e wà. Aze heta na'iruz ipira pe pe wà, pitài umàno. Mokoz numàno kwaw wà. Aze heta na'iruz ipira 'a pe wà, nezewegatete no. Kanuhu tetea'u uzekazeka a'e wà no. Aze heta na'iruz kanuhu pe pe wà, a'e ywytyr zàwenugar umuaiw pitài kanu. Numuaiw kwaw inugwer wà.