Zacarias 11:8 - Tupàn zeꞌeg

⁸ Pitài zahy rehe amumaw na'iruz àràpuhàràn hawitu ma'e mono'ogar ihe wà. Nahekatu kwaw àràpuhàràn hawitu ma'e wanupe ihe. Heputupyk àràpuhàràn hawitu ma'e a'e wà.

Zacarias 11:8 ပူးပေါင်းရင်းမြစ်များ

1 Reis 11:25

Hezom wiko Xàrumàw iàmàtyry'ymar romo a'e, hekuwe mehe we tuweharupi a'e.

Salmos 106:40

Na'e Tupàn Tuweharupi Wiko Ma'e wikwahy wemiaihu wanupe kury. Iroahy tuwe izupe wà.

Salmos 5:5

Neremuigo kar kwaw amo wanuwi wiko wera'u ma'e neruwake ne wà. Naneakatuwawahy kwaw ikatu 'ym ma'e iapo har wanehe.

Salmos 78:9

Awa Eparai izuapyapyr wà, Wereko ywyrapar opo pe wà, opo pe u'yw wereko wà no. Uzàn oho zeàmàtyry'ymawhu 'ar mehe wà.

Isaías 49:7

Tupàn Tuweharupi Wiko Ma'e a'e, Izaew wazar Ikatuahy Ma'e a'e, wapyro har a'e, uze'eg wemiruze'eg pe a'e kury. Teko amo ywy rehe har tetea'u na'iakatuwawahy kwaw hemiruze'eg rehe wà. Tuwihawete wanupe uma'ereko e ma'e romo hekon a'e. Tupàn Tuweharupi Wiko Ma'e uze'eg wemiruze'eg pe. — Tuwihawete a'e wà nehe, tuwihawete wana'yr a'e wà nehe no, wexak putar nepuner haw a'e wà nehe. Ur putar nepy huwake wapyk pà upenàràg rehe wà nehe, nemuawate haw hexak kar pà newe wà nehe. Ta'e ihe Tupàn Tuweharupi Wiko Ma'e ihe azapo ma'e heremimume'u kwer rupi katete ihe xe. Ihe Izaew wazar Ikatuahy Ma'e ihe, urexak heremiruze'eg romo nemuigo kar pà ihe, i'i Tupàn.

Jeremias 12:8

Teko heremixamixak kwer wiko heàmàtyry'ymar romo zàwàruhu iriàw ka'a pe har ài wà. Uhapukaz hekutyr wà. A'e rupi iro ihewe wà.

Jeremias 14:21

Nema'enukwaw neremimume'u kwer rehe nehe. Urereityk zo pe nehe. Eityk kar zo Zeruzarez tawhu zauxiapekwer wanupe nehe. Ta'e nerenaw ipuràg eteahy ma'e a'e pe hin a'e xe. Nema'enukwaw neze'eg awer neremiaihu wanehe we neremiapo katu kwer rehe nehe. Epytu'u zo ma'e iapo re a'e ze'eg rupi nehe.

Jeremias 6:30

— Parat ikatu 'ym ma'e, i'i putar ikatu 'ym ma'e wanupe wà nehe. Ta'e ihe Tupàn Tuweharupi Wiko Ma'e aityk ihe wà xe, i'i Tupàn.

Ezequiel 14:5

A'e tupàn a'ua'u paw hereityk kar heremiaihu wanupe a'e wà. Heze'eg henu mehe aze ru'u uzewyr putar ihewe wà nehe, hereruzar pà wà nehe.

Ezequiel 16:45

Azeharomoete ereiko nehy imemyr romo ne. Imen na'ikatu kwaw izupe. Nuputar kwaw umemyr wà no. Ereiko nekypy'yr wazàwe ne. Na'iakatuwawahy kwaw umen wanehe wà. Na'iakatuwawahy kwaw umemyr wanehe wà no. Ereiko tawhu romo. Nekypy'yr wiko taw neiwyr har romo wà. Nehy wiko Ete izuapyr romo. Neru wiko Amohe izuapyr romo.

Oséias 4:6

Heremiaihu na'ipurukwaw wer kwaw herehe wà. A'e rupi uzemumaw waiko wà. Pe, xaxeto wà. Napepurukwaw wer kwaw herehe. Peneharaz heze'eg kwehe arer wi. A'e rupi napurumuawyze kwaw xaxeto romo herenataromo kury. Namuawyze kwaw pena'yr xaxeto romo ihe wà nehe no.

Oséias 5:7

Nuzawy kwaw hemireko amo awa puhe oho ma'e kwer umen pe wà. Wamemyr wiko wyzài awa ta'yr romo wyzài awa tazyr romo wà. A'e rupi nan kwehe tete amo umumaw putar waiwy wà nehe.

Oséias 9:15

Uze'eg Tupàn Tuweharupi Wiko Ma'e. — Teko Izaew wakatu 'ymaw paw uzypyrog tawhu Ziwkaw pe a'e. A'e pe azypyrog wanehe heakatuwawahy 'ym pà ihe. Amono kar heywy wi, ta'e uzapo ikatu 'ym ma'e oho waiko wà xe. Ko 'ar rehe ihe nehe, nazamutar kwaw ihe wà nehe kury. Wanuwihaw paw naheputar kwaw uzar romo wà.

Levítico 26:11

Aiko putar peinuinuromo nehe, tàpuzràn ihewe imonokatu pyrer pupe nehe. Napuir pixik kwaw pewi nehe.

Levítico 26:30

Aikwahy putar tuwe peme nehe. Amumaw putar tupàn a'ua'u wamuwete haw pe peho haw nehe. Azukazuka putar ywyrapew zàwenugar yhyk zàwenugar hapy haw nehe. Aityk putar penetekwer tupàn a'ua'u heremityk kwer wanehe nehe no.

Levítico 26:44

Wiko putar amo ywy rehe wà nehe. Nezewe rehe we naityk kwaw ihe wà nehe. Namumaw kwaw ihe wà nehe. Ta'e nazuhaw kwaw heze'egaw wanehe we heremiapo katu kwer ihe nehe xe. Aiko Tuweharupi Wiko Ma'e romo wazar romo ihe.

Lucas 12:50

Azemumikahy tuweharupi ihe kury, ta'e apuraraw putar ma'erahy ihe nehe xe. Aze awa uzemuzahazahak kar a'e, wixe 'y pupe a'e. Nezewegatete aixe putar a'e ma'erahy pupe ihe nehe no.

Lucas 19:14

A'e rupi umur kar uze'eg heraha har ywy rehe wà kury. Ta'e a'e tuwihaw ur putar ko ywy rehe a'e xe. — Nuruputar kwaw a'e awa ureruwihaw romo ure, i'i a'e teko ihewe wà, uze'eg imume'u kar pà ihewe wà. A'e rupi aha putar wanuwihaw romo hereko pà ihe nehe kury, i'i wanupe. Oho 'ym mehe we wenoz 10 wemiruze'eg uzeupe a'e wà kury. Omono temetarer tàtà ma'e hekuzar katu ma'e wanupe pitàitàigatu a'e. — Pemono'og amo ae temetarer ihewe nehe, ko rehe nehe, i'i wanupe. Uhem oho a'e wi kury.

João 15:18

Uze'eg wi urewe. — Teko ywy rehe har heremiruze'eg 'ym a'e wà, na'iakatuwawahy kwaw penehe a'e wà. Pema'enukwaw ko ma'e rehe nehe. Herehe ràgypy na'iakatuwawahy kwaw a'e wà.

João 7:7

ta'e tuwihaw ywy rehe har na'ipuruzuka wer kwaw penehe a'e wà xe. Na'iakatuwawahy kwaw herehe a'e wà. Ta'e amume'u wanemiapo kwer ikatu 'ym ma'e teko wanupe ihe xe.

Deuteronômio 32:19

Tupàn Tuweharupi Wiko Ma'e wexak a'e ma'e iapo mehe wà. Wikwahy wanupe. A'e rupi weityk wa'yr wà. Weityk wazyr wà no.

Hebreus 10:38

Heremiruze'eg ikatu ma'e iapo har a'e wà nehe, Uzeruzar wi wi putar herehe a'e wà nehe. Wiko putar tuwe hepyr tuweharupi wà nehe. Aze amo upytu'u herehe uzeruzar ire wà nehe, Na'ikatu pixik kwaw ihewe wà nehe, i'i ze'eg kwehe arer.