Zacarias 1:16 - Tupàn zeꞌeg

¹⁶ Nezewe rehe we azewyr Zeruzarez pe ta'e apurupuhareko katu ihe xe. Ihe Tupàn Ikàg Wera'u Ma'e ihe, amume'u katu ko ma'e uzeapo ma'e ràm ihe kury. Heremiaihu uzapo wi putar Zeruzarez tawhu wà nehe. Uzapo wi putar heràpuzuhu wà nehe no, a'e teko ihe, i'i Tupàn.

Zacarias 1:16 ပူးပေါင်းရင်းမြစ်များ

Jó 38:5

Mo umume'u ywy uhua'u àwàm a'e. Aipo erekwaw. Mo uzapo ywy uhua'u ma'e romo. Aipo erekwaw.

Isaías 12:1

A'e 'ar mehe teko paw uzegar putar nezewe wà nehe. — Amume'u nekatu haw, O Tupàn Tuweharupi Wiko Ma'e. Kwehe mehe erekwahy ihewe. Nekwahy haw upaw kury. Ko 'ar rehe hemurywete kar iko ne.

Isaías 34:11

Pypy wà nehe, zàpuun wà nehe no, wiko putar a'e ywy izar romo wà nehe. Uzapo putar waity a'e ywy nànàn wà nehe. Tupàn Tuweharupi Wiko Ma'e umuigo kar putar a'e ywy teko heta 'ymaw romo nehe, tuwihaw heta 'ymaw romo nehe. Izypy mehe ywy iapo mehe naheta kwaw teko a'e ywy rehe. Iahykaw rehe nuzawy kwaw izypy mehe arer nehe.

Jeremias 30:18

Amuzewyr kar putar Zako izuapyapyr wamuwà waiwy pe ihe wà nehe. Apuhareko putar uzeànàànàm ma'e imono'og pyr pitàitàigatu ihe wà nehe. Uzapo wi putar Zeruzarez a'e wà nehe. Teko wiko putar tuwihawete hàpuzuhu pupe wà nehe no.

Ezequiel 40:3

Hereraha huwake. Aexak awa ita morog iapo pyrer zàwenugar. Upu'àm ukenawhu izywyr. Upyhyk ipuku haw hagapaw irin iapo pyrer opo pe. Upyhyk ipuku haw hagapaw ywyra iapo pyrer opo pe no.

Ezequiel 47:3

Upyhyk ywyra puku haw hagapaw kury. Umumaw 500 met yrykaw kutyr kwarahy ihemaw kutyr hexakaw. — Eahaw yrykaw pe pe kury, i'i ihewe. 'Y uhem hepyakaza pe.

Ezequiel 48:35

Aze xiagaw pàrirogawtàtà tawhu izywyr har ipuku haw paw nehe, heta putar 9 kirom izupe nehe. Ko 'ar henataromo nehe, — Tupàn Tuweharupi Wiko Ma'e wiko xe a'e, i'i putar teko a'e tawhu pe nehe. Her romo nehe. Upaw kwez xe kury. Upaw

Ageu 1:14

Tupàn Tuweharupi Wiko Ma'e umukàg kar a'e teko paw a'e wà kury, wamurywete kar pà a'e wà kury. Zurupapew Zuta wanuwihaw, Zuzue xaxeto wanuwihawete no, teko Mawiron wi izemunehew pyrer uzewyr ma'e kwer wà no. Uzemono'og paw rupi uzar Tupàn Ikàg Wera'u Ma'e ràpuzuhu iapo katu pà wà, iapo haw rehe uzypyrog pà wà.

Zacarias 10:6

Uze'eg wi Tupàn Tuweharupi Wiko Ma'e. — Amono putar hekàgaw teko Zuta ywy rehe har wanupe nehe. Apyro putar teko Izaew ywy rehe har wà nehe. Apuhareko katu ihe wà. Arur wi putar wamunehew pawer wi ihe wà nehe. Wiko putar heremityk pixik 'ym kwer ài wà nehe. Ta'e aiko Tupàn Tuweharupi Wiko Ma'e romo wazar romo ihe xe. Aenu ihewe waze'eg mehe ihe wà.

Zacarias 2:4

Uze'eg Tupàn heko haw pe har ràgypy izupe kury. — Ezàn na'arewahy kwàkwàmo puku haw hagaw paw hereko har pe neze'eg pà kury. — Heta wi putar Zeruzarez pe har wà nehe. Heta tetea'u putar teko a'e pe wà nehe. Heta tetea'u putar ma'ea'yr a'e pe wà nehe no. Teko nupuner kwaw pàrirogaw tàtà ma'e tawhu izywyr har iapo haw rehe wà nehe, ta'e heta tetea'u putar tuwe teko a'e pe wà nehe xe.

Zacarias 2:5

Nezewe i'i Tupàn Tuweharupi Wiko Ma'e. A'e ae wiko putar pàrirogaw romo tata iapo pyrer Zeruzarez izywyr a'e nehe. Wiko putar a'e tawhu pupe nehe. Wexak kar putar ukàgaw upuràg eteahy haw a'e pe purupe nehe no.

Zacarias 2:6

Uze'eg Tupàn Tuweharupi Wiko Ma'e teko wemiaihu wanupe. — Peinu katu ko ze'eg nehe. Peinu katu ko ze'eg nehe. Pe Mawiron pe har wanemipyhyk kwer pe wà. Pezàwehem a'e wi nehe. Pezàwehem peho a'e ywy kwarahy hemaw awyze har kutyr har wi nehe. Apumuhàmuhàz ywy nànàn ihe. Nezewe rehe we uhem Zeruzarez pe pezewyr haw 'ar kwez kury, i'i Tupàn.

Zacarias 4:9

— Zurupapew uzapo 'àg tàpuzuhu iwy pe har a'e. A'e ae umumaw putar 'àg tàpuzuhu iapo haw nehe no. A'e ma'e izeapo mehe nehe, teko ukwaw putar Tupàn Ikàg Wera'u Ma'e wanupe nemono karer romo hereko haw wà nehe.

Zacarias 8:3

Azewyr putar Zeruzarez pe nehe. Aikuwe putar a'e pe nehe. A'e 'ar mehe — Tawhu uzeruzar katu ma'e, i'i putar teko a'e tawhu pe wà nehe. Tupàn Ikàg Wera'u Ma'e ihe. Ywytyr herenaw a'e pe hin a'e. — Ywytyr ikatuahy, i'i putar teko a'e ywytyr pe wà nehe.