Tiago 4:14 - Tupàn zeꞌeg

¹⁴ Naxikwaw pixik kwaw zanereko àwàm pyhewe àràm zane. Zaiko ywyximorer ài. Ywyximorer uzexak kar e ko rupi a'e. Tàrityka'i ukàzym.

Tiago 4:14 ပူးပေါင်းရင်းမြစ်များ

2 Samuel 19:34

Uwazar ize'eg izupe. — Naheta kwaw 'ar tetea'u ihewe nehe kury. Àmàno etea'i. Màràzàwe tuwe aha putar Zeruzarez pe nerupi nehe, i'i izupe.

Salmos 102:3

Hereko haw ukàzym iko tàtàxiner ài. Heretekwer ukaz iko tata pupe har ài.

Salmos 144:4

Teko nuzawy kwaw pytuhemaw wà. Waneko haw nuzawy kwaw ma'e'àg kwerupi ukwaw ma'e wà.

Salmos 39:5

Hereko haw ihewe nemur awer na'ipuku kwaw a'e. Hereko haw ipuku haw pixika'i nerenataromo. Azeharomoete teko waneko haw nuzawy kwaw pytuhemaw a'e.

Salmos 78:39

Ima'enukwaw amo 'ar mehe umàno ma'e ràm romo waneko haw. Nuzawy kwaw ywytu wà. Ywytu oho. Nuzewyr kwaw.

Salmos 89:47

Nema'enukwaw hereko haw rehe nehe. Iaikwera'i a'e. Teko neremiapo kwer paw umàno putar amo 'ar mehe wà nehe. Nema'enukwaw wamàno àwàm rehe nehe.

Provérbios 27:1

— Ikatuahy ma'e uzeapo putar ihewe nehe, ere zo nezeupe nehe. Ta'e ni pyhewe newe uzeapo ma'e ràm nerekwaw kwaw ne xe.

Isaías 2:22

Pezeruzar zo teko wanehe nehe. Ta'e amo 'ar mehe umàno ma'e ràm romo wanekon wà xe. Aipo ikatu wà.

Isaías 38:12

Umuaikwera'i kar hereko haw imumaw pà a'e. Nuzawy kwaw àràpuhàràn mono'ogar wanàpuzràn. Na'arewahy umuezyw imukanaw pà imuàgà'ym pà muite heraha pà wà, a'e hezeupe. Kamir iapo har omonohok pàn ipehegwer a'e. Hereko haw nuzawy kwaw pàn ipehegwer, a'e hezeupe. — Tupàn hemumaw putar na'arewahy kury, a'e hezeupe 'aromo ihe, pyhaw ihe no.

Tiago 1:10

Uzeruzar ma'e hemetarer katu ma'e a'e wà no, aze wiko hemetarer 'ym ma'e ài wà nehe, tuwe hurywete wà nehe no. Ta'e ukàzym putar wà nehe xe, ka'a kyr iputyr ài wà nehe xe.

1 Pedro 1:24

Ta'e nezewe i'i Tupàn ze'eg kwehe arer a'e xe. Teko paw rupi a'e wà, Ka'api'i ài wanekon a'e wà. Wakàgaw wapuràgaw a'e wà, Nuzawy kwaw ka'api'i putyr a'e wà. Uxinig ka'api'i. Iputyr uxinig u'ar pà izuwi no.

1 Pedro 4:7

Uhem etea'i iahykaw kury, ma'e paw imumaw paw kury. Peiko ma'e kwaw par romo nehe. Pezeruze'eg nehe. Nezewe mehe pepuner Tupàn pe peze'egatu haw rehe nehe.

1 João 2:17

Ywy ukàzym putar nehe. Teko wanemimutar paw ukàzym putar wà nehe no. Nezewe rehe we Tupàn hemimutar iapo har wiko putar tuweharupi wà nehe.