Tiago 3:9 - Tupàn zeꞌeg

⁹ Zaze'egatu Zaneru Zanezar pe zaneapeku pupe zane. Zaze'eg zemueteahy teko wanehe ipupe no. Tupàn uzapo teko uzezàwe a'e wà. Màràzàwe tuwe zaze'eg zemueteahy wanehe.

Tiago 3:9 ပူးပေါင်းရင်းမြစ်များ

Gênesis 5:1

Amuapyk putar Ànàw izuapyapyr waner xe ihe nehe.

Gênesis 9:6

Azapo teko hezàwenugar romo ihe wà. A'e rupi aze amo teko uzuka amo teko a'e nehe, amo ae uzuka putar izuka arer a'e nehe no.

2 Samuel 16:5

Wata Tawi oho iko kury. Uhem Mauri tawhu pe. Ximez Zer ta'yr wiko a'e pe. Xau iànàm romo hekon a'e. Oho Tawi huwàxi mà kury. Uzypyrog ze'egaiw imur kar pà hehe.

2 Samuel 19:21

Na'e Amizaz Zeruz memyr uze'eg Tawi pe kury. — Ximez umume'u iaiw ma'e tuwihawete Tupàn hemixak kwer pe a'e. A'e rupi aze erezuka kar nehe, ikatu putar nehe, i'i izupe.

1 Crônicas 29:10

Na'e a'e pe teko wanenataromo Tawi umume'u Tupàn Tuweharupi Wiko Ma'e ikatu haw a'e kury. — O Tupàn Tuweharupi Wiko Ma'e ureipy Zako izar. Nekatuahy tuweharupi.

1 Crônicas 29:20

Na'e uze'eg Tawi teko wanupe kury. — Pemume'u Tupàn Tuweharupi Wiko Ma'e Zanezar ikatu haw izupe nehe, i'i wanupe. Na'e teko paw umume'u Tupàn Tuweharupi Wiko Ma'e uwipy wazar ikatu haw izupe wà kury. Paw rupi wapyk upenàràg rehe wà, uwa imuhyk pà ywy rehe wà, Tupàn imuwete katu pà wà, tuwihawete rehe uzeruze'egatu pà wà no.

Salmos 10:7

Izuru tynehem ze'egaiaiw pupe a'e. Temu'emaw pupe tynehem no. Umume'u iaiw ma'e amo pe wemiapo ràm tuweharupi no. Uze'eg xo iaiw paw rehe zo a'e. Xo ikatu 'ymaw rehe zo uze'eg a'e.

Salmos 108:1

Hepy'a ikàg, o Tupàn, ikàg tuwe a'e. Amuzàg putar zegar haw nekatu haw imume'u pà nehe. Eme'e kury, hepy'a.

Salmos 145:1

Hezar heruwihawete, amume'u putar nehua'u haw nehe. Tuweharupi amume'u putar nekatu haw newe nehe.

Salmos 145:21

Amume'u putar Tupàn Tuweharupi Wiko Ma'e ikatu haw tuweharupi nehe. Tuwe wikuwe ma'e paw umume'u her ikatu ma'e ikatu haw tuweharupi wà nehe no.

Salmos 16:9

A'e rupi hepy'a hurywete ihe. Aiko hurywete ma'e romo ihe. Nakyze kwaw ma'e wi.

Salmos 30:12

A'e rupi napytu'u kwaw hezegar ire nehe. Azegar putar newe nekatu haw rehe nehe. O Tuweharupi Wiko Ma'e, ereiko hezar romo. Nekatu haw amume'u putar newe tuweharupi nehe.

Salmos 34:1

Tuweharupi amume'u putar Tupàn Tuweharupi Wiko Ma'e ikatu haw nehe. 'Ar nànàn hezuru umume'u putar ikatu haw nehe.

Salmos 35:28

Na'e amume'u putar nekatuahy haw ihe nehe. Aze'eg putar nekatu haw rehe nehe, 'ar nàn nehe.

Salmos 51:14

O Tupàn hepyro har, hepyro pe màno haw wi nehe. A'e mehe amume'u putar nekatu haw herurywete pà ihe nehe.

Salmos 57:8

Eme'e nehe, hepy'a. Eme'e nehe, hewioràwiràn. Epu'àm nehe, hewioràw zàwenugar. Amume'e kar putar kwarahy ihe nehe.

Salmos 59:12

Tuweharupi uze'eg mehe heàmàtyry'ymar uzapo ikatu 'ym ma'e a'e wà. Wiko wera'u amo wanuwi a'e wà. Tuwe waneko wera'u haw upaw nehe. Omono ze'egaiw amo teko wanehe wà. Hemu'em wà no.

Salmos 62:4

Pepurumunyryk kar wer hehe tuwihawete romo heko haw wi pe. Penemu'emaw ikatu peme. Pemume'u mua'u ikatu ma'e hehe peze'eg mehe. Pepy'a pupe zote pemono ze'egaiw hehe.

Salmos 63:4

Herekuwe mehe we aze'eg putar nekatu haw rehe ihe nehe. Aupir putar hepo newe heze'eg pà nehe.

Salmos 71:24

Amumaw putar 'ar katu nekatu haw rehe heze'eg pà nehe, Ta'e ikatu 'ym ma'e rehe ihewe ipurapo wer ma'e a'e wà xe, uzeityk kar uzemumaw kar pà a'e wà xe.

Eclesiastes 7:22

Ereze'eg zemueteahy amo wanehe ne no. Erekwaw nereko awer.

Isaías 29:13

Zanezar uze'eg nezewe. — Ko teko uze'eg ihewe uzuru pupe wà. Umume'u hekatu haw weme pupe wà. Wapy'a muite ihewi wà. Teko wapurumu'e haw rupi zo hemuwete wà. Xo ze'eg imume'u wiwi haw zo ukwaw wà.

Mateus 26:74

Uze'eg ahyahy Pet wanupe kury. — Azeharomoete ko heze'eg ihe. Aze heremu'em peme ihe, tuwe Tupàn uzepyk herehe a'e nehe. Nakwaw pixik kwaw a'e awa ihe ty, i'i wanupe. A'e 'ar mehe we tàrityka'i uze'eg zapukaz.

Mateus 5:44

Amo ae ze'eg amume'u putar peme ihe nehe kury. — Pezamutar katu peàmàtyry'ymar pe wà nehe. Aze teko upuraraw kar ma'erahy peme wà nehe, ikatuahy ma'e penoz Tupàn pe nehe. — Emur ikatuahy ma'e kwez teko wanupe nehe, Tupàn, peze izupe nehe.

Atos 2:26

A'e rupi herurywete hepy'a pe ihe Amume'u Tupàn ikatu haw iteko ihe no Heretekwer umàno putar nehe. Nazemumikahy kwaw hemàno àwàm rehe ihe. Ta'e àrogatu Tupàn hemiapo ràm ihe xe. Ihewe hemiapo ràm ihe xe.

Romanos 3:14

Wazuru tynehem purehe waze'eg zemueteahy haw pupe, tynehem Tupàn rehe waze'eg zemueteahy haw pupe no.

1 Coríntios 11:7

Awa a'e wà, Tupàn ài wanekon a'e wà, ikàgaw ipuràgaw hexak kar pà purupe a'e wà. A'e rupi numunehew kwaw zapew Tupàn pe zemono'ogaw pe a'e wà. Kuzà wexak kar awa ikàgaw ipuràgaw a'e wà, a'e rupi umunehew wàkàg iwànaw a'e wà.

Efésios 1:3

Tupàn a'e, Zanezar Zezuz Zaneruwihawete tu romo hekon a'e. Tuwe ikatu haw ximume'u izupe nehe. Ta'e Hekwe zanepy'a pe har zanemurywete kar tuwe iko a'e xe, ta'e zazemono'og zaiko Zaneruwihawete inuromo zane xe, ta'e zaiko ipurumuzàmuzàg ài zane no xe, ta'e zanemugweraw kar putar amo 'ar mehe nehe xe, zanemuigo kar pà uzepyr tuweharupi nehe xe, ywate nehe xe. Uzapo putar ikatuahy ma'e tetea'u zanewe nehe, ywate nehe.

Tiago 1:27

Nezewe i'i Tupàn zaneru a'e. — Pezekaiw katu kwarearer tu 'ym ma'e ihy 'ym ma'e wanehe nehe. Pezekaiw katu kuzàtàigwer tu 'ym ma'e ihy 'ym ma'e wanehe nehe no. Pezekaiw katu kuzà imen umàno ma'e kwer wanehe nehe no, ma'erahy ipuraraw mehe nehe, wanemetarer ihyk 'ym mehe nehe, i'i Tupàn zanewe. — Teko ko ywy rehe har a'e wà, Tupàn iàmàtyry'ymar a'e wà, aze ipurapo kar wer ikatu 'ym ma'e rehe peme a'e wà nehe, pezapo zo nehe, peruzar zo waze'eg nehe, i'i zanewe. — Aze peruzar ko heze'eg nehe, hemuawate katu putar pe nezewe azeharomoete nehe, i'i Tupàn zanewe.

Tiago 3:10

Zaze'egatu Tupàn rehe. Zaze'eg zemueteahy amogwer wanupe. Na'ikatu pixik kwaw nezewe zaneze'egaw.

1 Pedro 1:3

Tuwe ximume'u Tupàn ikatu haw nehe, izupe nehe. Tupàn a'e, Zanezar Zezuz Zaneruwihawete tu romo hekon a'e. Zanepuhareko katu a'e, a'e rupi zanemuigo kar ukweraw wi ma'e kwer zàwenugar romo a'e. Zanemuigo kar putar uzepyr tuweharupi nehe. Ta'e umugweraw kar Zezuz Zaneruwihawete a'e xe, imàno re a'e xe. A'e rupi tuweharupi xiàro tur àwàm zane kury. Nazapytu'u kwaw hàro re.

Juízes 9:27

Teko omono'og oho oko pe wà. Uzapo uwà tykwer win her ma'e wà. A'e re uzapo mynykaw wà. A'e re wixe uzar tupàn ua'u ràpuzuhu pupe wà, umai'u pà wà, uwà tykwer i'u pà wà. Wenoz iaiw ma'e Amimerek pe iapo àwàm tupàn ua'u pe wà.