Tiago 1:10 - Tupàn zeꞌeg

¹⁰ Uzeruzar ma'e hemetarer katu ma'e a'e wà no, aze wiko hemetarer 'ym ma'e ài wà nehe, tuwe hurywete wà nehe no. Ta'e ukàzym putar wà nehe xe, ka'a kyr iputyr ài wà nehe xe.

Tiago 1:10 ပူးပေါင်းရင်းမြစ်များ

Jó 14:2

Teko nuzawy kwaw ma'eputyr uzaw ire na'arewahy uxinig ma'e wà. Nuzawy kwaw i'àgaw wà no. Ukwaw ko rupi na'arewahy. Na'arewahy ukàzym no.

Salmos 102:11

Hereko haw nuzawy kwaw ma'e 'àg kwarahy heixe mehe har. Aiko ka'api'i uxinixinig ma'e ài.

Salmos 103:15

Zanereko haw nuzawy kwaw ka'api'i. Hezuz a'e. Iputyr ka'akyr kaiwer pe har ài.

Salmos 37:2

Ukàzym putar na'arewahy ka'a uxinig ma'e kwer ài wà nehe, Ka'akyr umàno ma'e kwer ài wà nehe.

Salmos 39:6

Wata oho waiko kwe rupi ma'e i'àg ài wà. Aze uzeagaw ma'e iapo haw rehe wà, uzeagaw e wà. Omono'og temetarer uzeupe wà. Nukwaw kwaw wemetarer izar ràm wà.

Isaías 40:6

Tupàn uze'eg nezewe. — Emume'u ko ze'eg nehe, i'i. — Ma'e ze'eg amume'u putar nehe, a'e izupe hehe hepuranu pà. — Teko paw nuzawy kwaw ka'api'i ko pe har wà. Wakàgaw nuzawy kwaw ma'eputyr kaiwer pe har ikàgaw.

Isaías 40:7

Ka'api'i uxinig ma'e kwer a'e, ma'e putyr no, aze Tupàn Tuweharupi Wiko Ma'e upy wanehe, u'ar a'e. Azeharomoete teko nuzawy kwaw ka'api'i wà. Aze Tupàn uzepyk wanehe, wakàgaw uhem wanuwi.

Isaías 57:15

Tupàn Ikatuahy Ma'e Ywate Wera'u Ma'e a'e, Tupàn Tuweharupi Wiko Ma'e a'e, uze'eg a'e. — Hereko haw upyta ywate a'e. Ikatuahy a'e, ikatu 'ymaw wi imunyryk pyrer romo hekon a'e. Aiko ikàg 'ym ma'e wainuinuromo ihe no. Aiko ma'erahy ipuraraw par wainuinuromo ihe no. Nezewe mehe àro kar ikatu ma'e ikàg 'ym ma'e wanupe. Amono wakàgaw ipyahu ma'e ma'erahy ipuraraw par wanupe no.

Isaías 66:2

Ihe ae azapo ywak ihe. Azapo ywy ihe no. Aiko ma'e paw wazar romo no. Nezewe rehe we azekaiw hemetarer 'ym ma'e wanehe. Azekaiw katu wemiapo kwer ikatu 'ym ma'e rehe uzemumikahy ma'e wanehe no. Hewi ukyze ma'e wanehe no, heze'eg heruzar har wanehe no.

Mateus 5:3

— Aze teko ukwaw tuwe wemiapo kwer ikatu 'ym ma'e a'e wà nehe, — Xo Tupàn zo upuner heremiapo kwer imunànaw rehe a'e nehe, aze i'i nehe, hurywete putar a'e nehe. Ta'e wiko putar Tupàn hemiruze'eg romo a'e nehe xe.

Mateus 6:30

Tupàn uzekaiw katu ka'akyr rehe a'e, imupuràg eteahy pà imuputyr kar pà a'e. Kutàri hezuz. Iku'egwepe ximonohok tata pupe heityk pà nehe. Tupàn uzekaiw ka'akyr rehe a'e. Aipo nuzekaiw kwaw penehe nehe, pema'e ràm imono pà peme nehe. Napezeruzar katu kwaw hehe pe.

1 Coríntios 7:31

Ma'e ko ywy rehe har hereko har wà nehe, tuwe wiko hereko 'ymar ài wà nehe. Ta'e na'arewahy ko ywy uzeapo putar amo ae ma'e romo a'e nehe xe.

1 Timóteo 6:17

Eze'eg hemetarer katu ma'e wanupe nehe. — Peiko zo amogwer wanuwi ikatu wera'u ma'e romo nehe, ere wanupe nehe. — Aze ukàzym neremetarer newi nehe, ma'e ere'u putar nehe, ere wanupe nehe. — Nema'enukwaw tetea'u zo neremetarer rehe nehe. Nema'enukwaw tetea'u Tupàn rehe nehe, ere wanupe nehe. Ta'e umur ma'e tetea'u zanewe paw rupi a'e xe, zanemurywete kar pà a'e xe, ere wanupe nehe.

Tiago 4:14

Naxikwaw pixik kwaw zanereko àwàm pyhewe àràm zane. Zaiko ywyximorer ài. Ywyximorer uzexak kar e ko rupi a'e. Tàrityka'i ukàzym.

1 Pedro 1:24

Ta'e nezewe i'i Tupàn ze'eg kwehe arer a'e xe. Teko paw rupi a'e wà, Ka'api'i ài wanekon a'e wà. Wakàgaw wapuràgaw a'e wà, Nuzawy kwaw ka'api'i putyr a'e wà. Uxinig ka'api'i. Iputyr uxinig u'ar pà izuwi no.

1 João 2:17

Ywy ukàzym putar nehe. Teko wanemimutar paw ukàzym putar wà nehe no. Nezewe rehe we Tupàn hemimutar iapo har wiko putar tuweharupi wà nehe.