Sofonias 3:8 - Tupàn zeꞌeg

⁸ A'e rupi nezewe uze'eg Tupàn Tuweharupi Wiko Ma'e kury. — Peàro he'ar nehe. A'e 'ar mehe apu'àm putar nehe. A'e mehe amume'u putar teko ywy nànànar wanemiapo kwer nehe. Azepyk putar wanehe a'e 'ar mehe nehe. Amono'og putar teko ywy nànànar wamuwà wà nehe. Amono'og putar tuwihawete paw wà nehe no, wanehe hezepyk pà nehe. Upuraraw putar hekwahy haw wà nehe. Ta'e azakook putar hekwahy haw wanehe tata ài ihe nehe xe. Hekwahy haw tata zàwenugar wapy putar ywy paw nehe.

Sofonias 3:8 ပူးပေါင်းရင်းမြစ်များ

Salmos 12:5

Tupàn Tuweharupi Wiko Ma'e uze'eg a'e kury. — Azapo putar ma'e ihe kury. Ta'e teko upuraraw kar ma'erahy waiko hemetarer 'ym ma'e wanupe wà xe. Ipuraraw par ikuhem ma'erahy wi wà. Heràro waiko wà, a'e rupi azekaiw putar wanehe ihe nehe, i'i Tupàn Tuweharupi Wiko Ma'e.

Salmos 123:2

Awa omono temi'u awa uma'ereko e ma'e wanupe a'e. Kuzà omono temi'u kuzà uma'ereko e ma'e wanupe no. Nezewegatete urume'e nerehe, o Tupàn Tuweharupi Wiko Ma'e urezar. Urepuhareko pe nehe. Uruàro urepuhareko àwàm uruiko.

Salmos 27:14

Ezeruzar Tuweharupi Wiko Ma'e rehe nehe. Ezeruzar katu nekyze 'ym pà nehe. Ezeruzar Tupàn Tuweharupi Wiko Ma'e rehe nehe.

Salmos 37:34

Pezeruzar Tupàn Tuweharupi Wiko Ma'e rehe nehe. Peruzar ize'eg nehe no. Umur putar ywy imume'u pyrer peme a'e nehe. Nezewe mehe peiko putar ikàg ma'e ikwaw pyr romo nehe. Tupàn umumaw putar ikatu 'ym ma'e a'e wà nehe. Pexak putar wamumaw mehe pe wà nehe.

Salmos 37:7

Aze amo wiko hemetarer katu ma'e romo wà nehe, eikwahy zo wanupe nehe. Nerewyrowyroahy zo ikatu 'ym ma'e rehe ipurapo wer ma'e wanehe nehe, aze uzapo a'e ma'e wà nehe. Eàrogatu uzeapo ma'e ràm nehe. Ta'e Tupàn Tuweharupi Wiko Ma'e uzepyk putar wanehe nehe.

Salmos 62:1

Xo Tupàn inuromo zo hepy'a upytu'u. Umur hepyro haw ihewe a'e.

Salmos 62:5

Xo Tupàn inuromo zo hepy'a upytu'u ihe. Xo a'e zo àro ihe.

Salmos 79:5

O Tupàn Tuweharupi Wiko Ma'e, màràn kwarahy eremumaw putar urewe nekwahy pà nehe. Aipo nerepytu'u pixik kwaw nehe. Aipo nekwahy haw ukaz wiwi putar tata ài nehe.

Salmos 79:6

O Tupàn, eikwahy teko amo ywy rehe har nemuwete katu 'ym ma'e wanupe nehe. Eikwahy nereityk àràm wanupe nehe.

Provérbios 20:22

Ezepyk zo amo wanehe nehe. Ezeruzar Tupàn Tuweharupi Wiko Ma'e rehe nehe. A'e ae uzepyk putar purehe neremipuraraw kwer hekuzaromo nehe.

Cânticos dos Cânticos 8:6

Emuapyk herer nepy'a pe nehe. Emuapyk herer nekwà ku'aw har rehe nehe no. Puramutar katu haw ikàg màno haw ài. Puruputar haw ikàg tywypaw ài. Puramutar haw a'e, puruputar haw a'e no, opok tata heny haw inuromo a'e wà. Ukaz tata uhua'u ma'e ài wà.

Isaías 14:26

Na'aw ywy nànàn heremiapo ràm imume'u pyrer xe: Aupir putar hepo ywy nànàn hezepyk pà nehe, i'i Tupàn.

Isaías 30:18

Tupàn Tuweharupi Wiko Ma'e penàro iko a'e, ta'e ipurapo wer ikatu ma'e rehe peme xe. Pepuhareko a'e, ta'e ikatu ma'e iapo har romo hekon a'e xe. Hehe uzeruzar ma'e hurywete wà.

Isaías 34:2

Tupàn Tuweharupi Wiko Ma'e wikwahy ywy nànàn a'e. Wikwahy zauxiapekwer ywy nànànar wanupe upaw rupi a'e. Umume'u wazuka àwàm kwez kury. Umume'u wamumaw pàwàm kwez kury.

Isaías 63:6

Apyropyrog teko wanehe hekwahy haw rehe. Aikwahy ihe, a'e rupi azuhaw ihe wà. Azuhezuhen wanuwykwer ywy rehe, i'i Tupàn.

Jeremias 10:25

Ezakook nekwahy haw ywy nànànar nemuwete 'ymar wanehe nehe, teko nereitykar wanehe nehe. Ta'e urezuka a'e wà xe. Uruiko Zako izuapyapyr romo ure. Umumaw ureywy wà no.

Oséias 12:6

A'e rupi pezewyr wi pezar pe nehe, Izaew wà. Pezapo ikatu ma'e nehe. Pezawy zo nehe. Pezeruzar hehe tuweharupi nehe.

Joel 3:2

Na'e amono'og putar teko paw ywy nànànar ihe wà nehe. Araha putar ywyàpyznaw Zuzapa her ma'e pe ihe wà nehe. A'e pe amume'u putar wanemiapo kwer ikatu 'ym ma'e nehe. Nezewe azapo putar nehe, ta'e uzapo ikatu 'ym ma'e tetea'u Izaew heremixamixak kwer wanupe a'e wà xe. Umuhàmuhàz Izaew izuapyapyr màràmàràn ywy rehe wà. Umuza'aza'ak heywy wà no.

Miquéias 7:7

Ihe azeruzar Tupàn Tuweharupi Wiko Ma'e rehe. Azeruzar katu hepyro àràm romo heko haw rehe. Tupàn hezar wenu putar heze'eg nehe. Hepyro putar nehe.

Habacuque 2:3

A'e ma'e neremixak ràm 'ar nuhem kwaw a'e rihi. Uhem putar azeharomoete nehe. Uzeapo putar nehe. I'ar katu uhem etea'i kury. A'e rupi — Kwa, iàrew tetea'u tur àwàm, aze ere izupe nehe, eàro nehe. Ta'e a'e ma'e uzeapo putar i'ar kateteahy rehe a'e nehe xe.

Sofonias 1:18

A'e 'ar mehe aze heta parat teko wanupe nehe, aze heta or wanupe nehe, wanemetarer nupyro kwaw a'e teko Tupàn Tuweharupi Wiko Ma'e ikwahy haw wi wà nehe. Ikwahy haw nuzawy kwaw tata. Wapy ywy nànàn. Ukaz paw putar wà nehe. Ni amo nuhem kwaw izuwi wà nehe. Ta'e Tupàn umumaw putar teko ywy rehe har paw na'arewahy pitài 'ar mehe wà nehe xe.

Ageu 2:22

Aeityk putar tuwihawete wanenaw ihe wà nehe. Amumaw putar wakàgaw ihe wà nehe no. Amuaiw putar ywyramawa zeàmàtyry'ymawhu pe har wà nehe no. Azuka putar ywyramawa wapupe har wà nehe no. Kawaru umàno putar wà nehe no. Kawaru ku'az har uzezukazuka putar wà nehe no.

Mateus 25:32

Teko ko ywy rehe har uzemono'og putar heruwa rupi paw rupi katete a'e wà nehe. Na'e amuza'aza'ak putar a'e teko ihe wà nehe. Àràpuhàràn wanehe uzekaiw ma'e umuza'aza'ak àràpuhàràn a'e wà, àràpuhàràn hawitu ma'e ko rupi wamono kar pà a'e wà, àràpuhàrànete kwe rupi wamono kar pà a'e wà no. Nezewegatete amuza'aza'ak putar teko paw rupi ihe wà nehe no.

2 Pedro 3:10

Aze awa imunar wer zanema'e rehe pyhaw nehe, numume'u kwaw ur àwàm zanewe nehe. Nezewegatete Tupàn numume'u kwaw Zanezar 'ar zanewe nehe no. A'e 'ar mehe ywak ukàzym putar nehe, wànoànog pà nehe. Ma'e ukaz putar tata pupe nehe. Ywy no, ywy rehe har wà no, ukàzym putar tata pupe wà nehe no.

Apocalipse 16:1

Na'e ainu amo uze'eg mehe tàpuzuhu pupe ihe kury. Uhapukaz a'e 7 Tupàn heko haw pe har wanupe uze'eg pà a'e wà. — Pezakook pekawaw por peho ywy rehe nehe ty wà, Tupàn purehe izepykaw ywy rehe nehe ty wà, i'i wanupe.

Apocalipse 16:14

A'e tekwe ikatu 'ym ma'e a'e wà, Zurupari heko haw pe har romo wanekon a'e wà. Uzapo purumupytuhegatu kar haw wà. A'e tekwe ikatu 'ym ma'e oho putar tuwihaw ywy nànànar wapyr wà nehe. — Zaha puràmàtyry'ymaw uhua'u ma'e pe paw rupi zane nehe kury, i'i putar tuwihaw wanupe nehe. Ta'e amo 'ar mehe Tupàn Ikàg Wera'u Ma'e i'ar mehe nehe xe, teko paw uzeàmàtyry'ym putar a'e wà nehe xe. (Uhua'u putar a'e puràmàtyry'ymaw a'e nehe.)