Sofonias 3:17 - Tupàn zeꞌeg

¹⁷ Ta'e Tupàn Tuweharupi Wiko Ma'e pezar wiko penehe we a'e xe. Ikàg a'e. Pepyro putar nehe. Hurywete putar penehe nehe. Peamutar katu, a'e rupi umur putar peneko haw pyahu ma'e peme nehe. Uzegar putar Tupàn nehe. Hurywete putar nehe.

Sofonias 3:17 ပူးပေါင်းရင်းမြစ်များ

Gênesis 1:31

Tupàn wexak wemiapo kwer ikatuahy haw upaw rupi a'e. Upaw ipytunaw. Iku'em kury. — 6 haw 'ar, i'i izupe.

Gênesis 17:1

Umumaw amo kwarahy. Àmàràw wereko 99 kwarahy kury. Na'e Tupàn Tuweharupi Wiko Ma'e uzexak kar wà izupe a'e kury. Uze'eg izupe, — Tupàn upuner wera'u ma'e romo aiko ihe. Eze'eg eho iko ihewe tuweharupi nehe. Ezapo heremimutar eho iko tuweharupi nehe no.

Gênesis 18:14

— Aipo Tupàn nupuner kwaw wyzài ma'e iapo haw rehe, i'i izupe, hehe upuranu pà. Ko ma'e amume'u kwez newe. — Kwezomo kwarahy mehe azewyr putar xe nerexak pà ihe nehe. A'e kwarahy rehe ko zahy rehe heta putar imemyr Xar pe nehe, a'e kwez newe, i'i wi izupe.

Gênesis 2:2

7 haw 'ar mehe Tupàn umumaw ma'e iapo haw upaw rupi katete. Upytu'u uma'ereko re a'e ma'e iapo re.

Salmos 147:11

Izuwi ukyze ma'e a'e wà, a'e ae umurywete kar a'e wà. Ipuruamutar katu haw rehe uzeruzar ma'e a'e wà, a'e ae umurywete kar a'e wà.

Salmos 149:4

ta'e Tupàn Tuweharupi Wiko Ma'e hemiaihu ikatu izupe a'e wà xe. Umuigo kar ikàg 'ym ma'e wàmàtyry'ymar waneityk arer romo wà.

Salmos 78:65

Na'e Tupàn Zanezar nuzawy kwaw uker ire ume'e ma'e. Nuzawy kwaw awa ipuruzukaiw ma'e win pupe imuhaite pyrer a'e. Heiheihem a'e.

Isaías 12:2

Tupàn wiko hepyro har romo. Azeruzar hehe. Nakyze kwaw nehe ta'e Tupàn Tuweharupi Wiko Ma'e umur ukàgaw ihewe a'e xe. Hepyro har romo hekon.

Isaías 12:6

Xiàw rehe har wà, penurywete nehe. Pemume'u Tupàn ikatu haw nehe, ta'e Tupàn Izaew wazar Ikatuahy Ma'e Ikàg Ma'e a'e xe, wiko wemiaihu wainuinuromo a'e xe.

Isaías 18:4

Ta'e Tupàn Tuweharupi Wiko Ma'e uze'eg nezewe ihewe a'e xe. — Hereko haw pe ywak rehe hereko mehe ame'e putar ywy rehe ihe nehe. Kwarahy uhyape katu àmàkyr 'ym mehe a'e. Zuwiri uzexak kar arozràn po'o haw 'ar mehe a'e. Nezewegatete ama'ereko heànoànog 'ym pà ywak rehe ihe, i'i Tupàn.

Isaías 63:1

Ur amo iko tawhu Mozira her ma'e wi ywy Enom her ma'e wi a'e kury. Mo romo hekon. Ur amo hopozpiràg hekuzar katu ma'e imunehew har. Mo romo hekon. Ikàg wata mehe. Upuner wata mehe. Mo romo hekon. — Ihe, i'i Tupàn Tuweharupi Wiko Ma'e. — Heàmàtyry'ymar waneityk awer imume'u har romo aiko ihe. Apuner purupyro haw rehe hekàgaw pupe ihe.

Isaías 63:12

Umupyta kar upuner haw uhua'u ma'e hehe tuweharupi. Ma'e pe hekon kury. Umuza'ak yryhu wemiaihu wanenataromo, ta'e ipurumume'u kar wer wemiapo kwer rehe purupe tuweharupi xe.

Isaías 65:19

Zeruzarez ikatu putar ihewe nehe. Heremiaihu hemynehem putar turywete haw pupe wà nehe. Teko nuenu pixik kwaw teko wazai'o haw a'e pe wà nehe. Ma'erahy ipuraraw paw rehe teko wanehapukaz haw nuzenu pixik kwaw a'e pe nehe.

Isaías 9:6

Heta turywete haw ta'e uzexak kar amo kwarer a'e xe. Tupàn umur kar amo kwarer zanewe a'e. Wiko putar zaneruwihawete romo a'e nehe. Nako her ràm xe wà nehe: Pureruze'eg Ma'e, Pureruze'eg Ma'e Ma'ekwaw Katu Wera'u Har. Tupàn Ikàg Ma'e, Zaneru Tuweharupi Wiko Ma'e, Zaneruwihawete Ur Ma'e ràm zeàmàtyry'ymawhu imumaw àràm.

Jeremias 32:41

Ikatu ma'e wanupe iapo haw ikatuahy putar ihewe nehe. Hepy'a nànàn herekwe nànàn amuigo kar putar ko ywy rehe ihe wà nehe.

Oséias 14:4

Tupàn Tuweharupi Wiko Ma'e uze'eg nezewe. Amukatu putar heremiaihu ihe wà nehe, herehe wazeruzar 'ymaw wi ihe wà nehe. Azamutar katu putar hepy'a nànàn ihe wà nehe. Ta'e apytu'u wanehe hekwahy re ihe xe.

Joel 2:21

Penurywete nehe, o ywy ka'api'i heta haw wà. Pekyze zo nehe. Ta'e ihe Tupàn Tuweharupi Wiko Ma'e azapo ma'e uhua'u ma'e ihe xe.

Sofonias 3:15

Kwehe mehe Tupàn Tuweharupi Wiko Ma'e umume'u penehe uzepyk àwàm a'e. Umumaw a'e uze'eg awer. Nuzepyk kwaw penehe nehe. Umunyryk kar wàmàtyry'ymar paw wemiaihu wanuwi wà. Tupàn Tuweharupi Wiko Ma'e Izaew Wanuwihawete wiko penehe we a'e. A'e rupi, pekyze zo iaiw paw wi nehe.

Sofonias 3:5

Nezewe rehe we Tupàn Tuweharupi Wiko Ma'e wiko a'e tawhu pe. Tuweharupi xo ikatu ma'e zo uzapo. Nuzawy pixik kwaw. Tuweharupi ku'em mehe uzapo kar ikatu ma'e. Teko ikatu 'ym ma'e uzapo wiwi iaiw ma'e oho waiko wà. Na'imaranugar kwaw wemiapo rehe wà.

Números 14:8

Aze Tupàn zanepytywà nehe, zanemuixe kar putar hehe nehe. Umur putar a'e ywy zanewe nehe. Ikatuahy a'e. Hezuz katu ma'e hehe.

Lucas 15:32

Azapo kar mai'u haw kutàri, ta'e nerywyr umàno ma'e kwer ài hekon a'e xe, ukweraw wi ma'e kwer ài hekon kwez kury xe. Ukàzym a'e, hexak wi haw a'e kury, i'i tu izupe.

João 13:1

Uhem etea'i a'e mai'u haw Zanera'yr Wazuka 'ym Awer her ma'e a'e kury. — Pyhewe uzypyrog putar mai'u haw iapo pà a'e nehe kury, i'i teko uzeupeupe wà. Uze'eg Zezuz uzeupe a'e. — Na'iàrew kwaw hemàno àwàm ihe nehe kury. Aha putar ko ywy wi heru pe ihe nehe kury. Azamutar katu tuwe heremimu'e ihe wà. Napytu'u kwaw wamutar katu re nehe, i'i uzeupe.

João 15:11

Amume'u agwer ma'e kwez peme ihe, ta'e hepurumurywete kar wer penehe ihe xe. Penurywete putar tuwe nehe. Penurywete haw uhyk putar peme nehe.

Deuteronômio 23:15

Aze amo pe uma'ereko e ma'e uzàn uzar wi nehe, — Hepyro pe nehe, aze i'i newe nehe, emono zo izar pe nehe.

Deuteronômio 30:9

A'e mehe Tupàn umur putar uze'egatu penemiapo nànàn nehe. Umuzàg kar putar pena'yr tetea'u peme wà nehe. Heta putar ma'ea'yr tetea'u peme wà nehe. Heta putar temi'u penemipo'o tetea'u peme nehe no. Tupàn umuigo kar peipy hemetarer katu ma'e romo wà. Pemuigo kar putar hemetarer katu ma'e romo nehe no. Hurywete putar nezewe mehe nehe.

Hebreus 7:25

A'e rupi ko 'ar rehe kury, tuweharupi nehe no, upuner teko wapyro haw rehe tatahu wi nehe, aze a'e teko ur Tupàn pe wà nehe, aze a'e teko uzeruzar Zezuz rehe wà nehe. Ta'e Zezuz a'e nehe xe, wikuwe putar tuweharupi a'e nehe xe. Tuweharupi uze'eg iko Tupàn pe u pe. — Pemono kar zo herehe uzeruzar ma'e tatahu pe ne wà nehe, i'i iko izupe. — Ta'e amàno wanekuzaromo ihe xe, i'i iko izupe.