Salmos 70:4 - Tupàn zeꞌeg

⁴ Tuwe nemuwete har paw hurywete wà nehe. Tuwe hurywete katu wà nehe. Tuwe nepurupytywà haw iamutar katu har uze'eg nezewe tuweharupi wà nehe. — Uhua'u tuwe Tupàn a'e, tuwe i'i wà nehe.

Salmos 70:4 ပူးပေါင်းရင်းမြစ်များ

Salmos 35:27

Amo teko uputar hekatu haw imume'u àwàm wà nehe. Tuwe a'e teko uhapukaz urywete haw rehe wà nehe. Tuwe uze'eg nezewe tuweharupi wà nehe. — Tupàn Tuweharupi Wiko Ma'e uhua'u a'e. Hurywete a'e no, ta'e oho katu hemiruze'eg heko haw a'e no xe, tuwe i'i wà nehe.

Salmos 40:16

Nemuwete katu har a'e wà nehe, tuwe hurywete paw rupi wà nehe. Tuwe nekatuahy wanupe nehe. Nepurupytywà haw rehe hurywete ma'e wà nehe, tuwe uze'eg nezewe tuweharupi wà nehe. — Uhua'u tuwe Tupàn Tuweharupi Wiko Ma'e a'e, tuwe i'i wà nehe.

Salmos 5:11

Neruwake uzeàmim ma'e hurywete putar wà nehe. Uzegar putar tuweharupi urywete haw rehe wà nehe, ta'e ne erepyro ne wà xe. Hurywete neamutar katu har wà.

Salmos 97:12

Amo teko weruzar katu Tupàn a'e wà. Tuwe Tupàn Tuweharupi Wiko Ma'e wiko wanurywete haw romo nehe. Tuwe teko umume'u Tupàn imonokatu pyrer ikatu haw wà nehe.

Isaías 61:10

Zanerurywete putar nehe. Ximuzàg putar zegar haw Tupàn ikatu haw imume'u haw nehe, ta'e Tupàn Tuweharupi Wiko Ma'e Zanezar uzapo ikatuahy ma'e a'e xe. Umunehew kar purupyro haw zanewe kamir ài a'e. Umunehew kar zaneàmàtyry'ymar waneitykaw zanewe kamirpuku iànàm ma'e ài no. Zaiko awa hemireko ma'e ràm pàn ipuràg ma'e uwàkàg rehe har imunehew har ài zane. Zaiko kuzà imen ma'e ràm ita hekuzar katu ma'e pupe imupuràg eteahy pyrer ài no.

Lamentações de Jeremias 3:25

Aze amo uzeruzar Tupàn Tuweharupi Wiko Ma'e rehe wà, ikatu wanupe a'e.

João 16:20

Azeharomoete ko heze'eg ihe. Pezai'o putar nehe. Teko heremiruze'eg 'ym hurywete putar azeharomoete a'e wà nehe. Pezemumikahy putar nehe. Amo 'ar ipaw ire penurywete wi putar nehe.