Salmos 7:2 - Tupàn zeꞌeg

² Zàwàruhu iriàw her ma'e upyhyk wemiar ipei'ài'àg pà a'e wà. Heàmàtyry'ymar ipurupyhyk wer herehe zàwàruhu ài wà. Hepyhyk kar pe zo wanupe nehe. Tuwe naiko kwaw hepyro har hereko 'ymar romo nehe.

Salmos 7:2 ပူးပေါင်းရင်းမြစ်များ

2 Samuel 14:6

Kwehe mehe heta mokoz hememyr awa ihewe wà. Amo 'ar mehe uzeàmàtyry'ym kaiwer pe wà. Naheta kwaw wamupytu'u kar har a'e pe a'e 'ar mehe wà. A'e rupi amo uzuka inugwer.

Jó 10:7

Erekwaw ikatu 'ym ma'e iapo 'ymar romo hereko haw. Ni amo nupuner kwaw nepo wi hepyro haw rehe wà.

Salmos 10:9

Nuzawy kwaw zàwàruhu iriàw a'e. Wàro uzeàmimaw pupe. Ume'e ikàg 'ym ma'e wanehe. Uzeàmim teko wanàro pà wazuka pà. Wàro ma'erahy ipuraraw par wà. Na'e upyhyk wemipyhyk ràm miar zuka haw zàwenugar pupe wà. Umutyk heraha a'e wi wà.

Salmos 11:1

Aiko Tupàn Tuweharupi Wiko Ma'e rehe we ihe, A'e rupi nuzeapo kwaw ikatu 'ym ma'e ihewe nehe. — Ezàn zeàmim wiràmiri ài ywytyr rehe nehe,

Salmos 16:1

Ezekaiw katu herehe nehe, Tupàn, Ta'e hepyro har romo ereiko ne xe.

Salmos 17:12

Nuzawy kwaw zàwàruhu iriàw uzeàmim ma'e kwer wà. Heràro waiko wà. Uzemuàgà'ym hepei'ài'àg àwàm rehe wà.

Salmos 22:13

Zàwàruhu iriàw ài uzurupeka wà. Okororo hekutyr opor pà wà.

Salmos 31:2

Herenu pe hepyro pà na'arewahy kury. Eiko itahu ài hemimaw romo nehe. Eiko hepyro har romo nehe no.

Salmos 35:15

Na'e ma'erahy apuraraw ihe. A'e teko hurywete hema'erahy rehe wà. Upyta heywyr herehe upukapuka pà wà. Teko heremigwaw 'ym ukwaukwar herehe wà. Hemuahyahy kar wà no.

Salmos 50:22

Peneharaz ihewi. Pema'enukwaw katu penemiapo kwer rehe nehe. Aze napema'enukwaw kwaw wanehe nehe, apumumaw putar ihe nehe. Ni amo nupuner kwaw pepyro haw rehe wà nehe.

Salmos 59:2

Hepyro pe awa ikatu 'ym ma'e wanuwi nehe. Hemunyryk kar pe a'e puruzuka ma'e wanuwi nehe.

Provérbios 19:12

Tuwihawete ikwahy haw nuzawy kwaw zàwàruhu iriàw ikororo haw. Ikatu haw nuzawy kwaw zuwiri ka'api'i rehe har.

Isaías 38:13

Amumaw pytun gatu herahy haw rehe, hehapukaz pà. Aze mo zàwàruhu iriàw ukauka hekàgwer iko a'e, a'e mehe mo hahy mo nezewe ihewe. 'Aromo pyhaw, — Tupàn hemumaw putar nehe, a'e hezeupe.

Deuteronômio 33:20

Umume'u ko ma'e Kaz wanehe. Ikatuahy Tupàn a'e, ta'e umuhua'u Kaz ywy a'e xe. Teko Kaz izuapyapyr wàro ma'e zàwàruhu iriàw ài wà. Ozo'ok wàmàtyry'ymar izywa. Ozo'ok iàkàg wà no.

2 Timóteo 4:17

Tupàn a'e, upyta hepyr a'e. Umur ukàgaw ihewe. A'e rupi a'e 'ar mehe nahemunehew kar kwaw zemunehew paw pe a'e wà, nahezuka kar kwaw a'e wà. Hemuhem kar a'e wi wà. A'e rupi apuner Tupàn ze'eg imume'u wiwi haw rehe zutew 'ym wanupe ihe kury.

1 Pedro 5:8

Peme'egatu nehe. Ta'e tekwe ikatu 'ym ma'e wanuwihaw a'e xe, àzàg wanuwihaw a'e xe, ur zaneraikweromo zawaruhu ài a'e xe. Zawaruhu ipuruzuka wer miar rehe. Nezewegatete Zurupari ipurumupytu'u kar wer zanerehe zanezeruzar ire a'e no. Peruzar zo ize'eg nehe. Zezuz na'ikatu kwaw Zurupari ze'eg heruzar har wanupe. Peiko zo wazàwe nehe.

Juízes 18:28

Ni amo nupyro kwaw a'e tawhu pe har wà. Ta'e Irai a'e xe, muite Xitom tawhu wi tuz a'e xe. Nukwaw kwaw amo teko wà. A'e rupi naheta kwaw amo teko a'e teko wapytywà har wà. Ywytyr iàpy'àmaw pe iapypew paw pe tuz, Mete Heo tawhu huwake tuz. Nà izuapyapyr uzapo wi Irai tawhu wà. Upyta a'e pe wiko pà wà.