Salmos 69:18 - Tupàn zeꞌeg

¹⁸ Ezur hepyro pà nehe. Hepyro heàmàtyry'ymar wanuwi nehe.

Salmos 69:18 ပူးပေါင်းရင်းမြစ်များ

Jó 6:23

— Hepyro pe heàmàtyry'ymar wi nehe, aipo a'e peme. — Imunar ma'e wanuwi hepyro pe nehe, aipo a'e peme.

Salmos 10:1

O Tupàn Tuweharupi Wiko Ma'e, màràzàwe tuwe ereiko muite urewi. Màràzàwe tuwe erezeàmim urewi ma'erahy ipuraraw mehe.

Salmos 111:9

Tupàn umuhem kar wemiaihu zemunehew paw zàwenugar wi a'e wà. Uzapokatu uze'egaw upaw 'ym ma'e ràm wanehe we. Wiko ikatuahy ma'e imonokatu pyrer romo a'e. Upuner a'e no.

Salmos 143:7

O Tupàn Tuweharupi Wiko Ma'e, ewazar heze'eg ihewe na'arewahy nehe, Ta'e nàro kwaw ikatu ma'e ihe kury xe. Ezeàmim zo ihewi nehe. Nezewe mehe naiko kwaw Umàno ma'e kwer wapyta haw pe wezyw ma'e wazàwe ihe nehe.

Salmos 22:1

Tupàn hezar, Tupàn hezar. Màràzàwe tuwe eretyryk ihewi ne. Màràzàwe tuwe erepyta muite ihewi ne. Màràzàwe tuwe naherenu kwaw pe hepytywà àwàm henoz mehe ne, newe herehapukaz mehe ne.

Salmos 22:12

Heàmàtyry'ymar tetea'u umàmàn heywyr wà. Nuzawy kwaw tapi'ak awa wà. Upaw rupi umàmàn heywyr wà. Wiko tapi'ak awa ikàg ma'e Màxà ywy rehe har ài wà.

Salmos 22:19

O Tupàn Tuweharupi Wiko Ma'e, etyryk zo ihewi nehe. Ezur na'arewahy hepytywà pà nehe.

Salmos 22:20

Hepyro pe takihepuku wi nehe. Tuwe a'e zawar zàwenugar nahezuka kwaw wà nehe.

Salmos 27:9

Ezeàmim zo ihewi nehe. Eikwahy zo ihewe nehe. Hemono kar zo pe nezewi nehe. O Tupàn hepyro har, ereiko hepytywà har romo. Etyryk zo ihewi nehe. Ihewi eho zo nehe.

Salmos 31:5

Amono hereko haw nepo pe. O Tuweharupi Wiko Ma'e, hepyro putar pe nehe, Ta'e ne Tupàn ereiko puruwi upuir 'ym ma'e romo ne xe.

Salmos 49:15

Tupàn hepyro putar màno haw ikàgaw wi nehe, Ta'e hemuixe kar putar weko haw pe nehe xe.

Jeremias 14:8

Xo nerehe zo Izaew uzeruzar wà. Ereiko urepyro har romo urereko haw zawaiw katu mehe. Màràzàwe tuwe ereiko amo ae ywy rehe har ài ureywy rehe. Màràzàwe tuwe ereiko wata ma'e ài pitài haw uker ma'e ài.

Lamentações de Jeremias 3:57

Nerenoz haw 'ar mehe, erehem heruwake ihewe neze'eg pà. — Ekyze zo nehe, ere ihewe.

Deuteronômio 32:27

Aze mo azapo nezewe haw, waàmàtyry'ymar uze'eg urywahyahy mo wanehe wà. Naputar kwaw nezewe haw ihe. Hemu'em mo uzeupeupe wanehe wà no. — Uruityk Tupàn hemiaihu ure wà, i'i mua'u mo wà. Naputar kwaw nezewe haw ihe. — Tupàn Tuweharupi Wiko Ma'e numumaw kwaw a'e wà, i'i mua'u mo wà. Naputar kwaw nezewe haw ihe.

Josué 7:9

Kànàà ywy rehe har a'e wà nehe, amogwer ko ywy rehe har a'e wà nehe no, wenu putar ko iaiw ma'e imume'u àwàm a'e wà nehe. Umàmàn putar ureiwyr wà nehe, umunàn putar urerer ywy wi upaw rupi wà nehe. Aze a'e ma'e uzeapo nehe, ma'e erezapo putar nerer ikàg wera'u ma'e ikwaw kar pà purupe nehe, i'i Zuzue Tupàn pe, hehe upuranu pà.