Salmos 66:3 - Tupàn zeꞌeg

³ Peze'eg nezewe Tupàn pe nehe. — Neremiapo kwer umupytuhegatu kar teko a'e wà. Nekàgaw uhua'u tuwe no. Te neàmàtyry'ymar ukyze newi uzeamumew pà nerenataromo wà.

Salmos 66:3 ပူးပေါင်းရင်းမြစ်များ

Jó 25:2

Tupàn upuner katu a'e. Tuwe teko ukyze izuwi wà nehe. Omono zeàmàtyry'ym 'ymaw ywak rehe.

Salmos 18:44

Teko amo ae ywy rehe har uzeamumew herenataromo wà. Aze aze'eg wanupe, weruzar heze'eg wà.

Salmos 18:45

Uhem wakàgaw wanuwi. Uryryryryz wàpuz tàtà ma'e wi uhem pà wà.

Salmos 47:2

Tuwe teko ukyze Tupàn Tuweharupi Wiko Ma'e ywate wera'u har wi a'e wà nehe. Wiko tuwihawete uhua'u ma'e romo a'e, ywy nànànar waneruze'egar romo a'e.

Salmos 65:5

O Tupàn, erewazar ureze'eg urewe ne, Uremuigo kar pà ureàmàtyry'ymar waneitykar romo ne. Erezapo ikatuahy ma'e urepyro pà ne no. Teko ywy nànànar a'e wà, Te teko yryhu muite wera'u ma'e wi ur ma'e a'e wà, uzeruzar nerehe upaw rupi katete a'e wà.

Salmos 68:30

A'e pe neapyk mehe emume'u Ezit ywy imumaw pàwàm nehe. Nuzawy kwaw zàwàruhu takwar inuromo har. O Tupàn, emume'u amogwer ywy wamumaw pàwàm nehe. Nuzawy kwaw tapi'ak awa tetea'u wana'yr wainuromo har wà. Neze'eg henu mehe uzeamumew putar nerenataromo wà nehe. Werur putar parat tetea'u newe wà nehe. Emuhàmuhàz teko zeàmàtyry'ymawhu iputar har ne wà nehe.

Salmos 76:12

Tuwihaw amo wanuwi wiko wera'u ma'e a'e wà, Tupàn umuigo kar ma'e hereko 'ymar romo a'e wà. Umukyze kar tuwe ywy rehe har wanuwihawete wà no.

Salmos 81:15

Herehe iakatuwawahy 'ym ma'e uzeamumew mo herenataromo wà, ta'e aiko wazar romo ihe xe. Wanehe hezepykaw nupaw pixik kwaw nehe.

Êxodo 15:21

Nezewe uzegar Mirià. Zazegar Tupàn Tuweharupi Wiko Ma'e pe nehe. Ta'e wiko ywate a'e 'y. Weityk kawaru a'e wà. Weityk ikupe pe har a'e wà no. Yryhu pupe waneityk pà a'e wà.

Isaías 2:19

Tupàn Tuweharupi Wiko Ma'e izexak kar mehe ywy rehe har ukyze putar izuwi azeharomoete wà nehe. Uzàwehem putar oho itakwar pupe wà nehe. Wezyw putar ywykwar ohoete ma'e pupe wà nehe no, Tupàn ikwahy haw wi uhem pà wà nehe. Utyryk putar Tupàn Tuweharupi Wiko Ma'e tuwihawete romo heko haw ikàg ma'e wi wà nehe.

Isaías 25:3

A'e rupi teko ikàg ma'e umume'u putar nekatu haw wà nehe. Tawhu teko ikatu 'ym ma'e iapo har waneko haw pe har ukyze putar newi wà nehe.

Isaías 40:26

Peme'e ywate zahytata wanexak pà nehe. Mo uzapo wà. A'e ae umuata kar zahytata ywak rehe zauxiapekwer wazàwe wà. Ukwaw waneta haw. Ukwaw waner pitàitàigatu no. Ukwaw waner paw rupi wà. Ikàgaw uhua'u. Ipuner haw uhua'u. A'e rupi zahytata paw uwazar ize'eg izupe wà.

Isaías 64:3

Ikatuahy ma'e purumupytuhegatu kar haw iapo mehe, ma'e ureremiàro 'ym iapo mehe, erewezyw ywak wi ne. Ywytyruhu uryryryryz nerenataromo wà.

Jeremias 10:10

Tupàn Tuweharupi Wiko Ma'e wiko Tupàn Azeharomoete har romo a'e. Wiko Tupàn Wikuwe Ma'e romo, Umàno 'Ym Ma'e romo no. Tupàn Tuweharupi Wiko Ma'e ikwahy mehe ywy uryryryryz a'e. Teko ywy rehe har nupuner kwaw ikwahy haw rehe wà.