Salmos 3:3 - Tupàn zeꞌeg

³ U'yw wi purumimaw upyro zauxiapekwer màno haw wi a'e wà. Nezewegatete, ne Tupàn Tuweharupi Wiko Ma'e, hepyro katu 'ymaw wi ne. Ereityk heàmàtyry'ymar ne wà. Hemukàg wi pe ne no.

Salmos 3:3 ပူးပေါင်းရင်းမြစ်များ

Gênesis 15:1

Amo 'ar rehe Àmàràw wexak amo ma'e upuahu pe har zàwenugar a'e kury. Hexak mehe Tupàn Tuweharupi Wiko Ma'e uze'eg wà izupe. — Ekyze zo nehe, Àmàràw. Urupyro putar ikatu 'ymaw paw wi ihe nehe. Amono putar ma'e tetea'u newe nehe, neremiapo kwer hekuzaromo nehe, i'i izupe.

Gênesis 40:13

Na'iruz 'ar pawire tuwihawete nepyro kar putar xe wi zemunehew paw wi a'e nehe. Erezewyr putar nema'ereko haw pe nehe, win imono pà tuwihawete pe nehe, izypy mehe arer zàwe nehe.

2 Reis 18:30

Tuwe napemuzeruzar kar kwaw Tupàn Tuweharupi Wiko Ma'e rehe nehe. Tupàn napepyro kwaw urewi nehe. Zauxiapekwer Axir ywy rehe har upyhyk tawhu peneko haw a'e wà nehe.

2 Reis 18:32

Tuwihawete peneraha putar amo ae ywy peywy zàwenugar pe nehe. Pezapo putar peneko àwàm a'e pe nehe. Heta uwà tyw a'e pe. Pezapo putar win nehe. Heta arozràn a'e pe. Pezapo putar typy'ak nehe no. Heta uri tyw a'e pe. Heta uri kawer no. Heta hàir no. Aze peruzar ize'eg nehe, napemàno kwaw nehe. Peikuwe putar nehe. Tuwe Ezeki nahemu'em kwaw peme nehe. — Tupàn Tuweharupi Wiko Ma'e pepyro putar a'e nehe, i'i mua'u iko peme. Pezeruzar zo ize'eg rehe nehe.

2 Reis 25:27

Amo kwarahy rehe Emiw-Meronak wiko Mawiron wanuwihawete romo a'e kury. Ikatu Zuta wanuwihawete Zoaki pe a'e. Umuhem kar zemunehew paw wi kury. Umumaw Zoaki 37 kwarahy 11 zahy 27 'ar zemunehew paw pe wiko pà. Na'e tuwihawete umuhem kar zemunehew paw wi.

Salmos 110:7

Pe rupi tuwihawete uwi'u putar 'y yrykaw pe har pupe a'e nehe. Upu'àm putar teko paw waneitykar romo wiko pà nehe.

Salmos 119:114

Ereiko hemimaw romo. Ereiko u'yw wi hemimaw zàwenugar romo no. Eremume'u ma'e ihewe neremiapo ràm. Àro a'e ma'e iteko ihe.

Salmos 18:2

Tupàn Tuweharupi Wiko Ma'e wiko hepyro har romo. Tupàn Tuweharupi Wiko Ma'e wiko hemukàg kar har romo no. Tupàn hezar wiko itahu hemimaw romo. Ni amo nupuner kwaw ikatu 'ym ma'e iapo haw rehe ihewe wà nehe, ta'e aiko hehe we ihe xe. Hepyk u'yw wi purupykaw ài a'e. Uzàmàtyry'ym heàmàtyry'ymar hepyro pà.

Salmos 27:6

Nezewe mehe aityk putar heàmàtyry'ymar ihe wà nehe, heywyr har ihe wà nehe. Ahapukaz putar herurywete haw rehe nehe. Hàpuzuhu pe ma'ea'yr wazuka mehe nehe, azegar putar azeharomoete nehe. Amume'u putar Tupàn Tuweharupi Wiko Ma'e ikatu haw nehe.

Salmos 28:7

Tuweharupi Wiko Ma'e wiko hekàgaw romo a'e. Wiko u'yw wi hemimaw ài no. Azeruzar katu tuwe hehe ihe. Tuweharupi Wiko Ma'e hepytywà a'e. A'e rupi hepy'a hurywete a'e. A'e rupi amuzàg zegar haw ikatu haw rehe izupe ihe.

Salmos 4:3

Pema'enukwaw ko ma'e rehe nehe. Tupàn Tuweharupi Wiko Ma'e wereko katu uzehe uzeruzar katu ma'e a'e wà. Herenu a'e, aze aze'eg izupe ihe.

Salmos 62:7

Xo Tupàn inuromo zo heta hepyro àwàm. Xo a'e zo wexak hekatu haw. Wiko itahu hemimar ikàg ma'e ài.

Salmos 84:11

Tupàn Tuweharupi Wiko Ma'e wiko tatainy romo zanewe. Wiko Zanemimaw romo. Uzamutar katu ikatu ma'e iapo har wà. Umuwete ikatu ma'e iapo har wà no. Omono ikatu ma'e paw wanupe a'e.

Isaías 45:25

Ihe Tupàn Tuweharupi Wiko Ma'e aityk kar putar waàmàtyry'ymar heremiaihu wanupe ihe wà nehe. Heremiaihu umume'u putar hekatu haw wà nehe.

Isaías 60:19

Kwarahy nuhyape katu pixik kwaw 'ar romo nehe. Zahy nuhyape pixik kwaw pyhaw nehe, ta'e ihe Tupàn Tuweharupi Wiko Ma'e aiko putar tatainy newe tuweharupi har romo ihe nehe xe. Hepuràg eteahy haw hekàgaw uhyape katu putar nerehe nehe.

Lucas 2:32

— Tatainy ài wiko putar nehe. A'e rupi umume'u putar nekatu haw Zutew 'ym wanupe nehe, i'i izupe. — Teko uze'egatu putar Izaew izuapyapyr wanehe a'e wà nehe, neremiruze'eg wanehe a'e wà nehe, ta'e Zezuz Izaew izuapyr romo hekon a'e no xe, i'i Tupàn pe.

Deuteronômio 33:29

Teko Izaew izuapyapyr wà. Penurywete tuwe peiko. Naheta kwaw amo teko pezàwenugar wà. Peiko teko Tupàn Tuweharupi Wiko Ma'e hemipyro kwer romo. Wiko u'yw wi pezemimaw romo a'e. Wiko petakihe puku romo no. Pezeàmim puruzuka haw wi. Weityk peàmàtyry'ymar penenataromo wà no. Izaew, peàmàtyry'ymar wapyk putar upenàràg rehe penenataromo wà nehe. — Urepuhareko pe nehe, i'i putar peme wà nehe. Pepyhyk putar waiwy nehe. Peiko putar waiwy izar romo nehe.

Apocalipse 21:23

Naheta kwaw kwarahy a'e pe, ni zahy. Ta'e Tupàn ipuràg eteahy haw uhyape katu a'e pe har a'e wà xe. Àràpuhàràna'yr zàwenugar wiko tatainy romo a'e pe har wanupe.