Salmos 13:2 - Tupàn zeꞌeg

² Màràn 'ar amumaw putar ko ma'erahy ipuraraw pà nehe. Hepy'a tynehem hezemumikahy haw pupe, 'aromo, pyhaw. Màràn 'ar amumaw putar nezewe nehe. Heàmàtyry'ymar hemuzàn kar tuweharupi wà. Màràn 'ar amumaw putar nezewe nehe.

Salmos 13:2 ပူးပေါင်းရင်းမြစ်များ

Neemias 2:2

A'e rupi upuranu herehe. — Màràzàwe tuwe erezemumikahy ne. Nanema'eahy kwaw. Aipo nepy'a uzemumikahy, i'i ihewe. Na'e akyze katu izuwi kury.

Ester 7:6

— Ureàmàtyry'ymar a'e, ma'erahy urewe ipuraraw kar har a'e, wapyk neruwake a'e. Àmà her romo a'e. Awa iaiw ma'e romo hekon a'e, i'i Eter tuwihawete pe. Ukyze tuwe Àmà kury. Ume'e tuwihawete rehe. Ume'e hemireko rehe no.

Jó 10:15

Aze aiko ikatu 'ym ma'e iapo har romo, heityk pyrer romo aiko. Aze naiko kwaw ikatu 'ym ma'e iapo har romo, nahekàg kwaw ihe, napuner kwaw heàkàg hupir haw rehe. Ta'e hemaranugar iaiw ma'e ihewe uzeapo ma'e kwer rehe heme'e mehe xe.

Salmos 10:18

Aze ma'erahy ipuraraw har uhapukaz newe wà nehe, erenu putar ne wà nehe. Aze hemetarer 'ym ma'e uhapukaz newe wà nehe, erenu putar ne wà nehe. — Ikatu ma'e romo peiko, ere putar wanupe nehe. Nezewe mehe teko a'e wà nehe, amo 'ar mehe umàno ma'e ràm wà nehe, Numuhàmuhàz pixik kwaw purumukyze kar haw a'e wà nehe.

Salmos 116:3

Màno haw nuzawy kwaw heàmàtyry'ymar a'e wà. Heàmàtyry'ymar ipuruàpixipixi wer herehe kyhàhàm pupe wà. Amàno etea'i ihe. Iaiw haw tywypaw pe har hemukyze wera'u kar a'e. Akyzeahy tuwe ihe. Azemumikahy azeharomoete no.

Salmos 17:9

Hemim pe nepepo wy pe teko ikatu 'ym ma'e wanuwi nehe. Nezewe mehe nupuner kwaw hezuka haw rehe wà nehe. Heàmàtyry'ymar tynehem purehe iakatuwawahy 'ymaw pupe wà. Umàmàn heywyr wà, heàmàtyry'ym pà wà.

Salmos 31:18

Hemu'em ma'e romo wanekon a'e wà. Tuwe nuze'eg wi kwaw wà nehe. — Aiko wera'u amo wanuwi ihe, i'i wà. — Aiko ikàg wera'u ma'e romo pewi ihe, i'i wà. Uze'eg zemueteahy teko Tupàn heruzar har wanehe wà.

Salmos 38:17

Ta'e a'ar etea'i ihe xe. Ma'erahy heremipuraraw nupaw pixik kwaw a'e.

Salmos 42:4

Hereko awer rehe hema'enukwaw mehe hahy hepy'a ihewe. Hema'enukwaw Tupàn Hàpuzuhu pe teko tetea'u wanupi heho awer rehe ihe. Aexak kar ureho àwàm teko wanupe. Uruata oroho ure paw rupi ure. Urerurywete oroho uruzegar pà Tupàn ikatu haw imume'u pà.

Salmos 6:4

Ezur hepyro pà màno haw wi nehe, o Tupàn Tuweharupi Wiko Ma'e. Heamutar katu pe ne. A'e rupi hepyro hemàno àwàm wi nehe.

Salmos 7:2

Zàwàruhu iriàw her ma'e upyhyk wemiar ipei'ài'àg pà a'e wà. Heàmàtyry'ymar ipurupyhyk wer herehe zàwàruhu ài wà. Hepyhyk kar pe zo wanupe nehe. Tuwe naiko kwaw hepyro har hereko 'ymar romo nehe.

Salmos 74:10

O Tupàn. Màràn mehe ureàmàtyry'ymar upytu'u putar urerehe uze'eg urywahyahy re wà nehe. Aipo uze'eg zemueteahy putar nerehe tuweharupi upytu'u 'ym pà wà nehe.

Salmos 74:18

O Tupàn Tuweharupi Wiko Ma'e, nema'enukwaw katu neàmàtyry'ymar nerehe uze'eg urywahyahy mehe ne wà nehe. Nuzeruzar kwaw nerehe wà. Uze'eg zemueteahy nerer rehe wà. Nema'enukwaw wanemiapo kwer rehe nehe.

Salmos 8:2

Kwarearer uzegar nehua'u haw rehe wà. Te kwarera'i uzegar hehe wà no. Erezapo tàpuztàtà nezepyro kar pà neàmàtyry'ymar wanuwi ne, Eremumaw nerehe ipureityk wer ma'e ne.

Salmos 9:6

Ereityk tawhu zaneàmàtyry'ymar waneko haw ne wà. Eremumaw tuwe ne wà. Ni amo nuzapo wi kwaw wà nehe. Ni amo na'ima'enukwaw kwaw wanehe wà nehe.

Provérbios 15:13

Turywete haw umupuràg uzar huwa a'e. Zemumikahy haw uzuhaw uzar ipy'a.

Eclesiastes 5:17

Xipyhyk nezewe zanereko haw. Ximumaw zane'ar paw ipytunahy haw rehe zanezemumikahy pà, zanezemupy'a pà no, zanema'eahy pà no. Zanereko haw iro zanewe.

Jeremias 15:18

Màràzàwe tuwe apuraraw wiwi ma'erahy teko ihe. Màràzàwe tuwe hekutuk awer hahy ihewe upytu'u 'ym pà. Màràzàwe tuwe nuke'e kwaw. Aipo napuner kwaw nerehe hezeruzar haw rehe. Aipo ereiko yrykaw kwarahy mehe typaw ma'e ài, a'e izupe.

Jeremias 45:3

— Napuner kwaw iapo haw rehe, ere iko. Tupàn Tuweharupi Wiko Ma'e umuhua'u kar hezemumikahy haw. Umuhua'u kar heremipuraraw. Hekene'o hekuhem ire. Napuner kwaw hepytu'u haw rehe, ere iko, a'e izupe.

Jeremias 8:18

Ni amo nupuner kwaw hezemumikahy haw henuhemaw rehe ihewi wà. Hepy'a ima'eahy.

Lamentações de Jeremias 1:5

Waàmàtyry'ymar wiko wazar romo wà. Waàmàtyry'ymar waneko haw ikatuahy. Ta'e Tupàn Tuweharupi Wiko Ma'e upuraraw kar ma'erahy Zeruzarez pe a'e xe. Ta'e ipupe har uzapo ikatu 'ym ma'e tetea'u henataromo a'e wà xe. Waàmàtyry'ymar upyhyk wana'yr wà. Weraha muite waiwy wi wà.

Lamentações de Jeremias 1:9

Hemiapo kwer ikatu 'ym ma'e nuzawy kwaw ipihunaw ikamir rehe har. Nazawaiw kwaw hexakaw. Zeruzarez na'ima'enukwaw kwaw uzeapo ma'e ràm rehe. U'araiwete tuwe. Naheta kwaw imurywete kar àràm. Iàmàtyry'ymar weityk wà. — Hepuhareko pe nehe, i'i Tupàn Tuweharupi Wiko Ma'e pe.

Lamentações de Jeremias 5:20

Màràzàwe tuwe eremumaw kwarahy tetea'u urerehe nezekaiw 'ym pà. Aipo nema'enukwaw wi putar urerehe nehe.

Mateus 26:38

— Hepy'a uzemumikahy, i'i wanupe. — Hezemumikahy haw hezuka tàri a'e. Pepyta xe hepyr nehe, peme'egatu pà hepyr nehe, i'i wanupe.

Lucas 22:53

Aiko pepyr tuweharupi ihe, Tupàn hàpuzuhu pe ihe. Nahepyhyk kwaw pe a'e pe. Nan kwaw pa. Ipytunahy kury, teko nuexak kwaw penemiapo kwer a'e wà kury. A'e rupi hepyhyk putar pe tàrityka'i nehe kury, i'i wanupe.

João 16:6

Amume'u heho àwàm kwez peme kury. A'e rupi pezemumikahy kury.

Romanos 9:2

Azemumikahy tuwe ihe, ta'e heànàm zutew a'e wà xe, nuzeruzar kwaw Zezuz rehe a'e wà xe.

Filipenses 2:27

Ima'eahy tuwe a'e. Umàno tàri. Tupàn upuhareko. Numumàno kar kwaw. Hepuhareko a'e no. Ta'e aze mo Eparoxi umàno, azemumikahy mo ihe.

1 Samuel 18:29

A'e rupi ukyze wera'u Tawi wi kury. A'e 'ar mehe umumaw Xau u'ar paw Tawi iàmàtyry'ymar romo wiko pà.

1 Samuel 24:19

Teko wàmàtyry'ymar ipyhyk ire a'e wà, aipo umuhem kar wi a'e wà. Aipo omono kar uzewi izuka 'ym pà wà. Tuwe Tupàn uzapo ikatu ma'e newe nehe, ta'e ikatu ma'e erezapo kwez ihewe kutàri ne xe.