Romanos 10:3 - Tupàn zeꞌeg

³ Ta'e nukwaw kwaw Tupàn ipurumuawyze haw wà xe. Oho zepe wape rupi wà, uzeagaw pà uzemukatu pà nezewe wà. Noho tuwe kwaw Tupàn hape rupi wà, nukwaw kwaw Tupàn purumuawyze haw wà.

Romanos 10:3 ပူးပေါင်းရင်းမြစ်များ

Neemias 9:33

Nekatu urerehe nezepyk mehe. Uruzapo ikatu 'ym ma'e ure. Nezewe rehe we na'urereityk kwaw pe ne.

Jó 33:27

Uze'eg putar nezewe teko paw wanupe nehe. — Azapo ikatu 'ym ma'e ihe. Hemunar amo ma'e rehe no. Nezewe rehe we Tupàn nuzepyk kwaw herehe.

Salmos 71:19

Nerepuir kwaw neremiaihu ne wà. Nekatu haw, o Tupàn, uhem te ywak rehe. Erezapo uhua'u ma'e ne. Ni amo nuzapo kwaw agwer ma'e wà. Naheta kwaw amo nezàwenugar wà.

Isaías 51:1

Tupàn Tuweharupi Wiko Ma'e uze'eg nezewe. — Pezeapyaka katu nehe, uzepyro àwàm hekar har wà, uzepytywà àwàm ihewe henoz har wà. Peiko itahu ipei'àg pyrer ài. Pema'enukwaw itahu rehe nehe. Apei'àg a'e itahu penenuhem pà izuwi ihe.

Isaías 51:6

Peme'e ywak rehe ywate nehe. Peme'e ywy rehe xe ywak iwy pe nehe. Ywak ukàzym putar tàtàxiner ài nehe. Ywy izemàner putar kamir kwehe arer ài nehe. Hehe har umàno putar meru ài wà nehe. Aityk putar heàmàtyry'ymar upaw rupi ihe wà nehe. Hepuner haw upyta tuweharupi nehe. Nupaw pixik kwaw nehe.

Isaías 51:8

Ta'e ukàzym putar kamir àràpuhàràn hawitu ma'e hawer iapo pyrer ài wà nehe, ykyzu hemimumaw kwer ài wà nehe. Aityk putar heàmàtyry'ymar upaw rupi ihe nehe. Hepuner haw upyta putar tuweharupi nehe. Nupaw pixik kwaw nehe.

Isaías 56:1

Tupàn Tuweharupi Wiko Ma'e uze'eg wemiaihu wanupe. — Peiko katu haw rehe nehe. Pezapo ikatu ma'e nehe. Nan kwehe tete apupyro putar nehe, hekàgaw purupyro ma'e hexak kar pà nehe.

Isaías 57:12

Aexak kar putar penemiapo kwer teko nànàn ihe nehe. Ikatu penemiapo peme. Azeharomoete na'ikatu kwaw ihewe ihe.

Isaías 64:6

Ure paw uruiko ikatu 'ym ma'e romo nerenataromo. Ureremiapo kwer ikatu ma'e nuzawy kwaw urekamir izipiw ma'e. Uruiko ma'e huwer uxinig ma'e kwer ài. Ureremiapo kwer ikatu 'ym ma'e urereraha muite ywytuaiw ài.

Lamentações de Jeremias 3:22

Tupàn puruamutar katu haw nupaw kwaw a'e. Ikatu haw nupaw pixik kwaw.

Daniel 9:24

Taniew, neànàm wanehe Tupàn izepykaw a'e nehe, tawhu izupe imonokatu pyrer rehe izepykaw a'e nehe no, umumaw putar 7 haw 70 kwarahy (490 kwarahy) nehe. Te upaw putar Tupàn iàmàtyry'ymaw nehe. Upytu'u putar ikatu 'ym ma'e iapo re wà nehe. Na'e Tupàn umunàn putar neànàm wanemiapo kwer ikatu 'ym ma'e a'e nehe. Tupàn uzapo putar ikatuahy ma'e nehe, ta'e ikatuahy tuweharupi a'e xe. Neremixak kwer uzeapo putar nehe. Uzeapo ma'e ràm imume'u pyrer uzeapo putar nehe. Xaxeto uzuka putar ma'ea'yr Tupàn henataromo a'e wà nehe no.

Levítico 26:41

Wiko heàmàtyry'ymar romo wà. A'e rupi amuhàmuhàz waàmàtyry'ymar waiwy nànàn ihe wà. Pezuapyapyr umume'u putar a'e wipy wanemiapo kwer wà nehe no. Aze weityk uma'enukwaw haw ikatu 'ym ma'e wà nehe, aze upytu'u tupàn a'ua'u wamuwete re wà nehe, aze uzemono hezepykaw pe nehe,

Lucas 10:29

Ize'eg na'ikatu kwaw a'e purumu'e ma'e pe a'e, ta'e ukwaw wemiapo kwer a'e xe. (Aze ru'u nuzamutar kwaw uzeake har a'e wà.) A'e rupi upuranu wi Zezuz rehe. — Mon aipo heruwake har romo wanekon wà, i'i izupe.

Lucas 16:15

Uze'eg Zezuz wanupe. — Peiko mua'u ikatuahy ma'e romo teko wanuwa rupi tuweharupi pe. Tupàn ukwaw tuwe pepy'a a'e. Na'ima'enukwaw kwaw ma'e rehe teko wazàwe a'e. Teko nukwaw kwaw amogwer wama'enukwaw paw a'e wà. — Kwa, ikatuahy kwez awa a'e, i'i teko izupe. — Na'ikatu pixik kwaw a'e, i'i Tupàn izupe a'e, ta'e ukwaw ipy'a a'e xe, ukwaw ima'enukwaw paw a'e xe.

Romanos 1:17

Ta'e Tupàn ze'eg kwehe arer nezewe i'i a'e xe. — Aze teko uzeruzar herehe a'e wà nehe, ikatu 'ym ma'e iapo 'ymar ài amuigo kar a'e teko heruwa rupi ihe wà nehe. Amuawyze putar hezeupe ihe wà nehe, wamukatu pà hezeupe ihe wà nehe. Aze amuawyze ihe wà nehe, a'e mehe wiko putar hepyr tuweharupi a'e wà nehe, i'i Tupàn ze'eg kwehe arer pape rehe imuapyk pyrer.

Romanos 10:2

Iho wer zepe Tupàn hape rupi a'e wà. (Nuzeruzar kwaw Zezuz Tupàn ta'yr rehe wà.) Nukwaw kwaw oho haw wà.

Romanos 10:20

A'e re Izai umume'u amo Tupàn ze'eg a'e no. — Ihe Tupàn ihe, teko herekar 'ymar herexak putar a'e wà nehe. Azexak kar putar herenoz 'ymar wanupe ihe nehe, i'i wanupe.

Romanos 11:7

Izaew izuapyapyr a'e wà, uzeagaw zepe uzemuawyze kar pà Tupàn pe wà. Nuzemuawyze kwaw wà. Tupàn wexaexak amo ae teko a'e wà. A'e zutew 'ym a'e wà, hexaexak pyrer a'e wà, uzemuawyze Tupàn pe a'e wà. Naheta tetea'u kwaw wà.

Romanos 3:26

Ko 'ar rehe ipurexak kar wer ukatu haw rehe teko wanupe kury. A'e rupi umuawyze teko wanereko uzeupe wà kury, wanemiapo kwer ikatu 'ym ma'e imunàn pà wanuwi kury. Aze teko uzeruzar Zezuz rehe wà nehe, Tupàn umunàn putar wanemiapo kwer ikatu 'ym ma'e wanuwi nehe, wamuawyze pà nehe. Ko 'ar rehe wexak kar purumuawyze haw teko wanupe kury.

Romanos 5:19

Pitài awa uhaw Tupàn ze'eg a'e, ikatu 'ym ma'e iapo kar pà teko paw wanupe a'e. Nezewegatete amo ae awa a'e no, weruzar Tupàn ze'eg a'e no, teko paw wamukatu pà wamuawyze kar pà Tupàn pe a'e no.

2 Coríntios 5:21

Zaneruwihawete nuzapo pixik kwaw ikatu 'ym ma'e a'e. Tupàn ipurupyro wer zanerehe a'e. A'e rupi uzepyk Zaneruwihawete Zezuz rehe, zaneremiapo kwer ikatu 'ym ma'e rehe. A'e rupi Tupàn umur ukatu haw zanewe kury, ta'e Zaneruwihawete inuromo zazemono'og zaiko zane xe. A'e rupi — Ikatu ma'e ài peiko ihewe kury, i'i Tupàn zanewe kury.

Deuteronômio 6:25

Aze zazekaiw zanereko haw rehe Tupàn Tuweharupi Wiko Ma'e Zanezar ze'eg zanewe imur pyrer paw heruzar pà nehe, zanereko haw ikatu putar izupe nehe.

2 Pedro 1:1

Ihe Ximàw Pet ihe. Zezuz Zaneruwihawete hemiruze'eg romo aiko ihe, izupe uma'ereko ma'e romo aiko ihe no, hemimono karer romo aiko ihe no. Tupàn a'e, Zanepyro har Zaneruwihawete Zezuz a'e no, ikatuahy a'e wà, a'e rupi hemuzeruzar kar uzehe a'e wà. Pemuzeruzar kar uzehe a'e wà no. Amono kar putar ko hepape peme ihe nehe no.