Provérbios 9:6 - Tupàn zeꞌeg

⁶ Pehem iranaiw ma'e wanuwi nehe. Peiko katu nehe. Peata ma'e kwaw paw piarupi nehe, i'i wanupe.

Provérbios 9:6 ပူးပေါင်းရင်းမြစ်များ

Salmos 119:115

Petyryk ihewi nehe, ikatu 'ym ma'e iapo har wà. Aruzar putar Tupàn hezar hemiapo kar nehe.

Salmos 45:10

O tuwihawete hemireko ràm, ezeapyaka katu heze'eg pureruze'egaw rehe nehe. — Nereharaz neremiaihu wanuwi nehe, neànàm wanuwi nehe.

Provérbios 10:17

Aze amo umume'u amo hemiapo kwer ikatu 'ym ma'e izupe nehe, aze iapo arer wenu katu imume'u mehe, henu katu har wata pe purumuigo kar ma'e rupi a'e. Henu katu 'ymar u'ar iawy haw pupe.

Provérbios 13:20

Ma'e kwaw katu har wanupi wata ma'e wiko putar ma'e kwaw katu har romo nehe. Aze amo wata iranaiw ma'e wanupi nehe, iahykaw rehe heko haw na'ikatu kwaw nehe.

Provérbios 23:19

Ezeapyaka katu nehe, hera'yr. Eiko ma'e kwaw katu har romo nehe. Nema'enukwaw katu neremiapo ràm rehe nereko àwàm rehe nehe.

Provérbios 4:11

Urumu'e ma'e kwaw katu haw piar rehe ihe. Urumu'e ikatu haw rehe nereko haw no.

Provérbios 8:35

Ta'e herexakar wexak putar weko haw a'e nehe xe. Tupàn Tuweharupi Wiko Ma'e hurywete putar hehe a'e nehe no.

Provérbios 9:11

Ma'e kwaw katu haw umumaw kar putar kwarahy tetea'u newe nehe. Ipukua'u wera'u putar nereko haw nehe.

Ezequiel 11:20

Nezewe mehe uzapo putar ma'e heze'eg rupi katete wà nehe. Weruzar katuahy putar heremiapo karer wà nehe no. Wiko putar heremiaihu romo wà nehe. Aiko putar wazar romo ihe nehe no.

Ezequiel 37:24

Amo tuwihawete heremiruze'eg Tawi zàwenugar weruze'eg putar a'e teko paw a'e wà nehe. Paw rupi wereko putar xo pitài tuwihaw wà nehe. Weruzar katu putar heze'eg wà nehe.

Lucas 13:24

Ezeagaw nereixe pà uken pixika'i ma'e rupi nehe. Ta'e teko tetea'u uzeagaw putar hupi wixe pà wà nehe xe. Nupuner kwaw wà nehe.

Atos 2:40

Uze'eg wi wi wanupe, umume'u uze'eg tetea'u wanupe. -Ko 'ar rehe wiko ma'e a'e wà, uzapo ikatu 'ym ma'e tetea'u waiko a'e wà. Tupàn uzepyk putar wanehe nehe. Pepytu'u ikatu 'ym ma'e iapo re nehe. Pepytu'u wazàwe peneko re nehe. A'e mehe Tupàn pepyro putar zepykaw wi nehe, i'i wanupe.

2 Coríntios 6:17

A'e rupi nezewe i'i Zanezar a'e. — Etyryk ikatu 'ym ma'e wanuwi nehe. Ezemuza'ak wanuwi nehe, i'i zanewe.

Apocalipse 18:4

Na'e ainu amo ma'e ize'eg mehe ywate ihe kury. — Pehem pezuwà nehe, heremiruze'eg wà. Pehem pezuwà izuwi nehe. Peiko zo ipyr nehe, pezapo zo ikatu 'ym ma'e izàwe nehe. Aze pepyta wi wi peiko ipyr nehe, izuwi pehem 'ym pà nehe, pepuraraw putar ma'erahy nehe, ma'erahy ihem mehe a'e pe nehe.