Provérbios 8:34 - Tupàn zeꞌeg

³⁴ Henu har hurywete putar wà nehe. heràpuz ukenaw rehe upyta ma'e wà, heràpuz pupe wixe àwàm hàro har wà.

Provérbios 8:34 ပူးပေါင်းရင်းမြစ်များ

1 Reis 10:8

Neremireko hurywete tuwe a'e wà. Newe uma'ereko ma'e hurywete a'e wà no. Ta'e tuweharupi wiko neruwake a'e wà 'y. Ta'e tuweharupi wenu ma'e kwaw paw ze'eg xirogatu ma'e neremimume'u a'e wà 'y.

Salmos 27:4

Xo pitài ma'e zo ainoz Tupàn Tuweharupi Wiko Ma'e pe. Xo a'e ma'e zo aputar ihe. Tuwe hemuigo kar wàpuz me nehe. Tuwe amumaw he'ar paw hàpuz me hereko pà nehe, Ikatu haw ikwaw pà nehe, Ima'ekwaw paw rehe hemu'e pà nehe no.

Salmos 84:10

Aze amumaw pitài 'ar neràpuzuhu pupe hereko pà ihe, Ikatu wera'u ihewe 1.000 'ar amo me hereko pà imumaw paw wi ihewe. Aze apyta Tupàn hezar hàpuzuhu hukenaw huwake ihe, ikatu wera'u ihewe ikatu 'ym ma'e wanàpuz me hereko haw wi a'e.

Salmos 92:13

Nuzawy kwaw ma'e'yw Tupàn Tuweharupi Wiko Ma'e heko haw pe itym pyrer wà. Iputyr ywy zanezar hàpuzuhu huwake har rehe wà.

Êxodo 12:7

Peraha wanuwykwer pixik imupiripirik pà ukenaw i'aromo nehe, izywyr rehe nehe no, tàpuz àràpuhàràna'yr ho'o kwer i'u àwàm me nehe.

Provérbios 1:21

Tawhu ukenaw huwake uhapukaz iko. Uhapukazahy teko wazemono'ogaw nànàn no.

Provérbios 3:13

Aze awa wexak ma'e kwaw katu haw nehe, hurywete putar nehe. Hurywete putar aze ukwaw ma'e nehe.

Provérbios 3:18

Ma'e kwaw katu har romo uzeapo ma'e kwer hurywete wà. Ma'e kwaw katu haw umuigo kar tuwe wà no.

Mateus 7:24

(Uze'eg wiwi Zezuz wemimu'e wanupe.) — Aze awa wenu ko heze'eg nehe, aze weruzar nehe, ma'e kwaw par wàpuzapo har kwehe arer ài hekon putar nehe. Amo awa uzapo wàpuz itahu 'aromo a'e.

Lucas 1:6

Zakari a'e, hemireko a'e no, xo ikatuahy ma'e zo uzapo Tupàn huwa rupi tuweharupi a'e wà. Oho tuwe Tupàn ze'eg rupi wà, hemiapo putar haw paw iapo pà wà.

Lucas 10:39

Mari ikypy'yr her romo a'e. (Amo ae Mari a'e.) Wapyk Mari oho Zanezar ipy huwake kury, ipurumu'e haw rehe uzeapyaka katu pà kury.

Lucas 11:28

— Hurywete wera'u Tupàn ze'eg henu har a'e wà, heruzar har a'e wà, i'i Zezuz izupe, kuzà pe. — Ezapo ma'e Tupàn ikàgaw hexak kar pà urewe, i'i teko Zezuz pe wà.

Atos 2:42

A'e re uzemono'og uzeruzar ma'e uzehezehe oho tuweharupi wà, Zezuz hemimono karer waze'eg rehe uzemu'e pà wà, temi'u i'u pà wà no, Tupàn pe uze'eg pà wà no.