Provérbios 8:28 - Tupàn zeꞌeg

²⁸ Aiko a'e pe ywàkun ywak rehe imono mehe, ytyzuzàmaw yryhu wy pe har ipe'a mehe no.

Provérbios 8:28 ပူးပေါင်းရင်းမြစ်များ

Gênesis 1:7

Uzeapo ma'e ize'eg rupi katete. Tupàn uzapo 'y imuza'akaw a'e. Amo ipehegwer upyta iwy pe a'e. Amo ipehegwer inugwer upyta i'aromo a'e no.

Gênesis 1:9

Uze'eg wi Tupàn a'e kury. — Tuwe 'y ywak iwy pe har uzemono'og pitài 'y romo uzeapo pà a'e nehe. Nezewe mehe ywy uxinig ma'e uzekwa kar putar a'e nehe no, i'i. Uzeapo ma'e ize'eg rupi katete.

Gênesis 7:11

A'e 'ar mehe, Noe wereko 600 kwarahy. Umumaw pitài zahy a'e pe wiko pà wà. Umumaw amo 17 'ar kanuhu pupe wata pà wà no. A'e 'ar mehe 'yzygwar yryhu iwy pe har uzewàpytymawok upaw rupi wà. Ywak uzewàpytymawok ukenaw ài no.

Gênesis 8:2

'Yzygwar yryhu wy pe har, uzewàpytym a'e kury. Ywak uzewàpytym uken ài no. Àmànuhu upik oho kury, ukyr ire upytu'u pà kury.

Jó 26:8

Upyhyk 'y ywàkun pupe. 'Y numu'i kwaw ywàkun ipuhuz haw pupe.

Jó 38:16

Izo. Aipo erexak 'ytyzuzàmaw yryhu imynehemar. Yryhu ohoete a'e. Aipo ereata eho iwy pe.

Salmos 104:7

Neze'egahy henu mehe 'y uhem a'e wi. Imono kar mehe uzàn oho a'e wi.

Salmos 146:6

Ywak iapo arer romo hekon a'e. Ywy iapo arer romo no. Yryhu iapo arer romo hekon, wanehe har paw iapo arer romo no. Tuweharupi Wiko Ma'e uzapo tuwe ma'e wemimume'u kwer rupi katete tuweharupi a'e.

Provérbios 3:19

Uma'ekwaw katu haw rupi Tupàn Tuweharupi Wiko Ma'e uzapo ywy a'e. Uma'ekwaw paw rupi umuapyk ywak henaw rehe no.

Provérbios 8:27

Aiko a'e pe ywak henaw rehe imuapyk mehe, ywak iahykaw yryhu rehe imono mehe no.

Provérbios 8:29

— Ezeupir zo xe wi nehe, i'i 'y pe kwehe mehe. Aiko a'e pe ize'eg mehe. Omono ywy izypyrogaw ywy iwy pe no. Aiko a'e pe imono mehe no.

Mateus 8:26

— Màràzàwe tuwe pekyze peiko, i'i wanupe. — Pixika'i herehe pezeruzar haw pe, i'i wanupe. Na'e upu'àm 'àm kury. Uze'eg ywytu pe ykotok pe, wamupytu'u kar pà. Upytu'u ywytu, upytu'u ykotok no.