Provérbios 7:2 - Tupàn zeꞌeg

² Ezapo heremiapo kar haw nehe. A'e mehe ereikuwe putar nehe. Erezekaiw katu nereha rehe. Nezewegatete ezekaiw katu heremiapo kar haw rehe nehe no.

Provérbios 7:2 ပူးပေါင်းရင်းမြစ်များ

Salmos 119:144

Nepurumu'e awer ikatu tuweharupi. Ekwaw kar ma'e ihewe nehe. Nezewe mehe aikuwe wiwi putar nehe.

Salmos 17:8

Hepyro pe ikatu 'ymaw wi nehe, Nereha romo hereko mehe mo nehe.

Provérbios 4:13

Tuweharupi nema'enukwaw ma'e rehe nezemu'e haw rehe nehe. Ikatu haw rehe neata haw uzeapo nereko haw romo. Emonokatu nehe. Eityk zo nehe.

Provérbios 4:21

Emunyryk kar pixik zo newi nehe. Nema'enukwaw hehe nehe. Ezamutar nehe no.

Provérbios 4:4

Heru hemu'e hekwarer mehe. — Nema'enukwaw heze'eg rehe nehe, i'i ihewe. — Nereharaz pixik zo izuwi nehe. Ezapo ma'e heze'eg rupi nehe. A'e mehe ereiko putar nehe.

Isaías 55:3

Pezeapyaka katu heze'eg rehe nehe. Pezur ihewe nehe. Pezekaiw katu herehe nehe. Nezewe mehe peneko haw pyahu ma'e pereko putar nehe. Azapokatu putar heze'egaw upaw pixik 'ym ma'e ràm penehe we ihe nehe. Kwehe mehe amume'u heze'egatu Tawi pe izupe heremiapo ràm imume'u pà ihe. Azapo putar a'e ma'e peme ihe nehe.

Jeremias 38:20

— Nanemono kwaw a'e Zutew wanupe wà nehe. Eruzar Tupàn Tuweharupi Wiko Ma'e ize'eg newe heremimume'u kwer nehe. A'e mehe nekatu putar nehe. Nanezuka kwaw wà nehe.

Levítico 18:5

Aze peruzar heze'eg nehe, aze pezapo heremiapo kar nehe, peikuwe putar nehe. Aiko Tupàn Tuweharupi Wiko Ma'e romo.

Zacarias 2:8

Tupàn Ikàg Wera'u Ma'e umur ukàgaw ihewe kury. — Emume'u ko heze'eg teko heremiaihu wanemetarer heraha arer wanupe nehe, i'i ihewe. Nezewe ize'eg. — Heremiaihu waàmàtyry'ymar nuzawy kwaw heàmàtyry'ymar ihewe.

João 14:21

Aze amo uzeruzar heze'eg rehe a'e nehe, aze weruzar heze'eg a'e nehe no, a'e ae heamutar katu har romo hekon a'e nehe. Aze amo heamutar katu a'e nehe, heru uzamutar katu a'e teko a'e nehe no. Azamutar katu putar a'e heamutar katu har ihe nehe no. Azekwaw katu kar putar izupe ihe nehe no.

João 15:14

Aze peruzar heze'eg nehe, peiko putar hemyrypar romo nezewegatete nehe no.

Deuteronômio 32:10

Tupàn wexak a'e teko ywyxiguhu rehe. Ukàzym a'e pe wà. Miar ipuruzukaiwahy ma'e wiko a'e ywyxiguhu rehe wà. Tupàn uhem wanuwake. Uzekaiw wanehe wazyra'i wemiamutar katu wera'u zàwe.

Apocalipse 22:14

— Aze teko upuez ukamir nehe, xigatu putar ikamir nehe. Hurywete putar a'e teko a'e wà nehe. Ta'e upuner ma'ywa purumugweraw kar ma'e i'u haw rehe wà nehe xe. Upuner oho haw rehe tawhu uken rupi wà nehe no xe.