Provérbios 6:25 - Tupàn zeꞌeg

²⁵ Tuwe ipuràgeteahy haw nuzapo kar kwaw ikatu 'ym ma'e newe nehe. Tuwe heha nanereraha kwaw iker haw pe nehe, ipuhe nehe.

Provérbios 6:25 ပူးပေါင်းရင်းမြစ်များ

2 Reis 9:30

Uhem Zeu Zereew pe kury. Ukwaw Zezamew ihem awer a'e. A'e rupi umupihun uweha kury. Umuguz u'aw no. Ume'e hin tàpuzuhu ukenaw wi kury, nahu rupi teko katu pe har wanehe ume'e pà kury.

Jó 31:1

Amume'uahy amo ma'e kwehe mehe ihe. — Name'e pixik kwaw kuzà awa puhe oho pixik 'ym ma'e rehe iputar pà ihe nehe, a'e Tupàn henataromo.

Cânticos dos Cânticos 4:9

Heremireko ràm heremiamutar katu, nemunar hepy'a rehe, pitài haw herehe neme'e mehe. Pitài ita per neazuromo har pupe nemunar hepy'a rehe.

Isaías 3:16

Nezewe uze'eg Tupàn Tuweharupi Wiko Ma'e. — Peme'e kuzà Zeruzarez pe har wanehe nehe. — Hepuràg eteahy ihe, i'i wà. — Apuner tuwe ihe, i'i wà. Upir uxi wata pà tuwihaw ài wà. Uwakahy amo wanehe ume'e mehe wà. Wata mehe wata pe'ipe'i wà. Ma'e wapyakazaw har ipuipu wata mehe.

Jeremias 4:30

Zeruzarez, Tupàn umume'u nerehe uzepykaw a'e. Màràzàwe tuwe eremunehew kamir ipiràg ma'e. Màràzàwe tuwe eremunehew ita hekuzar katu ma'e. Màràzàwe tuwe eremupinim nereha. Nereko wer ipuràg eteahy ma'e romo. Nezewe rehe we nepuhe oho ma'e kwer upuir newi wà. Ipuruzuka wer nerehe wà kury.

Ezequiel 23:40

Oora a'e. Oorima a'e no, omono kar uze'eg heraha har wà, awa muitea'u har wamur kar pà wà. Ur wà. Kuzà uzahak wà. Umupinim weha wà. Uzemupuràg eteahy ita hekuzar katu ma'e pupe wà.

Mateus 5:28

Amo ae ma'e amume'u putar peme ihe nehe kury. — Aze awa ume'e kuzà rehe nehe, iputar pà nehe, iputar haw nuzawy kwaw ipuhe iho haw Tupàn pe a'e. Aze ru'u uker ipuhe, aze ru'u iker wer ipuhe. Zuawygatu Tupàn pe. Na'ikatu kwaw izupe.

Deuteronômio 5:21

— Nerewyrowyroahy zo amo rehe nehe. Eputar zo hemireko nehe. Eputar zo ima'e nehe: ni hàpuz, ni iziwy, ni izupe uma'ereko ma'e wà, ni heimaw wà, ni wyzài ima'e nehe no.