Provérbios 30:5 - Tupàn zeꞌeg

⁵ Tupàn hemimume'u kwer paw azeharomoete har romo a'e. Aze teko uzepyro kar izupe wà, wiko wamimaw romo a'e.

Provérbios 30:5 ပူးပေါင်းရင်းမြစ်များ

Gênesis 15:1

Amo 'ar rehe Àmàràw wexak amo ma'e upuahu pe har zàwenugar a'e kury. Hexak mehe Tupàn Tuweharupi Wiko Ma'e uze'eg wà izupe. — Ekyze zo nehe, Àmàràw. Urupyro putar ikatu 'ymaw paw wi ihe nehe. Amono putar ma'e tetea'u newe nehe, neremiapo kwer hekuzaromo nehe, i'i izupe.

2 Samuel 22:31

Xo ikatuahy ma'e xo Tupàn uzapo a'e. Uzapo wemimume'u kwer. Nuzawy kwaw u'yw wi purupyro ma'e, Ikàgaw hekar har wanupe.

Salmos 119:140

Ikàg tuwe neremiapo ràm imume'u pyrer. Ihe neremiruze'eg ihe, azamutar katu a'e neremimume'u kwer ihe.

Salmos 12:6

Pepuner Tupàn Tuweharupi Wiko Ma'e ze'eg rehe pezeruzar haw rehe. Ize'eg nuzawy kwaw itaxig parat ikatuahy ma'e a'e. Aze teko umupyràn parat tata pupe 7 haw tykwer imunyryk pà izuwi wà nehe, naheta kwaw ikatu 'ymaw a'e parat inuromo nehe. Tupàn ze'eg nuzawy kwaw parat 7 haw imukatu pyrer a'e.

Salmos 144:2

Itahu zàwenugar hemimaw romo hekon a'e. Tàpuz imuàtà pyrer hepyro har romo no. Hemim ikatu 'ymaw wi. Hemunyryk kar zemunehew paw zàwenugar wi no. Hemim u'yw wi purumimaw zàwe. Azeruzar hehe ihe, herehe izekaiw haw rehe ihe. Omono ywy nànànar hepuner haw iwy pe wà.

Salmos 18:2

Tupàn Tuweharupi Wiko Ma'e wiko hepyro har romo. Tupàn Tuweharupi Wiko Ma'e wiko hemukàg kar har romo no. Tupàn hezar wiko itahu hemimaw romo. Ni amo nupuner kwaw ikatu 'ym ma'e iapo haw rehe ihewe wà nehe, ta'e aiko hehe we ihe xe. Hepyk u'yw wi purupykaw ài a'e. Uzàmàtyry'ym heàmàtyry'ymar hepyro pà.

Salmos 18:30

A'e Tupàn heremimume'u kwer a'e, uzapo ma'e paw ikatuahy ma'e romo a'e. Uzapo tuwe ma'e wemimume'u kwer a'e no. Nuzawy kwaw u'yw wi purumimaw a'e, Ikàgaw hekar har wanupe a'e.

Salmos 18:31

Tupàn Tuweharupi Wiko Ma'e wiko zanezar romo a'e. Naheta kwaw amo. Xo Tupàn zo wiko zanepyro har romo.

Salmos 19:8

Tupàn purumu'e haw ikatuahy a'e. Umurywete kar teko wapy'a pe wà. Uzekwaw katu ipurumu'e haw. Zanewe ukwaw kar ma'e a'e.

Salmos 3:3

U'yw wi purumimaw upyro zauxiapekwer màno haw wi a'e wà. Nezewegatete, ne Tupàn Tuweharupi Wiko Ma'e, hepyro katu 'ymaw wi ne. Ereityk heàmàtyry'ymar ne wà. Hemukàg wi pe ne no.

Salmos 84:11

Tupàn Tuweharupi Wiko Ma'e wiko tatainy romo zanewe. Wiko Zanemimaw romo. Uzamutar katu ikatu ma'e iapo har wà. Umuwete ikatu ma'e iapo har wà no. Omono ikatu ma'e paw wanupe a'e.

Salmos 91:2

A'e teko upuner nezewe u'e haw rehe Tupàn Tuweharupi Wiko Ma'e pe nehe, — Ereiko herehe uzekaiw ma'e romo ne. Hepyro har romo ereiko no. Ereiko hezar romo ne. Azeruzar nerehe ihe, i'i putar izupe nehe.

Provérbios 2:7

Upytywà teko ikatu ma'e wà. Upyro teko imunar 'ym ma'e wà no.

Provérbios 29:25

Na'ikatu kwaw amo wanuwi nekyze haw. Tupàn Tuweharupi Wiko Ma'e rehe nezeruzar haw nepyro putar nehe.

Romanos 7:12

Azeharomoete Tupàn ze'eg imur pyrer ikatuahy a'e, hemiapo putar haw ikatuahy a'e no. Tupàn omonokatu uze'eg uzeupe a'e. Azeharomoete ize'eg. Ikatuahy no.

Tiago 3:17

Aze Tupàn ukwaw kar uze'eg teko wanupe nehe, a'e mehe a'e teko upytu'u ikatu 'ym ma'e iapo re wà nehe. Nuzeàmàtyry'ym kwaw wà nehe. Nupuraraw kar kwaw ma'erahy amo wanupe wà nehe. Uzemuryparypar putar wà nehe. Uzapo ikatu ma'e tetea'u wà nehe. Aze ma'e ikatu tuwe nehe, — Ikatuahy, i'i a'e ma'e pe wà nehe. Aze ma'e na'ikatu kwaw nehe, — Na'ikatu kwaw, i'i a'e ma'e pe wà nehe. Aze a'e uzeruzar ma'e uzapo wiwi ikatu 'ym ma'e wà nehe, — Naiko kwaw ikatu 'ym ma'e iapo har romo, ni'i kwaw uzeupe wà nehe.