Provérbios 30:13 - Tupàn zeꞌeg

¹³ Heta wiko wera'u ma'e wà. — Iaiw ma'e wà, i'i amo wanupe wà.

Provérbios 30:13 ပူးပေါင်းရင်းမြစ်များ

Salmos 101:5

Amumaw putar amogwer wanehe wakupe kutyr uze'eg zemueteahy ma'e ihe wà nehe. Namuigo kar kwaw amo wanuwi wiko wera'u ma'e herenataromo ihe wà nehe. Ikàg ma'e ikatu 'ym ma'e nuhem kwaw heruwake wà nehe.

Salmos 131:1

O Tupàn Tuweharupi Wiko Ma'e. — Aiko wera'u amo wanuwi ihe, na'e kwaw. Apytu'u amogwer wanuwi hekàg wera'u haw imume'u re. Naikar kwaw uhua'u ma'e aha iteko kury. Aze ma'e zawaiw katu wera'u ihewe, nazeagaw kwaw iapo pà ihe. Naputar kwaw ma'e kury, aze napuner kwaw a'e ma'e hereko haw rehe.

Provérbios 21:4

Heko wera'u haw uzeapo ikatu 'ym ma'e wazar romo. Agwer ma'e na'ikatu kwaw Tupàn pe.

Isaías 2:11

Ur putar amo 'ar nehe. A'e 'ar mehe Tupàn umuigo kar putar wiko wera'u ma'e wà nehe, ikàg 'ym ma'e romo wà nehe. Ukàgaw imume'u har wiko putar ikàg 'ym ma'e romo wà nehe. A'e 'ar mehe teko umume'u putar Tupàn Tuweharupi Wiko Ma'e ikatu haw wà nehe. Numume'u kwaw amo wakatu haw wà nehe.

Isaías 3:16

Nezewe uze'eg Tupàn Tuweharupi Wiko Ma'e. — Peme'e kuzà Zeruzarez pe har wanehe nehe. — Hepuràg eteahy ihe, i'i wà. — Apuner tuwe ihe, i'i wà. Upir uxi wata pà tuwihaw ài wà. Uwakahy amo wanehe ume'e mehe wà. Wata mehe wata pe'ipe'i wà. Ma'e wapyakazaw har ipuipu wata mehe.

Isaías 5:15

Imaranugar putar upaw rupi wà nehe. Wiko wera'u ma'e wiko putar ikàg 'ym ma'e romo wà nehe.

Ezequiel 28:9

Nezuka àwàm rehe wahem mehe aipo erezemume'u wiwi putar tupàn romo nehe. Nezuka àràm wanuwàxi mehe ereiko putar Awa ta'yr romo nehe. Nereiko kwaw tupàn romo nehe.

Habacuque 2:4

Nezewe heze'eg newe heremimume'u ràm xe kury. — Ikatu 'ym ma'e waneko haw na'ikatuahy kwaw. Ikatu ma'e iapo har wikuwe putar wà nehe, ta'e uzeruzar tuwe Tupàn rehe wà xe.