Provérbios 3:19 - Tupàn zeꞌeg

¹⁹ Uma'ekwaw katu haw rupi Tupàn Tuweharupi Wiko Ma'e uzapo ywy a'e. Uma'ekwaw paw rupi umuapyk ywak henaw rehe no.

Provérbios 3:19 ပူးပေါင်းရင်းမြစ်များ

Jó 38:4

Kwehe mehe azapo ywy ihe. Ma'e pe ereiko a'e 'ar mehe. Aze ereiko ma'e kwaw katu har romo, emume'u ko ma'e ihewe nehe.

Salmos 104:24

O Tupàn Tuweharupi Wiko Ma'e, erezapo ma'e tetea'u ne wà. Nema'ekwaw katu haw rupi erezapo ne wà. Ywy tynehem neremiapo kwer wapupe a'e.

Salmos 136:5

Uma'ekwaw katu haw rupi uzapo ywak kwehe mehe a'e. Ipuruamutar katu haw nupaw pixik kwaw nehe.

Provérbios 8:22

Tupàn Tuweharupi Wiko Ma'e heapo amogwer ma'e paw wapo 'ym mehe we a'e. Hemiapo kwer kwehe wera'u arer iapo 'ym mehe we heapo a'e.

Jeremias 10:12

Tupàn Tuweharupi Wiko Ma'e uzapo ywy upuner haw rupi. Uma'e kwaw katu haw pupe uzapo ywy paw rupi. Uma'e kwaw paw pupe upupirar ywak pàn teko izewànaw ài.

Jeremias 51:15

Tupàn Tuweharupi Wiko Ma'e uzapo ywy upuner haw rupi. Uma'ekwaw paw rupi uzapo ywy. Uma'e kwaw katu haw rupi umuzaiko ywak tàpuzràn ài.

João 1:3

Tupàn (zaneru) uzapo kar ma'e paw rupi katete izupe a'e. Xo Zaneruwihawete zo uzapo ma'e ywy rehe har a'e wà, uzapo ma'e ywak rehe har a'e wà no. Ni amo ae teko nuzapo kwaw ma'e izypy mehe a'e wà. Aze mo Zaneruwihawete nuzapo iwer ywy, a'e mehe mo naheta iwer mo ywy.