Provérbios 3:17 - Tupàn zeꞌeg

¹⁷ Ikatu wera'u waneko haw no. Wexak kar wanemiapo ràm paw wanupe no.

Provérbios 3:17 ပူးပေါင်းရင်းမြစ်များ

Salmos 112:1

Azeharomoete. Pemume'u Tupàn Tuweharupi Wiko Ma'e ikatu haw nehe. Hurywete Tupàn wi ukyze ma'e wà. Aze Tupàn ze'eg heruzar haw ikatu amo teko wanupe, hurywete a'e teko wà.

Salmos 119:103

Neze'eg hete katu tuwe a'e. Hete katu wera'u hàir wi.

Salmos 119:14

Herurywete wera'u neremiapo kar heruzar mehe. Ikatu wera'u ihewe temetarer tetea'u wi a'e.

Salmos 119:165

Neze'eg iamutar katu har ikàg a'e wà. Naheta kwaw ma'e a'e teko wamu'ar kar har wà.

Salmos 119:174

O Tupàn Tuweharupi Wiko Ma'e, aputar tuwe hepytywà àwàm ihe. Hepytywà pe nehe. Neze'eg inuromo aexak herurywete haw.

Salmos 119:47

Neremiapo kar hemurywete kar a'e, Ta'e azamutar katu ihe xe.

Salmos 25:10

Nutyryk kwaw wemiaihu wanuwi a'e. Wexak kar wanape ràm wanupe upuruamutar katu haw rehe, Aze a'e teko uzapo ma'e uze'eg Tupàn pe imume'u pyrer rupi wà, Aze weruzar ize'eg wà.

Salmos 37:11

Amo wanuwi wiko wera'u 'ym ma'e wiko putar katu haw rehe wà nehe, ywy imume'u pyrer rehe wà nehe. Hurywete putar wà nehe. Heta tetea'u putar ma'e wanupe nehe no. Wiko putar zeàmàtyry'ym 'ymaw rehe wà nehe.

Provérbios 16:7

Aze zanereko haw ikatu Tupàn pe, umuigo kar zaneàmàtyry'ymar zanemyrypar romo a'e wà.

Provérbios 2:10

Ereiko putar ma'e kwaw katu har romo nehe. Nema'e kwaw katu haw nemurywete kar putar nehe no.

Provérbios 22:18

Aze nema'enukwaw hehe nehe, nerurywete putar nehe. Aze eremume'u nehe, nerurywete putar nehe no.

Isaías 26:3

Ne Tupàn Tuweharupi Wiko Ma'e ne, eremur zeàmàtyry'ym 'ymaw urewe. Aze amo teko uzeruzar nerehe nehe, aze a'e re nanereityk kwaw nehe, eremuigo kar putar a'e teko zeàmàtyry'ym 'ymaw rehe nehe. Uhyk putar ima'e izupe nehe. Uhyk putar hemi'u izupe nehe no.

Isaías 57:19

Amono putar ze'eg hekatu haw rehe har ihe nehe uzai'o ma'e wazuru pe ihe nehe. Amume'u waàmàtyry'ym 'ym àwàm teko nànàn ihe, teko muite har wanupe, teko muite 'ymar wanupe no. Amukatu putar ihe wà nehe.

Lucas 1:79

Uzeruzar 'ym ma'e a'e wà, umàno ma'e kwer ài wanekon a'e wà, ipytunaw pupe wiko ma'e ài wanekon a'e wà. Tupàn umuhyape katu kar putar a'e tatainy zàwenugar wanupe a'e nehe. Zanemurywete kar putar a'e nehe, ta'e xiruzar ize'eg zane xe, i'i Zakari wa'yr pe.

Romanos 5:1

Ko 'ar rehe Tupàn zanemuawyze uzeupe a'e kury. A'e rupi nuzepyk kwaw zanerehe nehe, ta'e Zezuz Zaneruwihawete Zanezar umàno zanerekuzaromo a'e xe.