Provérbios 3:1 - Tupàn zeꞌeg

¹ Hera'yr, nereharaz zo hepurumu'e haw wi nehe. Nema'enukwaw katu hepureruze'egaw rehe tuweharupi nehe.

Provérbios 3:1 ပူးပေါင်းရင်းမြစ်များ

Salmos 119:11

Amonokatu neze'eg hepy'a pe, hehe hema'enukwaw katu pà. Nezewe mehe nazapo kwaw ikatu 'ym ma'e nekutyr ihe.

Salmos 119:153

O Tupàn, eme'e ma'erahy heremipuraraw rehe nehe. Hepytywà pe nehe, ta'e naityk kwaw neze'eg ihe xe.

Salmos 119:16

Neze'eg hemurywete kar a'e. Napytu'u kwaw neze'egaw rehe hema'enukwaw ire.

Salmos 119:176

Ata e aha teko àràpuhàràn hawitu ma'e ukàzym ma'e kwer ài. O Tupàn Tuweharupi Wiko Ma'e, aiko neremiruze'eg romo ihe. Ezur hepiaromo nehe, ta'e naheharaz kwaw neremiapo kar wi ihe xe.

Salmos 119:34

Ekwaw kar ma'e ihewe nehe. A'e mehe aruzar putar neze'eg nehe. Azapo putar ma'e neze'eg rupi katete herahy haw hepy'a pe nehe.

Salmos 119:61

Teko ikatu 'ym ma'e ipurupyhyk wer herehe wà, a'e rupi uzeagaw hepyhyk pà wà. Nezewe rehe we naheharaz kwaw neze'eg wi ihe.

Salmos 119:93

Naheharaz pixik kwaw nepurumu'e haw wi nehe, Ta'e eremonokatu hereko haw nepurumu'e haw rupi ne xe.

Salmos 91:16

Amono putar waneko haw ipukua'u ma'e wanupe wanemiapo kwer hekuzaromo nehe. Aexak kar putar wapyro har romo hereko haw wanupe nehe no, i'i Tupàn.

Êxodo 20:6

Aze amo heamutar katu wà nehe, aze weruzar heze'eg wà nehe, azamutar katu ta'yr ihe wà nehe, azamutar katu hemimino ihe wà nehe no. Azamutar katu putar izuapyapyr te 1.000 haw ihe wà nehe no.

Provérbios 1:8

Hera'yr, ezeapyaka katu neru ze'eg rehe nehe. Ezekaiw katu nehy ze'eg rehe nehe no.

Provérbios 16:31

Teko imunar 'ym ma'e upyhyk putar weko haw ipuku ma'e wemiapo kwer hekuzaromo wà nehe. Wa'aw xig ma'e nuzawy kwaw àkàg rehe har ipuner haw hexak kar haw wanupe nehe.

Provérbios 2:1

Hera'yr, ezemu'e heze'eg newe imume'u pyrer rehe nehe. Nereharaz zo ma'e newe heremiapo kar ràm wi nehe.

Provérbios 23:26

Hera'yr. Ezekaiw katu heze'eg rehe nehe. Tuwe nereko àwàm nuzawy kwaw hereko awer nehe.

Provérbios 31:5

I'u mehe na'ima'enukwaw kwaw tàmuz waze'eg rehe wà. Heharaz hemetarer 'ym ma'e wanehe uzekaiw paw wi wà.

Provérbios 4:2

Hepurumu'e haw ikatuahy a'e. A'e rupi, pema'enukwaw hepureruze'egaw rehe nehe.

Provérbios 4:21

Emunyryk kar pixik zo newi nehe. Nema'enukwaw hehe nehe. Ezamutar nehe no.

Provérbios 4:5

Ezeagaw ma'e kwaw katu haw ipyhyk pà nehe. Ezeagaw ma'e kwaw paw hereko pà nehe. Nereharaz zo heze'eg wi nehe. Etyryk zo heremimume'u kwer wi nehe.

Provérbios 8:1

Pezeapyaka katu nehe. Ma'e kwaw katu haw uhapukaz iko a'e. Ma'e kwaw paw penenoz iko wahy haw rupi no.

Provérbios 9:1

Ma'e kwaw katu haw uzapo wàpuz 7 izyta wanehe a'e.

Isaías 51:17

Eme'e, Zeruzarez, eme'e nepu'àm pà nehe. Tupàn Tuweharupi Wiko Ma'e u'u kar wekwahy haw peme win ài a'e. Pei'u ipupe paw rupi. Peka'u i'u re.

Jeremias 31:33

A'e 'ar ihem mehe azapokatu putar ko heze'egaw teko Izaew izuapyapyr wanehe we ihe nehe. Na'aw heze'eg: Amono putar heze'eg wama'enukwaw paw pupe ihe nehe, wapy'a pupe ihe nehe no. Aiko putar wazar romo nehe. Wiko putar heremiaihu romo wà nehe no. Ihe Tupàn Tuweharupi Wiko Ma'e aiko ko ma'e imume'u har romo ihe.

Oséias 4:6

Heremiaihu na'ipurukwaw wer kwaw herehe wà. A'e rupi uzemumaw waiko wà. Pe, xaxeto wà. Napepurukwaw wer kwaw herehe. Peneharaz heze'eg kwehe arer wi. A'e rupi napurumuawyze kwaw xaxeto romo herenataromo kury. Namuawyze kwaw pena'yr xaxeto romo ihe wà nehe no.

Deuteronômio 4:23

Peneharaz zo Tupàn Tuweharupi Wiko Ma'e Zanezar ize'eg awer penehe we hemiapo katu kwer wi nehe. Peruzar ize'eg nehe. Pezapo zo ma'e hagapaw penemimuwete ràm romo nehe.

Deuteronômio 4:9

A'e rupi pezekaiw peneko haw rehe nehe. Pezeruzar tuwe hehe nehe. Peneharaz zo penemixak kwer wi nehe. Pemume'u pena'yr wanupe nehe, penemimino wanupe nehe no.

Deuteronômio 5:16

Ezeruze'eg neru rehe nehe. Ezeruze'eg nehy rehe nehe no. Ta'e ihe nezar azapo kar nezewe haw newe ihe xe. Nezewe mehe eremumaw putar kwarahy tetea'u nereko pà nehe. Ywy newe heremimono rehe nereko àwàm ikatu putar nehe no.

Deuteronômio 5:33

Pehem pixik zo penape ràm peme hemixak kar kwer wi nehe. Nezewe mehe peneko haw ikatu putar peme tuweharupi nehe. Pemumaw putar kwarahy tetea'u ywy penemipyhyk ràm rehe nehe.

Deuteronômio 8:1

Uze'eg Moizez teko wanupe. — Peruzar tuwe Tupàn ze'eg kutàri peme heremimono nehe. Nezewe mehe peikuwe putar nehe. Peneta tetea'u wera'u putar nehe no. Tupàn Tuweharupi Wiko Ma'e umume'u ko ywy zaneipy wanupe. Peixe putar a'e ywy rehe nehe, ipyhyk pà nehe.