Provérbios 29:5 - Tupàn zeꞌeg

⁵ Aze amo uze'egatu e umyrypar wanehe, uzapo miar pyhykaw zàwenugar uzepyhyk kar àwàm a'e.

Provérbios 29:5 ပူးပေါင်းရင်းမြစ်များ

Jó 17:5

Nezewe i'i teko wà. — Aze amo uzapo ikatu 'ym ma'e umyrypar wanupe temetarer ipyhyk pà wà nehe, Iapo arer ima'uhez putar wà nehe, i'i wà.

Salmos 12:2

Teko paw hemu'em uzeupeupe wà. — Nekatuahy, i'i mua'u amo amo wanupe wà.

Salmos 36:2

— Aiko wera'u amo wanuwi ihe, i'i uzeupe. — Tupàn nuexak kwaw heremiapo kwer ikatu 'ym ma'e a'e nehe. Nuzepyk kwaw herehe nehe, i'i uzeupe.

Salmos 5:9

Ni amo nupuner kwaw waze'eg rehe uzeruzar haw rehe wà. Xo purumumaw paw rehe zo ima'enukwaw wà. — Nekatuahy, i'i mua'u amo pe wà. Hemu'em upytu'u 'ym pà wà. — Xiuka nehe, i'i wiwi uzeupe wà.

Provérbios 1:17

Aze wiràmiri ume'e iko nerehe a'e nehe, aze a'e 'ar mehe erezapo arapuk izupe nehe, nuixe pixik kwaw ipupe uzepyhyk kar pà a'e nehe.

Provérbios 20:19

Uze'eg zemueteahy tetea'u ma'e umuhàmuhàz ze'eg ikwaw pyr 'ym purupe. A'e rupi epyta muite uze'eg tetea'u ma'e wanuwi nehe.

Provérbios 26:28

Purehe iakatuwawahy 'ym ma'e ukutuk teko wemu'emaw pupe wà. Purehe ze'egatu e haw umur iaiw paw purupe.

Provérbios 28:23

Aze amo teko uzapo ikatu 'ym ma'e, emume'u hemiapo kwer izupe nehe. Eze'egatu e hemiapo kwer rehe nehe. Hemiapo kwer imume'u awer ikatu wera'u putar izupe hehe neze'egatu awer wi nehe.

Provérbios 7:21

Nezewe wagaw upuràg eteahy haw pupe. Ize'eg ikatu izupe.

Provérbios 7:5

Nemonokatu putar muite kuzàwyzài wanuwi a'e wà nehe. Agwer kuzà uze'egatu awa wanupe wamur kar pà upuhe a'e wà. Ma'e kwaw katu haw nemonokatu putar agwer kuzà wanuwi wà nehe.

Lamentações de Jeremias 1:13

'A ywate wi Tupàn umur kar amo tata urerehe. Ukaz urepupe. Uzapo puruzuka haw urepyhyk pà. Urereityk ywy rehe no. A'e re upuir urewi ma'erahy pupe urerezar pà. A'e ma'erahy nupaw kwaw.

Oséias 5:1

— Pezekaiw katu ko ze'eg rehe nehe, xaxeto wà. Pezeapyaka katu ko ze'eg rehe nehe, Izaew wà. Peinu katu ko ze'eg nehe, tuwihawete iànàm wà. Azepyk putar penehe nehe. Ta'e Mipa pe peiko tukaz miar zuka haw zàwenugar romo xe. Ywytyr Tamor rehe peiko kyhàhàm puruàpixipixi ma'e zàwenugar romo.

Romanos 16:18

Agwer teko nuzapo kwaw Zaneruwihawete hemiapo putar haw a'e wà. Uzapo wemiapo putar haw oho waiko wà. Puràg eteahy mua'u waze'eg wà. Uze'eg katuahy mua'u putar oho penehe wà nehe. Uzeruzar ma'e a'e wà, aze nukwaw katu kwaw Tupàn ze'eg a'e wà nehe, a'e mehe nukwaw kwaw hemu'em ma'e romo waneko haw a'e wà nehe.

1 Tessalonicenses 2:5

Ure nuruze'eg mua'u e kwaw nezewe peme ure no. — Kwa, pe Texaron pe har pe, ikatuahy ma'e romo peiko pe, nuru'e mua'u e kwaw peme. Ureze'eg awer azeharomoeteahy peme. Pekwaw ureremu'em 'ym awer. — Kwa, ximono'og putar temetarer tetea'u zane nehe, Tupàn ze'eg imume'u mehe zane nehe, nuru'e kwaw urezeupe. Tupàn ukwaw urepy'a a'e. Ukwaw ureze'eg awer ureremiapo kwer paw rupi no, pepyr urereko mehe arer no.

1 Samuel 18:23

Uze'eg oho Tawi pe wà. Uwazar Tawi wanupe. — Hemetarer 'ym ma'e romo aiko ihe. Ikàg 'ym ma'e romo no. Na'ikatu kwaw ikàg 'ym ma'e tuwihawete tazywen romo heko haw a'e, i'i Tawi tuwihaw wanupe.