Provérbios 27:24 - Tupàn zeꞌeg

²⁴ Ta'e neremetarer upaw putar amo 'ar mehe nehe. Neruwihawete umàno putar amo 'ar mehe nehe no xe.

Provérbios 27:24 ပူးပေါင်းရင်းမြစ်များ

2 Samuel 7:16

Awyzeharupi heta putar nezuapyapyr newe wà nehe. Nezuapyapyr nupytu'u pixik kwaw teko wanuwihawete romo wiko re wà nehe. Wiko putar wanuwihawete romo awyzeharupi wà nehe, ere Tawi pe nehe, i'i Tupàn Nàtà pe.

Jó 19:9

Tupàn o'ok heremetarer ihewi paw rupi. Teko tetea'u umume'u hekatu haw kwehe mehe wà. Tupàn umumaw hekatu haw imume'u haw.

Salmos 89:36

Tuweharupi heta putar izuapyapyr izupe wà hehe. Kwarahy ihyape mehe nehe, azekaiw katu putar izuapyapyr tuwihawete romo wiko ma'e wanehe ihe nehe.

Salmos 89:39

Erezuhaw neze'egaw neremiruze'eg rehe we neremiapo katu kwer. Ereityk iàkà rehe har tuwihawete romo hexakar haw ywy rehe.

Provérbios 23:4

Ezezuka zo nema'erekoahy pà nehe, hemetarer katu ma'e romo nezemuigo kar pà nehe.

Provérbios 23:5

Nema'enukwaw tetea'u zo temetarer rehe nehe. Neremetarer upuner ukàzymaw rehe na'arewahy nehe. Uzeapo putar ipepo hehe nehe. Uwewe putar muite wiràhu ài nehe.

Eclesiastes 5:13

Ko ywy rehe aexak ko ma'e purumuzemumikahy kar haw ihe. Amo teko omono'ogatu wemetarer imonokatu pà wà. A'e re upuraraw ma'erahy wemetarer rehe wà.

Isaías 9:7

Tuwihawete Tawi izuapyr a'e, Tuwihawete romo heko mehe ipuner haw uhua'u wera'u putar oho iko tuweharupi nehe. Naheta kwaw zeàmàtyry'ymawhu tuwihawete romo heko mehe nehe. Upureruze'eg putar ukatu haw rupi nehe. Upureruze'eg putar ukatuahy haw rupi nehe. Nezewe mehe teko wiko putar ikatu ma'e iapo har romo wà nehe. Izypy mehe nehe, tuweharupi nehe no. Tupàn Tuweharupi Wiko Ma'e Ikàg Wera'u Ma'e upuruamutar katu tuwe a'e. A'e rupi uzapo kar putar a'e ma'e paw a'e nehe.

Jeremias 13:18

Tupàn umume'u ko ma'e a'e no. — Eze'eg eho tuwihawete pe nehe, ihy pe nehe no. — Pewezyw tuwihawete henaw wi nehe. Ta'e peàkàg rehe har ipuràg eteahy ma'e tuwihawete romo peneko haw hexak kar haw u'ar peàkàg wi a'e xe.

Lamentações de Jeremias 5:16

Ni urekàgaw ipixika'i nupyta kwaw. Uruzapo ikatu 'ym ma'e ure. A'e rupi Tupàn umume'u urerehe uzepykaw a'e.

Ezequiel 21:26

Anuhem putar neàkàg rehe har newi nehe. Anuhem putar neàkàg iwànaw newi nehe no. Nereiko kwaw tuwihawete romo nehe. Hemetarer 'ym ma'e wiko putar upuner ma'e romo wà nehe. Tuwihaw wiko putar ikàg 'ym ma'e romo wà nehe.

Sofonias 1:18

A'e 'ar mehe aze heta parat teko wanupe nehe, aze heta or wanupe nehe, wanemetarer nupyro kwaw a'e teko Tupàn Tuweharupi Wiko Ma'e ikwahy haw wi wà nehe. Ikwahy haw nuzawy kwaw tata. Wapy ywy nànàn. Ukaz paw putar wà nehe. Ni amo nuhem kwaw izuwi wà nehe. Ta'e Tupàn umumaw putar teko ywy rehe har paw na'arewahy pitài 'ar mehe wà nehe xe.

Tiago 1:10

Uzeruzar ma'e hemetarer katu ma'e a'e wà no, aze wiko hemetarer 'ym ma'e ài wà nehe, tuwe hurywete wà nehe no. Ta'e ukàzym putar wà nehe xe, ka'a kyr iputyr ài wà nehe xe.

1 Samuel 13:14

Erepytu'u putar waneruze'eg ire nehe kury. Ta'e nereruzar kwaw Tupàn Tuweharupi Wiko Ma'e ne xe. A'e rupi Tupàn wekar putar amo ae awa wemimutar ràm a'e nehe. Umuigo kar putar a'e awa ko teko wanuwihawete romo a'e nehe, i'i Xamuew Xau pe.