Provérbios 26:18 - Tupàn zeꞌeg

^18-19 Amo hemu'em amo pe wà. — Xo zemaraz taw zo, i'i wanupe a'e re. Agwer teko nuzawy kwaw he'o ma'e takihepuku puruzuka haw rehe uzemaraz ma'e a'e wà.

Provérbios 26:18 ပူးပေါင်းရင်းမြစ်များ

Gênesis 49:23

Iàmàtyry'ymar uzàmàtyry'ym tuwe oho a'e wà. Uzàn haikweromo u'yw heraha pà uwyrapar heraha pà wà.

Provérbios 25:18

Amo wanehe hemu'em ma'e nuzawy kwaw takihepuku a'e. Nuzawy kwaw ywyra purunupà haw a'e. Nuzawy kwaw u'yw haime katu ma'e.

Provérbios 7:23

U'yw uzywà putar ma'ea'yr izà'à nehe. Nuzawy kwaw wiràmiri upyhykaw pupe wixe ma'e. Wiràmiri nukwaw kwaw umàno etea'i àwàm.

Isaías 50:11

Pe tata imunykar wà, pe u'yw ukaz ma'e hereko har wà, pe'ar putar tata penemimunyk pupe nehe. U'yw penemimuàgy'ygwer pekutuk putar pezuka pà a'e wà nehe. Tupàn Tuweharupi Wiko Ma'e umur kar putar ko zepykaw penehe nehe. Ma'erahy iaiwahy ma'e ipuraraw pàwàm penàro iko a'e.

Juízes 15:4

A'e rupi wekar awara tetea'u oho wà. Upyhyk 300 wà. Mokomokozgatu uzàpixipixi wanuwaz rehe wà. Uzàpixi ka'akyr wanuwaz wanehe pitàitàigatu wà no.