Provérbios 24:15 - Tupàn zeꞌeg

¹⁵ Ne awa iaiw ma'e. Epyta zo awa imunar 'ym ma'e hàpuz rehe neme'e re nehe. — Hemunar putar ima'e rehe nehe, ere zo nehe.

Provérbios 24:15 ပူးပေါင်းရင်းမြစ်များ

Salmos 140:5

Awa amo wanuwi wiko wera'u ma'e uzapo miar zuka haw zàwenugar hepyhyk pà wà. Umuzaiko kyhapari herape rupi wà. Omono hezuka àwàm heho àwàm rupi wà.

Salmos 37:32

Ikatu 'ym ma'e ume'e ikatu ma'e wanehe wà. Uzeagaw wazuka haw rehe wà.

Salmos 56:6

Uzeàmim muite teko wanuwi uzemono'og pà wà. Ume'e heremiapo rehe wà. Hezuka haw 'ar wàro waiko wà.

Salmos 59:3

O Tupàn Tuweharupi Wiko Ma'e, eme'e kury. Heràro herereko hezuka àwàm rehe a'e wà. Awa purupe ma'erahy ipuraraw kar har uzemono'og waiko hezuka àwàm imume'u pà wà. Nazapo kwaw ikatu 'ym ma'e wanupe hezezuka kar pà ihe. Nazezuka kar kwaw teko wanupe heaiw paw hekuzaromo.

Provérbios 1:11

Nezewe uze'eg putar ru'u newe nehe. — Ezur ty, xiuka amo zane wà nehe ty, i'i putar newe wà nehe. — Zazemurywete kar teko ikatu ma'e wàmàtyry'ym pà nehe.

Provérbios 22:28

Kwehe mehe neipy umupu'àm ywyzaw hexak kar haw imono ywy rehe wà. Emunyryk kar zo a'e hexak kar haw henaw wi nehe.

Isaías 32:18

Heremiaihu wiko putar ywy ikatu ma'e rehe ukyze 'ym pà wà nehe. Paw rupi wiko putar uzeàmàtyry'ym 'ym pà wà nehe. Wiko putar wàpuz me ukyze 'ym pà wà nehe.

Jeremias 11:19

Nazawy kwaw àràpuhàràn hawitu ma'e hehaite 'ym ma'e uzezuka haw pe heraha pyr ihe. Umume'u ikatu 'ym ma'e ihewe wemiapo ràm waiko wà. Nakwaw kwaw wanemimume'u ihe. Nezewe i'i wà. — Ximonohok ywyra heityk pà ikàg mehe we nehe. Xiuka Zeremi nehe. Nezewe mehe teko na'ima'enukwaw pixik kwaw hehe wà nehe.

Mateus 26:4

Uze'eze'eg tuwihaw uzeupeupe wà, Zezuz ipyhyk àwàm izuka àwàm imume'u pà wà. — Naxipyhyk kar kwaw Zezuz teko wanuwa rupi zane nehe, i'i uzeupeupe wà.

Atos 23:16

Amo awa a'e pe hekon a'e, Pawru i'ir romo hekon a'e. Wenu tuwe waze'eg. A'e mehe wixe zauxiapekwer hàpuzuhu pe kury, Pawru pe uze'eg pà kury, weminu kwer imume'u pà izupe kury.

Atos 25:3

— Erur kar Pawru xe Zeruzarez pe nehe, i'i izupe wà. Ta'e ipuruzuka wer hehe iata mehe wà xe. — Aze zauxiapekwer werur wà nehe, xiuka pe rupi iata mehe zane nehe, i'i uzeupeupe wà. (Numume'u kwaw izuka àwàm tuwihaw pe wà.)

Atos 9:24

Amo uze'eg wà izupe. — Nezuka putar wà nehe ty, i'i izupe. Tuweharupi zutew a'e wà, 'aromo pyhaw a'e wà, ume'e waiko pàrirogaw ruken huwake wà. — Aze ukwaw ko rupi nehe, xiuka nehe, i'i izupe wà.