Provérbios 24:11 - Tupàn zeꞌeg

¹¹ Aze màno haw weraha amo hereko nehe, ezeagaw a'e teko ipytywà pà nehe.

Provérbios 24:11 ပူးပေါင်းရင်းမြစ်များ

Jó 29:17

Amumaw imunar ma'e wapuner haw. Apyro wanemipyhyk kwer wà no, wapoàpe wi wà no.

Salmos 82:4

Pepytywà ikàg 'ym ma'e pe wà nehe. Pepytywà hemetarer 'ym ma'e pe wà nehe no. Pepyro a'e teko teko ikatu 'ym ma'e wanuwi pe wà nehe.

Salmos 88:15

Hekwàkwàmo romo hereko mehe arer we apuraraw ma'erahy ihe. Màno haw huwake ata aha. Hekene'o herehe nezepyk awer ipuhuz taw rehe.

Atos 16:28

Pawru uze'eg wahyhawa'u izupe kury. -Nan kwaw ty, ezemugaz zo ty, aiko uruikuwe xe ure paw rupi ure ty, i'i izupe.

Atos 18:17

Na'e zutew a'e wà, upyhyk Xoz heraha tuwihaw Kar her ma'e huwa rupi wà. Upetepetek huwake wà. Nuzekaiw kwaw tuwihaw wanemiapo rehe a'e.

Atos 23:10

Uzeàmàtyry'yry'ym a'e pe wà kury. — Aze ru'u uzuka putar Pawru a'e wà nehe, ipei'ài'àg pà a'e wà nehe, i'i zauxiapekwer wanuwihaw uzeupe. A'e rupi omono kar zauxiapekwer teko wamytepe wà, Pawru henuhem kar pà wamyter wi wà. — Peraha penàpuzuhu pupe nehe ty wà, (ta'e nupuner kwaw izuka haw rehe penàpuz me a'e wà nehe xe), i'i wanupe. (Wenuhem heruwà wà.)