Provérbios 19:8 - Tupàn zeꞌeg

⁸ Ma'e kwaw katu haw hekar har uzamutar weko haw a'e. Aze amo ima'enukwaw katu ma'e iapo 'ym mehe we nehe, wexak putar turywete haw nehe.

Provérbios 19:8 ပူးပေါင်းရင်းမြစ်များ

Salmos 19:11

Hezar, nepurumu'e haw umur ma'e kwaw paw ihewe. Aiko neremiruze'eg romo. Erezapo ikatu ma'e ihewe, aze aruzar neze'eg ihe.

Provérbios 16:20

Aze amo uzekaiw upurumu'e haw rehe nehe, heko haw ikatu putar nehe. Aze amo uzeruzar Tupàn Tuweharupi Wiko Ma'e rehe nehe, hurywete putar nehe.

Provérbios 17:16

Iranaiw ma'e upuner wemetarer imono haw rehe ma'e kwaw katu haw imekuzar pà. Omono e wemetarer. Nukwaw pixik kwaw ma'e a'e.

Provérbios 19:9

Aze amo hemu'em tuwihaw wanenataromo, uzepyk hehe wà. Uzuka kar azeharomoete wà.

Provérbios 22:18

Aze nema'enukwaw hehe nehe, nerurywete putar nehe. Aze eremume'u nehe, nerurywete putar nehe no.

Provérbios 3:18

Ma'e kwaw katu har romo uzeapo ma'e kwer hurywete wà. Ma'e kwaw katu haw umuigo kar tuwe wà no.

Provérbios 3:21

Hera'yr, ereko ma'e kwaw katu haw tuweharupi nehe. Ekwaw katu ma'e tuweharupi nehe no. Emuhem kar pixik zo nezewi ne wà nehe.

Provérbios 3:22

Nemuigo kar putar wà nehe. Umur putar nereko katu haw newe wà nehe. Nerurywete putar nehe.

Provérbios 4:21

Emunyryk kar pixik zo newi nehe. Nema'enukwaw hehe nehe. Ezamutar nehe no.

Provérbios 4:4

Heru hemu'e hekwarer mehe. — Nema'enukwaw heze'eg rehe nehe, i'i ihewe. — Nereharaz pixik zo izuwi nehe. Ezapo ma'e heze'eg rupi nehe. A'e mehe ereiko putar nehe.

Provérbios 4:6

Etyryk zo ma'e kwaw katu haw wi nehe. Nezewe mehe uzekaiw putar nerehe nehe. Ezamutar katu ma'e kwaw katu haw nehe. Nezewe mehe umukatu nereko haw nehe.

Ezequiel 36:26

Amono putar py'a ipyahu ma'e peme nehe. Amono putar tekwe ipyahu ma'e pepupe nehe no. Azo'ok putar pepy'a ita zàwenugar hereruzar 'ymar pewi nehe. Amono putar py'a ikatu ma'e hereruzar har peme nehe.

João 12:25

— Xo heremiapo putar haw zo azapo putar tuweharupi nehe, aze i'i teko nehe, wiko e putar tuweharupi nehe. Umumaw e putar weko haw nehe. Nazapo kwaw heremiapo putar haw ihe nehe. Xo Tupàn hemiapo putar haw zo azapo putar nehe, aze i'i teko nehe, umurywete kar putar uzar Tupàn nezewe mehe nehe. A'e ae wiko putar Tupàn pyr tuweharupi nehe. Tupàn umurywete kar putar a'e wemiruze'eg tuweharupi a'e nehe no.

João 14:21

Aze amo uzeruzar heze'eg rehe a'e nehe, aze weruzar heze'eg a'e nehe no, a'e ae heamutar katu har romo hekon a'e nehe. Aze amo heamutar katu a'e nehe, heru uzamutar katu a'e teko a'e nehe no. Azamutar katu putar a'e heamutar katu har ihe nehe no. Azekwaw katu kar putar izupe ihe nehe no.

1 Pedro 3:10

Nezewe i'i Tupàn ze'eg kwehe arer a'e. Aze awa heko wer hurywete ma'e romo nehe, Aze uputar weko àwàm ikatu ma'e nehe, Tuwe nuze'eg zemueteahy kwaw amo wanehe nehe, amo wanupe nehe. Tuwe upytu'u wemu'em ire nehe.