Provérbios 19:7 - Tupàn zeꞌeg

⁷ Teko uze'eg zemueteahy te uwywyr rehe wà, aze tywyr wiko hemetarer 'ym ma'e romo. A'e rupi, aze imyrypar utyryk izuwi, nazanepytuhegatu kwaw. Ikene'o umyrypar wanekar mehe. Nuzekaiw kwaw hehe wà.

Provérbios 19:7 ပူးပေါင်းရင်းမြစ်များ

Salmos 38:11

Hemyrypar nuhem kwaw heruwake a'e wà, Ta'e hepereperew ihe xe. Te heànàm utyryk ihewi wà.

Salmos 38:12

Herehe ipuruzuka wer ma'e uzapo hepyhyk àwàm wà, hepyhyk pà wà. Herehe ipurukutuk wer ma'e umume'u heaiw àwàm ihewe wà. Nupytu'u kwaw ikatu 'ym ma'e ihewe iapo àwàm rehe uma'enukwaw pà wà.

Salmos 88:18

Eremunyryk kar hemyrypar ihewi ne wà. Utyryk heruwake wiko ma'e ihewi wà no. Xo ipytunahy haw zo heta ihewe kury.

Salmos 88:8

Eremunyryk kar hemyrypar ihewi ne wà. Hemuro kar pe wanupe no. Aiko imunehew pyrer uhemaw rehe upuner 'ym ma'e ài.

Provérbios 10:15

Wanemetarer uzekaiw uzar hemetarer katu ma'e wanehe a'e. Temetarer heta 'ymaw umumaw hemetarer 'ym ma'e a'e.

Provérbios 14:20

Teko nuzekaiw kwaw hemetarer 'ym ma'e wanehe wà. Te wanuwake wiko ma'e nuzekaiw kwaw wà. Heta tetea'u hemetarer katu ma'e wamyrypar wà.

Provérbios 18:23

— Aipo apuner heze'egaw rehe, i'i hemetarer 'ym ma'e. Hemetarer katu ma'e uwazarahy amo ize'eg izupe.

Provérbios 19:4

Hemetarer katu ma'e uzapo teko tetea'u umyrypar romo wà. Hemetarer 'ym ma'e imyrypar naheta tete kwaw wà. Nezewe rehe we imyrypar utyryk izuwi wà.

Provérbios 21:13

Aze hemetarer 'ym ma'e uhapukaz uma'uhez taw wi nehe, aze amo na'ipurenu wer kwaw hehe nehe, amo 'ar mehe a'e ae uhapukaz putar a'e nehe no. Ni amo nuenu kwaw wà nehe no.

Provérbios 27:10

Epyro zo nemyrypar wi nehe, ni neru imyrypar wi nehe no. Aze ereiko zawaiw paw inuromo, — Hepytywà pe nehe, ere zo nerywyr pe nehe. Neruwake wiko ma'e ikatu wera'u newe nerywyr muitea'u har wi a'e.

Tiago 2:6

Pe no ty wà. Napemuawate kwaw hemetarer 'ym ma'e pe wà. Hemetarer katu ma'e uzapo ikatu 'ym ma'e peme a'e wà, tuwihaw wanuwa rupi peneraha pà a'e wà. Màràzàwe tuwe pemuawate katu hemetarer katu ma'e pe wà. Na'ikatu kwaw peme wà.