Provérbios 19:3 - Tupàn zeꞌeg

³ Ma'e kwaw 'ymaw umu'ar kar teko iaiw paw pupe wà. Nezewe rehe we, — Tupàn Tuweharupi Wiko Ma'e uzapo ikatu 'ym ma'e ihewe a'e, i'i a'e teko wà.

Provérbios 19:3 ပူးပေါင်းရင်းမြစ်များ

2 Reis 6:33

Uhem tuwihawete a'e pe Erizew huwake a'e, tuwihaw wanupe ize'eg mehe we a'e. Uze'eg tuwihawete kury. — Tupàn Tuweharupi Wiko Ma'e umu'ar kar ko iaiw paw zanerehe a'e. Màràzàwe tuwe àro ikatu haw hereko ihe, i'i izupe.

Jó 15:13

Màràzàwe tuwe ereàmàtyry'ym Tupàn. Màràzàwe tuwe erekwahy Tupàn pe. Màràzàwe tuwe eremume'u hemiapo kwer ikatu 'ymaw.

Salmos 37:1

Nema'enukwawahy zo ikatu 'ym ma'e wanehe nehe. Ikatu 'ym ma'e iapo har wanehe nerewyrowyroahy zo nehe.

Salmos 37:7

Aze amo wiko hemetarer katu ma'e romo wà nehe, eikwahy zo wanupe nehe. Nerewyrowyroahy zo ikatu 'ym ma'e rehe ipurapo wer ma'e wanehe nehe, aze uzapo a'e ma'e wà nehe. Eàrogatu uzeapo ma'e ràm nehe. Ta'e Tupàn Tuweharupi Wiko Ma'e uzepyk putar wanehe nehe.

Provérbios 11:3

Ma'e rehe imunar 'ymaw weruze'eg teko ikatu ma'e wà. Imunar ma'e wakatu 'ymaw uzeapo wamuaiw kar haw romo.

Isaías 32:6

Hemu'em ma'e umume'u temu'emaw a'e. Tuweharupi ima'enukwaw wemiapo ràm iaiw ma'e rehe. Hemu'em Tupàn Tuweharupi Wiko Ma'e rehe no. Uzapo ma'e Tupàn pe iro ma'e oho iko. Nomono kwaw temi'u ima'uhez ma'e wanupe. Nomono kwaw 'y iziwez ma'e wanupe a'e no.

Lamentações de Jeremias 3:39

Aze Tupàn uzepyk zanerehe zaneremiapo kwer hekuzaromo a'e, màràzàwe tuwe zaze'eg zemueteahy zanereko haw rehe.

Ezequiel 18:25

Nezewe rehe we peze'eg nezewe ihewe. — Ne urezar Tuweharupi Wiko Ma'e ne, neremiapo na'ikatu kwaw, peze peiko ihewe. Peinu katu ko heze'eg nehe, Izaew izuapyapyr wà. Heremiapo na'ikatu kwaw peme. Pezawy peiko. Penemiapo na'ikatu kwaw.

1 Samuel 13:13

— Iranaiw ma'e ài ereiko, i'i Xamuew. — Nereruzar kwaw Tupàn Zanezar ze'eg awer. Aze mo ereruzar, a'e mehe mo ne, nezuapyapyr mo a'e wà no, wiko mo Izaew wanuwihawete romo tuweharupi a'e wà, awyze harupi mo wà.

1 Samuel 15:23

Tupàn ze'eg heruzar 'ymaw a'e, nuzawy kwaw tekwe ikatu 'ym ma'e wamuwete katu haw Tupàn henataromo. Zanereko wera'u haw nuzawy kwaw tupàn a'ua'u wamuwete katu haw izupe. Iro Tupàn pe. Tupàn Tuweharupi Wiko Ma'e naneputar kwaw tuwihawete romo a'e kury. Ta'e nereruzar kwaw ize'eg awer ne xe, i'i Xamuew izupe.