Provérbios 19:15 - Tupàn zeꞌeg

¹⁵ Iranahy ma'e uker tetea'u ma'e ima'uhez putar iahykaw rehe.

Provérbios 19:15 ပူးပေါင်းရင်းမြစ်များ

Provérbios 23:21

Ta'e uka'u ma'e a'e wà xe, wiko uker pà a'e wà xe. Umai'u tetea'u ma'e wiko nezewegatete har romo a'e wà no. Iahykaw rehe wanemetarer upaw putar nehe. Xo pàn imu'i pyrer umunehew ukamir romo a'e mehe wà nehe.

Provérbios 20:13

Aze eremumaw ne'ar neker pà nehe, iahykaw rehe ereiko putar hemetarer 'ym ma'e romo nehe. Ema'ereko nehe. A'e mehe neremi'u ràm uhyk putar tuwe newe nehe.

2 Tessalonicenses 3:10

Pepyr urereko mehe we, ko ze'eg urumume'u peme. — Aze teko na'ima'ereko wer kwaw nehe, a'e mehe pemono zo temi'u izupe nehe.

Provérbios 24:33

Ekeekera'i nehe. Emuzekumàn nezywa nehe no. Epytu'u wewer nehe no.

Efésios 5:14

Aze zazeruzar Zaneruwihawete rehe nehe, zaiko putar 'aromo wata ma'e ài nehe. A'e rupi Tupàn i'i nezewe a'e, uze'eg imuapyk kar pà pape rehe a'e. Pe uker ma'e pe. Peme'e nehe. Pepu'àm pemàno haw wi pekweraw pà nehe A'e mehe Zaneruwihawete uhyape katu putar penehe a'e nehe.

Isaías 56:10

Heremiaihu wanehe uzekaiw ma'e nahehàpyhà kwaw wà. Nuexak kwaw ma'e wà. Paw rupi nuzawy kwaw zawar uze'eg 'ym ma'e wà. Wiko zawar heihemaw rehe upuner 'ym ma'e ài wà. Tuweharupi u'ar uker pà wà. A'e uzekaiw ma'e iranahy wà. Uker tuweharupi wà. Upuahu tetea'u wà no.

Provérbios 19:24

Amo iranahy ma'e na'ipurumur wer kwaw te wemi'u ràm rehe uzuru pupe wà. — Ipuhuz katu, i'i uzeupe wà.

Provérbios 31:27

Na'iranahy pixik kwaw. Uzekaiw wànàm wanehe tuweharupi.

Provérbios 6:11

Iker mehe we hemetarer 'ymaw ur putar izupe imunar ma'e takihe herur har ài nehe.

Provérbios 18:9

Uma'ereko ma'e upytu'u tetea'u ma'e a'e, wiko ikatu ma'e ihaw par hehe we har romo a'e.

Provérbios 22:13

Iranahy ma'e upyta wàpuz me. — Aze ahem nehe, zàwàruhu hepyhyk putar nehe, i'i mua'u uzeupe.