Provérbios 17:7 - Tupàn zeꞌeg

⁷ Zawaiw katu iranaiw ma'e ikatu ma'e imume'u haw a'e. Awa purenataromo ikatu ma'e a'e, zawaiw katu wera'u hemu'emaw imume'u haw.

Provérbios 17:7 ပူးပေါင်းရင်းမြစ်များ

2 Samuel 23:3

Tupàn Izaew wazar uze'eg. Izaew wanehe uzekaiw ma'e uze'eg ihewe. Tuwihawete katu haw rupi pureruze'eg ma'e a'e, Tupàn hemimutar iapo pà pureruze'eg mehe a'e,

Jó 34:12

Azeharomoete Tupàn upuner wera'u ma'e nuzapo kwaw ikatu 'ym ma'e a'e. Nuzapo kwaw ikatu 'ym ma'e teko wanupe.

Salmos 31:18

Hemu'em ma'e romo wanekon a'e wà. Tuwe nuze'eg wi kwaw wà nehe. — Aiko wera'u amo wanuwi ihe, i'i wà. — Aiko ikàg wera'u ma'e romo pewi ihe, i'i wà. Uze'eg zemueteahy teko Tupàn heruzar har wanehe wà.

Provérbios 12:19

Temu'emaw upaw na'arewahy. Ze'eg azeharomoete har wikuwe putar tuweharupi nehe.

Provérbios 12:22

Hemu'em ma'e iro Tupàn Tuweharupi Wiko Ma'e pe wà. Uzamutar katu ze'eg azeharomoete har imume'u har wà.

Provérbios 19:10

Na'ikatu kwaw iranaiw ma'e temetarer tetea'u inuromo waneko haw. Aze uma'ereko ma'e weruze'eg tuwihaw wà, nezewe haw na'ikatu kwaw.

Provérbios 24:7

Ma'e kwaw katu har ze'eg xirogatu ma'e nuzawy kwaw 'y typya'u ma'e a'e. Iranaiw ma'e nupuner kwaw ikwaw paw rehe wà. Aze teko uze'eze'eg tuwe ma'e rehe wà, iranaiw ma'e numume'u kwaw ma'e wà, ta'e nukwaw kwaw ma'e a'e wà xe.

Provérbios 26:1

Aipo àmàn ukyr aroz ipo'o haw 'ar rehe. Nan. Aipo àmàntàtà iku'i kwer ukyr kwarahy haku mehe. Nan. Nezewegatete eze'egatu e zo iranaiw ma'e rehe nehe.

Provérbios 26:7

Ze'eg xirogatu ma'e iranahy ma'e hemimume'u kwer nuzawy kwaw ipàri ma'e hetymà.

Provérbios 29:12

Aze tuwihaw uzekaiw temu'emaw rehe, ipytywà har paw uzeapo ikatu 'ym ma'e romo wà.

Mateus 7:5

Ne Tupàn heruzar mua'u har romo ereiko ne. Ezo'ok ywyra uhua'u ma'e nereha pe har ràgypy nehe. Xo a'e mehe zo erepuner ma'e hexak katu haw rehe nehe. A'e rupi erepuner a'e pixika'i ma'e i'okaw rehe nerywyr heha wi nehe.