Provérbios 16:15 - Tupàn zeꞌeg

¹⁵ Tuwihawete hurywete mehe numàno kwaw teko wà. Ikatu haw nuzawy kwaw àmàn ikyr haw ipy.

Provérbios 16:15 ပူးပေါင်းရင်းမြစ်များ

Salmos 21:6

Neze'egatu hehe tuz putar tuweharupi nehe. Hehe we nereko haw umurywete kar tuwe a'e.

Salmos 30:5

Neremumaw kwaw 'ar tetea'u nekwahy pà ne. Nekatu haw nupytu'u pixik kwaw. Amo upuner pytun gatu imumaw paw rehe uzai'o pà ma'e rehe a'e wà. Iku'em mehe ur wi hurywete haw.

Salmos 4:6

Heta tetea'u teko ko ma'e imume'u har wà. — Emur wi neze'egatu urerehe nehe, Tupàn Tuweharupi Wiko Ma'e. — Ikatu ma'e, ere urewe urerehe neme'e mehe nehe, i'i izupe wà.

Salmos 72:6

Tuwe tuwihawete nuzawy kwaw àmàn ko rehe ukyr ma'e nehe. Tuwe nuzawy kwaw àmàn yrykaw romo uzeapo ma'e kwer nehe. Umukatu ywy a'e.

Provérbios 16:14

Aze tuwihawete wikwahy, amo umàno ru'u wà. Ma'e kwaw katu har umupytu'u kar ikwahy re.

Provérbios 19:12

Tuwihawete ikwahy haw nuzawy kwaw zàwàruhu iriàw ikororo haw. Ikatu haw nuzawy kwaw zuwiri ka'api'i rehe har.

Provérbios 29:26

Teko paw ipurumurywete kar wer tuwihaw wanehe wà. Tupàn Tuweharupi Wiko Ma'e omono putar wanemiapo kwer hekuzar teko nànàn nehe.

Oséias 6:3

Tuweharupi xiruzar wera'u Tupàn Tuweharupi Wiko Ma'e nehe, imuwete katu wera'u pà nehe. Kwarahy uhem tuweharupi azeharomoete a'e. Nezewegatete ur putar zanepytywà pà nehe no. Àmàn 'ar mehe ukyr àmàn ywy rehe azeharomoete. Nezewegatete Tupàn ur putar a'e nehe, i'i Izaew uzeupeupe wà.

Zacarias 10:1

— Emugyr kar àmàn i'ar rehe nehe, haku haw 'ar ihem 'ym mehe we nehe, peze Tupàn Tuweharupi Wiko Ma'e pe nehe. Ta'e a'e ae umur kar ywàkun a'e xe. Ta'e a'e ae umugyr kar àmàn a'e xe. Nezewe umuezuz katu kar ma'e ko pe. A'e rupi heta putar ma'e ipo'o pyràm penemi'u ràm peme nehe.

Atos 2:28

Ta'e hemu'e pe tekuwe haw pe pureraha ma'e rehe ne xe. A'e hepyr nereko haw hemynehem herurywete haw pupe a'e, i'i Tawi ze'eg kwehe arer imume'u pà a'e.