Provérbios 15:19 - Tupàn zeꞌeg

¹⁹ Iranahy ma'e uwàxi zawaiw paw ywy nànàn wà. Ikatu ma'e heko haw nazawaiw katu kwaw.

Provérbios 15:19 ပူးပေါင်းရင်းမြစ်များ

Salmos 25:12

Tupàn wi ukyze ma'e wà nehe, Uzemu'e putar wape ràm Tupàn inuromo wà nehe.

Salmos 27:11

O Tupàn Tuweharupi Wiko Ma'e, hemu'e pe neremimutar iapo haw rehe nehe. Hemuata kar pe ikatu ma'e rupi nehe, Ta'e heta tetea'u heàmàtyry'ymar a'e wà xe.

Salmos 5:8

O Tupàn Tuweharupi Wiko Ma'e, hepytywà pe neremiapo putar haw iapo mehe nehe. Emukatu nerape ihewe nehe. Tuwe heàmàtyry'ymar wexak nereko haw herehe we wà nehe.

Provérbios 11:5

Imunar 'ymaw umukatu ikatu ma'e waneko haw. Ikatu 'ym ma'e werur iaiw ma'e uzeupe wà.

Provérbios 15:18

Na'arewahy wikwahy ma'e wà, werur xiroxiroahy haw tuweharupi wà. Wikwahy 'ym ma'e werur zeàmàtyry'ym 'ymaw wà.

Provérbios 15:20

Kwàkwàmo ma'e kwaw katu har umurywete kar u a'e. Ma'e kwaw 'ymar nuzekaiw kwaw uhy rehe.

Provérbios 22:13

Iranahy ma'e upyta wàpuz me. — Aze ahem nehe, zàwàruhu hepyhyk putar nehe, i'i mua'u uzeupe.

Provérbios 22:5

Heta puruzuka haw teko ikatu 'ym ma'e wanape rupi. Zawaiw katu wata haw. Aze amo heko wer nehe, utyryk putar wanuwi nehe.

Provérbios 26:13

Iranahy ma'e upyta wàpuz me. Uze'eg nezewe. — Aze ahem nehe, zàwàruhu hepyhyk putar nehe, i'i uzeupe.

Provérbios 3:6

Wyzài ma'e iapo mehe nema'enukwaw Tupàn rehe nehe. A'e mehe wexak kar putar neho àwàm ikatu ma'e newe nehe.

Provérbios 6:6

Iranahy ma'e. Ezemu'e eho tahyw wanehe neme'e pà nehe.

Provérbios 8:9

Ma'e kwaw katu har ukwaw katu ma'e paw a'e. Ma'emume'u awer tetea'u henu katu har ukwaw katu ma'e a'e. Nazawaiw kwaw ikwaw paw izupe.

Isaías 30:21

Aze pehem penape wi nehe, aze peawyze har kutyr peho nehe, aze peahur kutyr peho nehe, peinu putar Tupàn penaikweromo ize'eg mehe nehe. — Na'aw pe ikatu ma'e xe. Peata hupi nehe, i'i putar peme nehe.

Isaías 35:8

Heta putar pe a'e pe nehe. — Ikatuahy haw, i'i putar teko a'e pe henoz pà wà nehe. Ikatu 'ym ma'e nuwata kwaw a'e pe rupi wà nehe. Tupàn hemiaihu wiko a'e pe izar romo wà. Te ma'e ikwaw katu 'ymar upuner putar hupi wata haw rehe uzeàmim 'ym pà wà nehe.

Isaías 57:14

Tupàn Tuweharupi Wiko Ma'e uze'eg nezewe. — Pemuàgà'ym pe heremiaihu waho àwàm nehe. Pemuhygatu wanape ràm nehe. Nezewe mehe heremiaihu upuner putar ihewe uzewyr haw rehe wà nehe, i'i Tupàn.