Provérbios 13:4 - Tupàn zeꞌeg

⁴ Iranahy ma'e upuner ma'e iputarahy haw rehe. Nezewe rehe we nupyhyk kwaw nehe. Uma'ereko katu ma'e upyhyk wemimutar.

Provérbios 13:4 ပူးပေါင်းရင်းမြစ်များ

Gênesis 26:32

A'e 'ar mehe we Izak pe uma'ereko ma'e uhem wà uzar pe uze'eg pà wà. — Uruexak 'y ywykwar ipyahu ma'e pupe ure kury, ureremiapo romo kwer pe ure kury, i'i izupe wà.

Salmos 92:14

Utua'uhez mehe i'a wi wi putar wà nehe. Tuweharupi ikàg putar wà nehe. Tynehem putar ukàgaw pupe wà nehe.

Provérbios 10:4

Iranahy ma'e wiko hemetarer 'ym ma'e romo. Uma'ereko katu ma'e wiko hemetarer katu ma'e romo.

Provérbios 11:25

Amo wanupe ma'e me'egar waneko haw ikatu. Aze amo upytywà amo nehe, amo upytywà putar a'e purupytywà ma'e kwer nehe no.

Provérbios 12:11

Heta tetea'u putar temi'u ywy rehe ma'eà'yz itymar pe nehe. Aze amo umumaw weko haw uma'ereko e pà a'e, a'e teko wiko ma'e kwaw katu 'ym ma'e romo a'e.

Provérbios 12:24

Awa uma'ereko katu ma'e wiko putar amogwer wanuwihaw romo wà nehe. Iranahy ma'e wiko putar amo pe uma'ereko e ma'e romo nehe.

Provérbios 12:27

Iranahy ma'e nupyhyk kwaw wemimutar. Awa uma'ereko katu ma'e hemetarer katu putar nehe.

Provérbios 13:3

Uze'eg rehe uzekaiw ma'e wiko weko haw imonokatu har romo wà. Uze'eg tetea'u ma'e uzemumaw wà.

Provérbios 13:5

Awa hemu'em 'ym ma'e na'iakatuwawahy kwaw temu'emaw rehe wà. Ikatu 'ym ma'e umume'u iaiw ma'e wà. Umume'u maranugar haw wà no.

Provérbios 20:4

Uma'ereko ma'e iranahy ma'e a'e, aze nuweruwaruwak kwaw uiwy i'ar mehe, nopo'o kwaw ma'e nehe.

Provérbios 21:25

Iranahy ma'e a'e, umàno ma'e tetea'u iputar pà a'e, ta'e na'ima'ereko wer kwaw wikuwe mehe a'e xe.

Provérbios 21:5

Aze amo ima'enukwaw katu wemiapo ràm rehe, uhyk tuwe putar ma'e izupe nehe. Aze amo uzapo ma'e uma'enukwaw 'ym pà nehe, iahykaw rehe hemi'u nuhyk kwaw izupe nehe.

Provérbios 24:30

Ata aha iranahy ma'e iko myteromo ihe, ima'ywa tyw rupi ihe.

Provérbios 24:31

Heta tetea'u xu a'e pe. Ka'a upyk ma'etymaw paw. Pàrirogaw ita iapo pyrer uzekazeka a'e no. Ita u'au'ar ywy rehe.

Provérbios 26:13

Iranahy ma'e upyta wàpuz me. Uze'eg nezewe. — Aze ahem nehe, zàwàruhu hepyhyk putar nehe, i'i uzeupe.

Provérbios 28:25

Ma'e tetea'u iputarahy har umuzeapo kar ikatu 'ymaw tuweharupi a'e wà. Tupàn Tuweharupi Wiko Ma'e rehe uzeruzar ma'e wiko katu putar wà nehe.

Provérbios 6:6

Iranahy ma'e. Ezemu'e eho tahyw wanehe neme'e pà nehe.

Provérbios 8:34

Henu har hurywete putar wà nehe. heràpuz ukenaw rehe upyta ma'e wà, heràpuz pupe wixe àwàm hàro har wà.

Cânticos dos Cânticos 5:3

Anuhem heropoz kwez ihe. Aipo amunehew wi putar nehe. Azepyez kwez. Màràzàwe tuwe amuaiw wi putar nehe.

Isaías 58:11

Ihe Tupàn Tuweharupi Wiko Ma'e ihe, tuweharupi aexak kar putar peho àwàm peme nehe. Te ywyxiguhu rehe amono putar penemi'u ràm peme nehe no. Apumukatu putar nehe. Apumukàg kar putar nehe no. Peiko putar ma'etymaw 'y tetea'u heta haw ài nehe. Peiko putar ytyzuzàmaw ài nehe. 'Y nupytu'u kwaw izuwi uwyryk ire.

Números 23:10

Zako izuapyapyr nuzawy kwaw ywy ku'i kwer wà. Heta tetea'u wà. Ni amo nupuner kwaw wapapar haw rehe wà. Aze mo aiko Tupàn hemiaihu romo a'e teko wainuinuromo hemàno mehe, A'e mehe mo ikatu mo ihewe. Hereko katu wer teko imunar 'ym ma'e wazàwe ihe, i'i Màrààw.

João 6:27

— Xo temi'u ko ywy rehe har aekar putar ihe nehe, peze zo nehe. Xo ko ywy rehe peneko mehe pe'u putar agwer temi'u nehe. Aze nape'u kwaw nehe, ipuga nehe. Aze pemàno nehe, pepytu'u putar i'u re nehe. Ihe Awa ta'yr ihe. Aze peruzar heze'eg nehe, a'e mehe heruzar haw nuzawy kwaw amo ae temi'u peme a'e nehe. Aze peiko a'e temi'u zàwenugar i'u har zàwenugar romo nehe, peiko putar tuweharupi Tupàn pyr nehe, ta'e Tupàn heru a'e xe, umur ukàgaw ihewe a'e xe. Umume'u wa'yr romo hereko haw iko purupe a'e.

Hebreus 6:11

Xo ko ma'e uruputar ure. Peàro Zezuz izewyr àwàm peiko. Hàro mehe pe pitàitàigatu pezamutar wi wi Tupàn nehe. Pepytywàgatu wi wi hemiruze'eg pe wà nehe no. A'e rupi tur mehe uzapo putar ikatuahy ma'e peme nehe no.

Josué 7:3

Uzewyr mehe uze'eg Zuzue pe wà. — Emono kar zo zauxiapekwer paw a'e pe ne wà nehe, ta'e naheta tete kwaw awa a'e pe wà xe, i'i izupe wà. — Aze ru'u 2.000 aze ru'u 3.000 awa emono kar wà nehe, Az tawhu heityk pà wà nehe. (Nezewe mehe amogwer zauxiapekwer na'ikene'o e kwaw wà nehe), i'i izupe wà.