Provérbios 13:22 - Tupàn zeꞌeg

²² Awa ikatu ma'e wereko putar wemetarer nehe. Upuner ikurer imono haw rehe wemimino wanupe nehe. Ikatu 'ym ma'e iapo har wanemetarer oho putar teko imunar 'ym ma'e wanupe nehe.

Provérbios 13:22 ပူးပေါင်းရင်းမြစ်များ

Esdras 9:12

— Pereko zo a'e teko penemireko romo pemen romo nehe. Aze pepuru'u wer ko ywy rehe hezuz ma'e ràm rehe nehe, aze peporomono wer ko ywy rehe pezuapyapyr wanupe nehe, pepytywà zo teko ko ywy rehe har zeàmàtyry'ym 'ymaw rehe waneko mehe pe wà nehe. Pepytywà zo ma'e tetea'u imono'og mehe pe wà nehe.

Salmos 102:28

Zanera'yr wiko putar ikatu 'ym ma'e wi ukyze 'ym pà wà nehe. Erezekaiw putar wazuapyapyr wanehe tuweharupi ne wà nehe.

Salmos 112:2

Awa ikatu ma'e ta'yr ikàg putar ywy rehe wà nehe. Tupàn omono putar uze'egatu izuapyapyr wanupe nehe.

Salmos 128:6

Tuwe erexak neremimino ne wà nehe. Tuwe zeàmàtyry'ym 'ymaw teko Izaew izuapyapyr wanehe tuz a'e nehe.

Salmos 37:25

Kwehe mehe aiko kwàkwàmo romo ihe. Hetua'uhez tuwe ihe kury. Nezewe rehe we naexak pixik kwaw awa ikatu ma'e Tupàn hemityk kwer ihe. Naexak pixik kwaw ta'yr temi'u henoz mehe nahu rupi ihe wà.

Provérbios 17:6

Wanemimino wanemiapo kwer umurywete kar wanàmuz. Wanu wanemiapo kwer umurywete kar wana'yr no.

Provérbios 28:8

Aze amo omono temetarer amo wanupe a'e, aze wenoz imemyr uhua'u ma'e wanupe a'e, aze imunar teko wanemetarer rehe a'e, iahykaw rehe wezar wemetarer hemetarer 'ym ma'e wanupe ikatu ma'e wanupe a'e.

Eclesiastes 2:26

Tupàn umur ma'e kwaw katu haw wemiamutar wanupe. Umur ma'e kwaw paw wemiamutar wanupe no. Umur turywete haw wemiamutar wanupe. Tupàn umuma'ereko kar ikatu 'ym ma'e wà. Omono'og kar wanemetarer wanupe no. A'e re omono kar wanemetarer wemiamutar wera'u wanupe. Upaw rupi na'arewahy ukàzym ma'e ràm romo uzeapo. Nuzawy kwaw ywytu haikweromo zanezànaw.