Provérbios 12:4 - Tupàn zeꞌeg

⁴ Aze hemireko ikatu, awa hurywete a'e. Aze hemireko werur maranugar haw izupe, nuzawy kwaw ma'eahy haw ikagwer pupe ixi'uxi'u haw izupe.

Provérbios 12:4 ပူးပေါင်းရင်းမြစ်များ

Provérbios 11:22

Kuzà ma'e kwaw 'ymar ipuràgeteahy haw nuzawy kwaw itazu or tàzàhuràn ixi rehe har.

Provérbios 12:5

Imunar 'ym ma'e wereko teko paw wemu'em 'ym pà a'e wà. Ikatu 'ym ma'e hemu'em amogwer wanupe tuweharupi wà.

Provérbios 14:1

Kuzà ma'e kwaw katu har uzapo wàpuz. Ma'e kwaw 'ymar umumaw wàpuz opo pupe.

Provérbios 14:30

Aze heta zeàmàtyry'ym 'ymaw awa ipy'a pe nehe, hetekwer na'ima'eahy kwaw nehe. Ma'e rehe tewyrowyroahy haw u'u putar hetekwer ima'eahy to'o kwer i'u har ài nehe.

Provérbios 18:22

Aze amo wexak wemireko ràm, wexak turywete haw. Tupàn Tuweharupi Wiko Ma'e umur uze'egatu hehe.

Provérbios 21:19

Aze ereiko kuzà neàmàtyry'ymar ipyr tuweharupi, aze ereiko kuzà newe uze'egahy ma'e ipyr, ikatu wera'u mo ywyxiguhu rehe nereko haw.

Provérbios 21:9

Ikatu wera'u katu pe zanereko haw tàpuz pupe kuzà zaneàmàtyry'ymar rehe we zanereko haw wi.

Provérbios 30:23

Kuzà na'arewahy wikwahy ma'e umen ràm hexak arer. Uma'ereko e ma'e kuzà uzar hekuzaromo wiko ma'e kwer.

Provérbios 31:29

— Kuzà tetea'u wiko umen wanemireko ikatu ma'e romo wà. Nekatu wera'u wanuwi upaw rupi ne, i'i imen izupe.

Habacuque 3:16

A'e ma'e henu mehe hepytuhegatu ihe. Hereme uryryryryz hekyze mehe ihe. Hekàgaw uhem ihewi. Napuner kwaw hepy rehe hepu'àmaw rehe kury. Nezewe rehe we àro putar Tupàn 'ar hezemumik 'ym pà nehe. A'e 'ar mehe uzepyk putar ureàmàtyry'ymar wanehe nehe.

1 Coríntios 11:11

Zaiko ko ywy rehe zane, Zanezar imurywete kar pà zane. Kuzà nuiko kwaw awa wanehe we 'ym a'e wà. Awa nuiko kwaw kuzà wanehe we 'ym a'e wà no.

1 Coríntios 11:7

Awa a'e wà, Tupàn ài wanekon a'e wà, ikàgaw ipuràgaw hexak kar pà purupe a'e wà. A'e rupi numunehew kwaw zapew Tupàn pe zemono'ogaw pe a'e wà. Kuzà wexak kar awa ikàgaw ipuràgaw a'e wà, a'e rupi umunehew wàkàg iwànaw a'e wà.

Rute 3:11

Ekyze zo kury, herazyr. Teko 'aw taw pe har paw ukwaw kuzà ikatu ma'e romo nereko haw wà. Azapo putar wyzài ma'e nereminoz ràm newe ihe nehe.