Provérbios 1:12 - Tupàn zeꞌeg

¹² Wanexak mehe wikuwe putar wà nehe. Na'ima'eahy kwaw wà rihi. Ximumaw putar zane wà nehe.

Provérbios 1:12 ပူးပေါင်းရင်းမြစ်များ

Salmos 124:3

Zanemukun mo zanereko we mehe wà xe. Wikwahy mehe uzewyr mo zanekutyr wà.

Salmos 143:7

O Tupàn Tuweharupi Wiko Ma'e, ewazar heze'eg ihewe na'arewahy nehe, Ta'e nàro kwaw ikatu ma'e ihe kury xe. Ezeàmim zo ihewi nehe. Nezewe mehe naiko kwaw Umàno ma'e kwer wapyta haw pe wezyw ma'e wazàwe ihe nehe.

Salmos 28:1

O Tupàn Tuweharupi Wiko Ma'e, herehe uzekaiw katu ma'e, uruenoz iteko ihe. Herenoz pe herehapukaz mehe nehe. Aze nerewazar kwaw heze'eg ihewe nehe, Aiko putar umàno ma'e kwer waneta haw pe wezyw ma'e wainuromo ihe nehe.

Salmos 35:25

Emuze'eg kar zo nezewe ne wà nehe. — Ximumaw zane. Nezewe haw xiputar zane, i'i wer wà. Tuwe ni'i kwaw nezewe wà nehe.

Salmos 5:9

Ni amo nupuner kwaw waze'eg rehe uzeruzar haw rehe wà. Xo purumumaw paw rehe zo ima'enukwaw wà. — Nekatuahy, i'i mua'u amo pe wà. Hemu'em upytu'u 'ym pà wà. — Xiuka nehe, i'i wiwi uzeupe wà.

Salmos 57:3

Uwazar putar heze'eg ywak rehe wiko mehe. Hepyro putar nehe. Weityk putar hekutyr ur ma'e ràm wà nehe. Tupàn wexak kar putar upuruamutar haw ihewe nehe. Wexak kar putar puruwi utyryk 'ymaw ihewe nehe no.

Provérbios 1:13

Xixak putar ma'e hekuzar katu ma'e nehe. Zanemunar putar wama'e rehe nehe. Ximynehem putar zaneràpuz a'e ma'e pupe nehe.

Jeremias 51:34

Mawiron wanuwihawete upei'ài'àg Zeruzarez a'e. A'e re u'u. Wenuhem teko paw a'e wi wà. Wenuhem ma'e paw no. Nuzawy kwaw 'y y'a wi uzeakook ma'e. Nuzawy kwaw àzàg tawhu i'u arer. Weraha wemimutar paw. Weityk ikurer.

Lamentações de Jeremias 2:16

Neàmàtyry'ymar paw uze'eg zemueteahy nerehe upuka pà wà. Na'iakatuwawahy kwaw nerehe wà. A'e rupi — Ximumaw Zeruzarez zane, i'i wà. — Uhem 'ar zaneremiàro kwez kury, i'i wà. — Xixak uzeapo ma'e kwer paw rupi zane, i'i wà.

Lamentações de Jeremias 2:5

Zanezar nuzawy kwaw zaneàmàtyry'ymar. Umumaw Izaew wà. Weityk wanàpuztàtà paw. Umuaiw wanàpuzuhu paw no. Nezewe mehe werur zemumikahy haw upaw 'ym ma'e teko Zuta ywy rehe har wanupe. Werur zai'o haw upaw 'ym ma'e wanupe no.

Números 26:10

Ywy uzepupeka wamokon pà a'e. Umàno Kora rehe we hemiruze'eg wanehe we wà. Tata uzuka 250 awa wà. Teko wexak a'e ma'e izeapo mehe wà. — Aze xiàmàtyry'ym Tupàn nehe, zanezuka putar nehe, i'i uzeupeupe wà.

Romanos 3:13

Wazuru nuzawy kwaw teko tym awer inemahy ma'e wà. Nezewegatete a'e teko waze'eg ikatu 'ym ma'e uhem wazuru wi a'e wà no. Hemu'em waiko wà, ikatu 'ym ma'e rehe uze'eg pà wà. Waze'eg nuzawy kwaw mozaiw ipuruxi'u haw wà. Mozaiw upuruzuka a'e wà. Nezewegatete a'e teko waze'eg umuaiw teko wazeruzar haw wà, wamupytu'u kar pà wazeruzar ire wà.