Oséias 9:5 - Tupàn zeꞌeg

⁵ Ma'e uzapo putar a'e 'ar mehe wà. Mynykaw Tupàn Tuweharupi Wiko Ma'e imuwete katu haw 'ar uhem putar nehe.

Oséias 9:5 ပူးပေါင်းရင်းမြစ်များ

Isaías 10:3

Ma'e pezapo putar zepykaw 'ar mehe nehe. A'e 'ar mehe zauxiapekwer ur putar ywy muite har wi iaiw paw herur pà peme wà nehe. Mo pe penoz putar pepytywà àwàm nehe. Ma'e pe pezumim putar penemetarer nehe, pema'e hekuzar katu ma'e.

Jeremias 5:31

Heze'eg imume'u har numume'u kwaw ze'eg azeharomoete har waiko wà. Upytywà xaxeto wà. A'e rupi xaxeto wiko teko wanuwihaw romo wà. Nezewe haw ikatu heremiaihu wanupe. Ma'e uzapo putar agwer ma'e izeapo haw ipaw ire wà nehe.

Oséias 2:11

Amumaw putar hurywete haw nehe. Amupytu'u kar putar hurywete re ihe nehe. Nuzapo kwaw mynykawhu kwarahy nànànar nehe. Nuzapo kwaw mynykawhu zahy nànànar nehe. Nuzapo kwaw mynykaw mytu'u haw 'ar nànànar nehe. Nuzapo kwaw wyzài mynykaw nehe.

Joel 1:13

Xaxeto wà, Tupàn henataromo ma'ea'yr zuka har wà, pemunehew pàn ma'eryru iapo pyr pezemumikahy haw hexak kar pà nehe. Pezai'o nehe. Tupàn hezar hemiruze'eg wà, pezur tàpuzuhu izywyr katu haw pe nehe. Pemumaw pytun paw pezai'o pà nehe. Ta'e naheta kwaw temi'u imur pyrer zanezar hàpuz me xe. Naheta kwaw uwà imur pyrer zanezar hàpuz me no.