Números 9:22 - Tupàn zeꞌeg

²² Aze umumaw mokoz 'ar tàpuzràn i'aromo upyta pà, aze ru'u umumaw pitài zahy, aze ru'u umumaw pitài kwarahy, aze upytu'u, a'e mehe Izaew upyta a'e pe wà. Nuzypyrog kwaw wata pà wà. Aze uzeupir, oho a'e wi wà.

Números 9:22 ပူးပေါင်းရင်းမြစ်များ

Salmos 107:7

Weruata pe ikatu ma'e rupi wà. Weraha tawhu ikatu ma'e pe wà, waneko àwàm me wà.

Salmos 143:10

Ereiko hezar romo. Hemu'e pe neremimutar iapo haw rehe nehe. Tuwe nerekwe ikatu ihewe nehe. Tuwe hereraha pe ikatu ma'e rupi nehe.

Salmos 32:8

Tupàn Tuweharupi Wiko Ma'e uze'eg ihewe. — Urumu'e putar pe neho àwàm rehe ihe nehe. Aexak kar putar neho àwàm nehe. Akwaw kar putar neremiapo ràm nehe no.

Salmos 48:14

— Tupàn wiko putar zanezar romo tuweharupi nehe, peze putar wanupe nehe. — Wexak kar putar zanerape ràm zaneho àwàm zanewe tuweharupi nehe, peze putar wanupe nehe.

Salmos 73:24

Hereruze'eg pe herape ràm ikwaw kar pà ihewe. Iahykaw rehe hemur kar putar pe nepyr tuwihaw ài herereko pà nehe.

Salmos 77:20

Àràpuhàràn wamono'ogar weraha weimaw pe ikatu ma'e rupi wà. Nezewegatete eremuata kar neremiaihu pe ikatu ma'e rupi ne wà no, Moizez pe ne wà, Àràw pe ne wà no.

Êxodo 39:42

Teko Izaew izuapyapyr uzapo ma'e Moizez pe Tupàn Tuweharupi Wiko Ma'e hemiapo karer paw wà.

Êxodo 40:16

Moizez uzapo a'e ma'e paw Tupàn Tuweharupi Wiko Ma'e ze'eg rupi katete a'e.

Números 1:54

Na'e teko uzapo ma'e paw Tupàn Tuweharupi Wiko Ma'e ize'eg Moizez pe imono pyrer rupi katete wà.

Números 8:20

Nezewe Moizez a'e, Àràw a'e no, teko Izaew izuapyapyr paw a'e wà no, weruzar Tupàn Tuweharupi Wiko Ma'e ze'eg Moizez pe har Erewi izuapyapyr wanehe har a'e wà kury.

Números 9:17

Ywàkun tàpuzràn wi izeupir mehe Izaew izuapyapyr uzypyrog wata pà wà. Aze ywàkun upytu'u wata re, Izaew uzapo uker haw a'e pe wà.

Números 9:21

Amo upytu'u awer rehe Uzypyrog upytu'u pà karuk mehe. Iku'egwer pe uzeupir wi. Izeupir mehe uzypyrog wata pà wà. Tuweharupi aze ywàkun uzeupir, 'aromo, aze ru'u pyhaw, Izaew uzypyrog wata pà wà.

Atos 1:4

Amo 'ar mehe, wapyr wiko mehe, umume'u ko ze'eg wanupe. — Peho zo Zeruzarez tawhu wi ko 'ar rehe nehe, i'i wanupe. — Heru umur putar ikatuahy ma'e peme a'e nehe. Umume'u imur àwàm. Peàro imur àwàm nehe, i'i wanupe. — Aze'eg peme ihe no, a'e ma'e imur àwàm rehe ihe no, i'i wanupe.